Mateo 19:19 - Sirionó

¹⁹ Ndeturã ño nderu je. Ndeturã ño ndesi abe je. Sã erechesecua ndechɨese no nae, eɨ̃ ere sɨ chõ nyesecua nde ji jenda rese”. Dios cheẽ ja chõ ũquɨ̃ nde. Mbia echeẽ mumbayã sacuã, ɨ que Jesús ñee acuanɨndu je ra.

Mateo 19:19 Iomraidhean Croise

Mateo 19:20

Acuanɨndu que ñee ndei ee ra. —Ũquɨ̃ ngue amumbayã ja beɨ quia ra. Señetẽ mosenda beɨ. ¿Mbae mo abe ra asaã nde? ɨ que acuanɨndu ñee Jesús je ra.

Mateo 22:39

à abe rei ũquɨ̃ nduɨnda ã no: “Sã ereɨco nyesecua ndechɨese no. Eɨ̃ ere sɨ chõ nyesecua mbia rese”.

Mateo 5:43

Ameɨ ñee ngue jeñandu rei ra. “Ae eturãte riqui ndeje nae, echesecua erese. Ae ndeucuãyã nguia nae, nde abe eucuãyã” ɨ rei que ameɨ nda.

Lucas 10:27

Embesasa que ñee ee ra. —Eɨ̃ ño ngue Moisés embesa ra: “Echesecua tuchɨquia Dios rese. Ndechɨã ja je chõ eɨco nyesecua erese. Neaĩ abe je. Ndequirãcuã abe je. Nendua ndua abe je. Sã erechesecua ndechɨese no, eɨ̃ ere sɨ chõ nyesecua nde ji jenda rese”, ɨ que embesa ji ñee ndesẽ, ɨ que embesasa ñee Jesús je ra.

Romanos 13:9

à ndei Moisés chɨmbesa ã: Emo ninisi rese ra ereɨcochɨ̃. Mbia mo nda ereɨquiachɨ̃. Mbae mo nda erembuquiachãchɨ̃. Emo je ra erecheẽ ñooñochɨ̃. Emo mbae ra erechoseɨ choseɨchɨ̃, ɨ que Moisés chɨmbesa ra. Nandechesecua mose mbia rese, nandeɨco embesa ji cheẽ mumbayã ã. à ndei Jesucristo cheẽ ã: Sã ereɨco nyesecua nderete rese no, eɨ̃ ere sɨ chõ nyesecua emo ndese. Nde ã naa mose, Moisés chɨmbesa ja eremumbayã nguia ã.

Gálatas 5:14

Dios cheẽ ja tuchɨ chõ ã nde: “Sã ereɨco nyesecua ndechɨese no. Eɨ̃ ere sɨ chõ nyesecua emo ndese”, ɨ que Dios cheẽ nda. Nandechesecua mose mbia rese, Dios cheẽ nandemumbayã tuchɨ chõ nguiã ũquɨ̃.

Santiago 2:8

—Sã ereɨco nyesecua ndechɨese no. Eɨ̃ ere sɨ chõ nyesecua emo ndese, ɨ que Dios mbia je cose ra. Dios cheẽ i tuchɨ chõ ũquɨ̃ nde. Nande ũquɨ̃ ñee mumbayã mose, nandeɨco turã ndae.