Lucas 13:18 - Sirionó

^18-19 Jesús que ñeembe mbia je cote ra. —¿Mbae rã ño Dios rimba chã? Mbae eɨ̃ na ño Dios rimba re. Sã mbia mostaza eɨ̃ tiquia no. Ieɨ̃ ñetẽte raque etiquia ramo mose. Suri oso quia cote. Ecuasu tuchɨ chee cote. Nguireɨ̃ uquisa saã nyee erãquiã ndese. Eɨ̃ sɨ chõ Dios rimba re. Ũquɨ̃ mɨɨ ndaque nyii. Ñimbeta tuchɨ cote. Mbae eɨ̃ na.

Lucas 13:18 Iomraidhean Croise

Mateo 13:24

Jesús que ejemplo nongue senei ee ra. —Sã emo trigo eɨ̃ mombiquia mbiquia úcoo no. Ũquɨ̃ na ño Dios rimba riqui nguiã ã.

Marcos 4:26

Dios rimba ñɨmbeta chõ nguiã mbae eɨ̃ na. Sã emo mbae eɨ̃ tiquia tiquia no.

Lucas 13:20

¿Mbae rã ño Dios rimba chã? Levadura rã ño Dios rimba re. Sã mbia levadura ñetẽ mondo mbichae ao ramo mose no. Levadura oso quia mbichae mbuchɨmatã ja no. Eɨ̃ sɨ chõ Dios rimba re, ɨ que Jesús ra.

Lucas 17:21

“¡Aa chõ Dios riqui mbia rerecuarã jẽ!” ɨã ndae. “¡Pee chõ Dios riqui mbia rerecuarã jẽ!” ɨã nda eno. Mbia chɨangui re quiatu Dios riqui nguiã mbia rerecuarã, ɨ que Jesús ra.

Lucas 7:31

Jesús que ñeembe ee ra. —Mbia namonda siqui turã eãte quia aba cheẽ nduɨ ã. Mbia riirĩ na ño eriqui nguiã.