1 Korint 12:10 - NQAARIIT NE ROOG

¹⁰ soo oxene a ci’el a waag o fi comlaand, oxeeke a jo’tanaa a Roog, oxeeke a waag o jektirand a yiif ake, oxaana a waag o lay lak-yiif, o lakas a waag o lapatoox lak keene.

1 Korint 12:10 Iomraidhean Croise

1 Korint 14:39

Fog es, yaaga koy mbaaƭyo ci’it ne refna o jo’tanaa a Roog, too oxuu na layaa na lak-yiif, ba nu mbañtin o ten.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Mark 16:17

We na ngimkaa na mi xan a yoonit xa anddiloor axene: Xan a ndaxaa cini no gon es, a layaa lak qas.

Galati 3:5

Oxe ci’na a nuun Yiif um too a fi’aa a pi katil a mayu a ndeer nuun, ndax kaa fi’an yaam ne nu ndeefaa ke kebil ke a layna, ndi yaam ne nu nanna Yegil mbaax ne too ngimin?

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

1 Tesalonik 5:20

too ba nu nqeef ci’it o jo’tanaa a Roog,

1 Korint 13:8

O mbeq sooƴkee muk. O jo’tanaa a Roog koy xan a faaf, lak ke a sooƴ, o and ee mes,

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

O leetar ole Pool a bindna GIMU WE NGENNA ROM 12:6

Roog kaa lasit ci’it um no fud o letu. Ci’it ke koy kaa nguutatir, ndaa i mbara o njiriiñoor a den, oxuu refna fo ne Roog a lastoonga. Oxuu ci’eena o jo’tanaa a Roog, fat a fi’in, ta yoon fo o ngim onqe.

A pi ake 19:6

Pool a doona xa ƥay um took den, too a ndaawa Yiif Tedu le. Kaa layoogatu lak pogreer, a njo’tanaa a Roog itam.

A pi ake 11:28

O leng na den oxaa ne’eena Agabus a inooxa, a yegnit na pexey Yiif Tedu le yee xan a jeg biim maak kam adna fee fop. (Biim leene a jeg’a na jamaane faa Kolood a refna Kesaar fee.)

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

YEGIL MBAAX NE YEESU ne Saŋ a bindtuuna 16:13

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

YEGIL MBAAX NE YEESU ne Saŋ a bindtuuna 14:12

No ndigil, no ndigil, mexe layaa a nuun ee: Oxuu gimna na mi, xan a waag o fi a pi ake um fi’aa. Xan a fi kupun sax, yaam mexey retaa maa Faap faa.

YEGIL MBAAX NE YEESU ne Lik a bindtuuna 24:49

Yaaga boog, xam fudniid took nuun ke Faap es a regitna. Kaa koy, yoqyo kam teeru fene boo yaa nu muurkeel doole fee took.»

Hebre 2:4

Na waxtu faaga sax Roog a saƭkanda seede den fo xa anddiloor fo comlaand fo xa qos a pi katil akuu ndefna. A lasta itam ci’it ke no Yiif Tedu le ne ta bugitna.

A pi ake 11:27

Na pe akaaga, duleer a inoora Yeerusaleem a ngar Ancook.

1 Korint 11:4

O koor oxuu na xeɗaa mbaat ta jo’tanaa a Roog kam mbokatax ne no gimu we, soo a rokoox o maxanda, oxeene, gaci rek a doonaa oxe kelfa’uuna.

1 Korint 14:13

Oxuu na layaa lak-yiif, fat a xeɗ a Roog, ndax ta ci’in ta waag o lapatoox ke ta layna.