Fudnantiidaa a den mbuuru na asamaan, ye da nqeexeena, balnanit a den foofi no ɓil le, ye da ngoɗomeena. Heblaa a den da njaɓik saax le daaɓoox’oona o coox a den.
Ii-isra’el we fop a ƭeetooga, a laamtiraa yee: «Ndi xar kene?», yaam and’ee ke keene a refna. Moyiis a doona a den ee: «Mbuuru ne o Yaal oxe a ci’na a nuun oo, ndax nu ñaamin.
O Yaal oxe a laya a Moyiis ee: «Xam deɓaniid a nuun mbuuru, ta hatiid na asamaan. Fat xeet fee a sutoox, a ngurdaa ñaal oo ñaal ke da soxla’kaa. Neene, xam ɗeetloox a den boo ga, ndax xan a ndeef kebil es, ndax nam.
A cinj coono keene fo a cinj ye ta ñaatlanditna a nuun nqeex, a ci’a a nuun maan fee, ta ref ñaamel kaa nu and’eerna, daan nuun and’iran. Neene, a lala a nuun ee o kiin ñoowitkee ngaaf soom, ndaa fo fa lay fuu sutoorna no don no Yaal oxe.
