1 Korint 12:9 - NQAARIIT NE ROOG

⁹ o lakas a danqel o ngim. Keene fop koy, Yiif leng kut le na ci’tan. A jega itam oxaa ci’eena a waag o wodand jiru na pexey Yiif leng le,

1 Korint 12:9 Iomraidhean Croise

2 Korint 4:13

A Pind a Tedu ke kaa lay ee: «Kaam gim, ten taxu um layaa!» In itam, ne i mbogna yiif leng kut no ngim onqe, kaa i ngim, ten taxu i layaa.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

Hebre 11:33

O ngim tax’u weene a ngef a saax, a mbi’aa ke jofna, too a ndaaw’a ke Roog a regit’ina. A muɓnoorooga cogoy itam.

1 Korint 12:30

mbaat a mbaag o mbodand jiru mbaat da layaa lak-yiif mbaat da lapatooxaa lak keene?

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

Mark 16:18

Boo da ndamna ƥood na xa ƥay den mbaat da yer kaa jegna daŋat, dara damkee a den. Xan a ndoon xa ƥay den took jiru we, too weene xan a mbod.»

A pi ake 5:15

We njirna kaa ƥisiidoogel kam ped ke, a mbondneel took cong fo na xa sar, ndax Piyeer a jooniidangaa, mbelyook um a waag o rok wiin leng-leng na den boog.

YEGIL MBAAX NE YEESU ne Lik a bindtuuna 10:9

Mbodandyo jiru we nu soƥkaa maaga, too mbaare a den ee: ‹Maat ne Roog a matiida a nuun.›

YEGIL MBAAX NE YEESU ne Lik a bindtuuna 9:2

A lula a den da mbaare’ik fa lay fee no Maat ne Roog, too a mbodand we njirna.

Mark 6:13

A ndaxooga cini mayu, a ƭuumaa jiru mayu diwliin, soo a mbodandaa a den.

Mace 21:21

Yeesu a doona a den ee: «No ndigil, mexe layaa a nuun ee: Nu njegangaa o ngim, too nu saqee a yiif-a-ƭak, nu mbi’kee ke fi’eena meeke soom, ndaa yaaga nu layangaa o joong olene yee: ‹Inooxi mene, too jimboox kam o maag olaa›, yaaga xan kaaga a jeg.

Mace 10:8

Mbodandyo jiru we, nqontooxnoor xon we, nqooland we njegna a tik-a-maak, ndax cini ke. Kaa nu ci’el, ci’ityo boog!