Mateo 27:12 - Sirionó

¹² Sacerdote rerecua que ñee ɨcuã ja Jesús je ra. Ameɨ ererecua abe no. Jesús que ñee ãte echeẽ mose ra.

Mateo 27:12 Iomraidhean Croise

Mateo 26:63

Jesús que ñee eã mbeɨ echeẽ mose ra. Sacerdote rerecua que ñeembe ee ra. —¿Dios rucucha nde re? ¿Cristo nde re? Diósaa echeẽ ure je, ɨ que sacerdote rerecua ñee ee ra.

Mateo 27:13

—¿Erechanuãte equia ñee mose nderɨɨ̃ nde? ɨ que Pilato ñee Jesús je ra.

Mateo 27:14

Jesús que ñee ãte echeẽ mose ra. Nyebe Pilato nyuruɨra tuchɨ nguiã echeẽ eã mose.

Lucas 23:9

Herodes que ñee atate rei Jesús je ra. Jesús que ñeeã mbeɨte echeẽ ndɨbɨshorõ nda.

Hechos 8:32

à Isaías chɨmbesa rese que eriqui mae mae nda. à ndei e ã: Nanderiquicharõsa rei oveja rã. Mbia que oveja querao eɨquiásaa ra. Mbia que ovejara nyisia sia ra. Oveja ñee ñeeã ee. Eɨ̃ ngue nanderiquicharõsa ñee ñeeã huɨɨquia mose ra.

1 Pedro 2:23

Mbia ñee ɨcuã mose Cristo je, ae que ñee ɨcuã eã mbeɨ mbia cheẽ ndɨbɨshorõ nda. Mbia Cristo mbaasi asi mose, “tasaã se”, ɨã tuchɨ que equia ra. “Dios quiarei”, ɨ chõ ngue equia ra.