1Saŋ 2:3 - NQAARIIT NE ROOG

³ I ngayangaa kebil ke ten, maaga i anditkaa yee i anda o Yaal oxe.

1Saŋ 2:3 Iomraidhean Croise

A kim a tedu ke 119:32

Kaam ƴufaa na ƭat ale no kebil of, yaam dalnaa o laaw es.

A kim a tedu ke 119:6

Yaaga sedkiim, yaa haanuuma no kebil ke wo fop.

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

YEGIL MBAAX NE YEESU ne Lik a bindtuuna 6:46

«Xar taxu nu nqoyaxam ee o Yaal oxe, o Yaal oxe, too nu naangee o mbi’aa ke simtuuma?

YEGIL MBAAX NE YEESU ne Saŋ a bindtuuna 14:15

«Nu mbexangaam, fat nu ngay ke hebluuma a nuun.

YEGIL MBAAX NE YEESU ne Saŋ a bindtuuna 15:10

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

YEGIL MBAAX NE YEESU ne Saŋ a bindtuuna 15:14

Qaariit es nu ndefu, yaa nu ndeefaa ke hebluuma a nuun.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

1Saŋ 2:13

Nuun paap ke, mexe bindaa a nuun yaam nu anda oxe refna yaa fo mberaandoong naa. Nuun xa pes axe, mexe bindaa a nuun yaam nu maafa o paaxeer oxe.

1Saŋ 3:14

I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

1Saŋ 3:19

Mene i anditkaa yee no ndigil ne i mbogu, a qeeñ in a njeg o woor mbaambir Roog:

1Saŋ 3:6

Ten taxu, oxuu genna no ten saxkee no bakaadaa. Oxuu saxna no bakaadaa koy, ga’iran, too andiran.

1Saŋ 4:13

Mene i anditkaa yee i ngena no ten, ta gen na in: A ci’a a in Yiif um.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

1Saŋ 5:2

Mene i anditkaa yee i mbexa xa ƥiy axe Roog: Kaa i mbex a Roog, too ndeefaa kebil ke ten.

1Saŋ 5:3

Yaaga koy, fex a Roog refu gay kebil ke ten. Kebil ke ten ƭomee o ndeefel,

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Mbeeñil 14:12

Ten taxu we mbogna na Roog, a ngeek kebil um, a ngim na Yeesu, a mbara o lalit o saƭkel.

Mbeeñil 22:14

We na ndapaa toki den, ndax da ci’el a ñaam o rim ole no ndaxar ne no ñoow ole, a ndoktaa na xa ton-maax axe na teeru fee, a ƭaaya.