Mateo 18:6 - Sirionó

⁶ Ae ra mbae ɨcuã saã uquia seɨcuasa mo je nae, ũquɨ̃ nda mbae rasi saã tuchɨ cote. Ũquɨ̃ nda aba mombo chõ ama ndɨsha ye nyii re chã. Sɨta resebe ecua ji mondo. Ɨ̃ nda mbae ɨcuã naa uquia eãte rei seɨcuasa je.

Mateo 18:6 Iomraidhean Croise

Mateo 17:27

Dios riirĩ ndaque se. Impuestos nandemee ndei Dios chuchua jenda je. Sã mbia ndua ɨcuã eã nande rese. Quiatu ama ndɨ́shaa. Sɨra mbabasa emondo ii. Ae rane nda sɨra erembua nae, aque churu ye ra mbae isiquia mo eretea. Aque emee serao impuestos isi isiquia je. Sembae impuestos sacuã. Nembae sacuã abe no, ɨ que Jesús ñee Pedro je ra.

Mateo 18:10

Seriirĩ ñetẽ mo nda jẽucuãyãchɨ̃ jẽ. Angeles riqui eraarõte ã. Angeles riqui Paba rese ibate pe.

Mateo 18:14

Sã jendu ibatenda abe no. —Sã aque mɨɨ quiachã eã seriirĩ ñetẽ mo, ɨ chõ Dios nguiã co.

Mateo 18:5

Ae eturã ndiqui mbia riirĩ je serɨɨ̃ nae, seje abe chõ eturã ndiqui nguiã.

Marcos 9:42

Ae ra mbae ɨcuã saã uquia seɨcuasa mo je nae, ũquɨ̃ nda mbae rasi saã tuchɨ cote. Ũquɨ̃ nda aba mombo chõ ama ndɨsha ye nyii re chã. Sɨta resebe ecua ji mondo. Ɨ̃ nda mbae ɨcuã naa uquia eãte rei seɨcuasa je.

Hechos 9:5

Saulo que ñee ee ra. —¿Aba nde re? ɨ ee. Ibatenda que ñee ee ra. —Jesús rei se. Seje quia ndeɨcuãte riquichɨ̃ nguiã. Ndeɨcuã mose seje, nde sɨ́ chõ ereɨco ñimbasi co. Sã ticuasu riqui nambacua mbuti no. Sã eriqui hui mbaba ira racua echɨ no. Ũquɨ̃ na tuchɨ quiarei nde, ɨ que Jesús ee ra.

Romanos 14:21

Soo Jesús quiato mbɨɨcuã mose, soo ra nandeu eã. Vino Jesús quiato mbɨɨcuã mose, vino nda nandembei eã. Mbae mo Jesús quiato mo mbɨɨcuã mose, nandeoco eã erese nande abe. Mbae mo Jesús quiato mo mbɨɨcha serɨ̃ mose Dios ɨcha sɨ, ũquɨ̃ ndese nandeɨcoã nande. Eɨ̃ nda ɨchayã esɨ.