1 Korint 13:1 - NQAARIIT NE ROOG

¹ Mi fa xoox es sax, boo andoona yee kaam ci’’el o waag o lay fo lak no wiin fa fee no malaaka ke, um fexangee lakas we, kaam nandkoogu nen a qiin alaa na ƭawƭawnaa soom.

1 Korint 13:1 Iomraidhean Croise

A kim a tedu ke 150:5

Mbakeenoo fo a tama, njiinin fo a qiin!

Mace 25:45

Xan a doon a den ee: ‹No ndigil, mexe layaa a nuun ee: Ke nu mbi’aneerna o leng oxe moƴna o neew no fog es wene fop, mi nu mbi’aneerun.›

Mark 16:17

We na ngimkaa na mi xan a yoonit xa anddiloor axene: Xan a ndaxaa cini no gon es, a layaa lak qas.

O leetar ole Pool a bindna GIMU WE NGENNA ROM 14:15

Boo ɓisiidoona o kentand of coono yaam ñaamel kaa o ñaamaa, yaaga fesooratiro nen oxaa jegna o mbeq. Ten taxu ba o mo’noor o pog of yaam ke o ñaamaa, yaam Kiristaa a xonanaan itam.

1 Korint 12:10

soo oxene a ci’el a waag o fi comlaand, oxeeke a jo’tanaa a Roog, oxeeke a waag o jektirand a yiif ake, oxaana a waag o lay lak-yiif, o lakas a waag o lapatoox lak keene.

1 Korint 12:16

Mbaat nof ne a lay’angaa yee: «Feek refiim a ngid, fogiim no cer ke», ndax ñak o ref a ngid a waaga tax fogkee no cer ke?

1 Korint 12:8

Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

1 Korint 13:8

O mbeq sooƴkee muk. O jo’tanaa a Roog koy xan a faaf, lak ke a sooƴ, o and ee mes,

1 Korint 14:2

Oxe Yiif le a ci’na ta layaa na lak-yiif, oxaaga layee fo wiin we, Roog a laytaa, yaam we ta refitna nanee lak fee ta layaa. Yiif le Roog rokun, ta layaa kunpa.

1 Korint 14:4

Oxe na layaa lak-yiif, xoox um a jokaa, oxe na jo’tanaa a Roog o mat, a jokaa mbokatax ne no gimu we.

1 Korint 14:5

Um waag’angaan, nuun fop, Yiif le ci a nuun nu layaa lak-yiif, ndaa ke moƴuuma o bugan a nuun refu nu njo’tanaa a Roog. Yaam oxe na jo’tanaa a Roog hupu oxe na layaa lak-yiif, a refangeerna boog oxe na layaa lak-yiif kaa Yiif le ci’in, ta waag o lapatoox ke ta layna, ndax gimu we a ƥaatoorin.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

2 Korint 12:4

O koor oxeene a yoɗe na arjana. Maaga, a nana xa ñuxur axaa mbaag’aandeena o laalat, too o leng ci’aand, ndax ta waag o jeepeet a den.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Mbeeñil 14:2

Nanaam o ñuxur olaa inoorna na asamaan, a jibtaa nen poofi maak kaa na nqawraa, a fangoortaa nen ƭuuɗ maak. O ñuxur ole nanuuma kaa nandtoogu itam nen o ñuxur no riiriiti waa na nqilimbaa.