Juan 6:45 - Sirionó

⁴⁵ “Dios ra mbia mbaaquiatu ja”, sã embesa ji riqui ɨ no. Nyebe ra Paba cheẽ andusa siqui beɨ serese. Nyebe ra Paba cheẽ mumbasa reã siqui beɨ serese.

Juan 6:45 Iomraidhean Croise

Mateo 11:27

—Seru que mbae mondo ja seje ra. Paba mɨɨ ño seɨcua tuchɨ nguiã. Paba riirĩ mɨɨ tuchɨ chõ se re. Se mɨɨ ño Paba aɨcua tuchɨ nguiã no. Ae je ra Paba ateacuquia nae, ũquɨ̃ mɨɨ ño nda Paba ɨcua tuchɨ nguiã serese.

Mateo 17:5

Pedro cheẽ mosete que ibeishĩ ndu eite ñɨ nda. Abamo ñee mo ngue echandu ibeishĩ qui re ra. —Co rei sebi tuchɨ seriirĩ co. Seya tuchɨte aɨco erese co. Echeẽ jeñandu beɨ quia, ɨ que Dios ñee ee ibeishĩ qui re ra.

Marcos 1:2

Sã Isaías Dios cheẽ mbesa cose no: Secheẽ nderaosa amondo quia nderẽta aque. Ae ra ñeenda mbuquiche nembaerã, ɨ que Dios ra.

Lucas 1:70

Sã Dios ñee cose no. “Mbia rirõ sacuã nda ambu íbii”, ɨ cose no. Ucheẽ nenei neneisa que embuchecua mbia je cote ra.

Lucas 18:31

Jesús que ñee ɨcúee uchɨmbaaquiatu doce je ra. —Co nandeso quia Jerusalén co. Ae Dios cheẽ mbuchecuasa mbesa mbesa quia serɨɨ̃ nyii nae, ũquɨ̃ nda ɨo ja cote.

Juan 10:27

Serimba secheẽ ɨcua ja quia ã. Serimba aɨcua ja quia ã. Seruɨ ja serimba riqui ã.

Juan 6:37

Ae Paba mee seje mbia nae, ũquɨ̃ nda siqui beɨ serese. Ũquɨ̃ nda aisi teã eã mbeɨ.

Juan 6:65

—Acheẽ ngue jẽje nyii, ũquɨ̃ sɨ́ aɨco ñee jẽje a. Mbia ae ra siqui eã serese. Paba emɨngo mose serese, aque mose ra eriqui tuchɨ serese cote, ɨ que Jesús ra.

Hechos 13:40

“Mbae ɨcuã nda tuchɨ̃ jẽje”, ɨ que Dios cheẽ mbuchecuasa ra. Jẽtesa beɨ u jẽ. Sã Dios cheẽ mbuchecuasa ɨo eã jẽje. Eɨ̃ ngue Dios cheẽ mbuchecuasa ra:

Hechos 7:42

Ũquɨ̃ ɨcuã tuchɨ que Dios je ra. Nyebe Dios huɨ nguiã nandei sɨ cote. Nandererecua, ɨ chõchɨ̃ mbia tenda je cote. Nyasi je abe no. Nyasi tata je abe no. Ũquɨ̃ je chõ mbia riquichɨ̃ ñee ñee. Ũquɨ̃ mose que Dios ucheẽ mbu cote ra. Dios cheẽ mbuchecuasa que Dios cheẽ senei senei mbia je ra. Co rei embesa ji co: Israelitas, ¿aba je jẽɨngo mbae roo mendi mendi cose re? Jẽɨngo mose turuquia cuarenta años mose. ¿Seje chõ jẽɨngo mbae roo mendi mendi cose re?

Efesios 1:17

—Paba, ndequiato embaaquiatu tuchɨ Cristo rɨɨ̃. Cristo eɨcua uquia tuchɨ ee, ae beɨte se quia Dios turã je jenɨɨ co.

Filipenses 3:15

¡Eɨ̃ nande ja tuchɨ quiatu quia siqui Jesucristo rese jẽ! Nande eɨcua tuchɨ mose. Jendua ja eã mose hue rɨ̃, Dios ra ñee jẽje. —Ã ndese chõ jẽɨngo, ɨ ra jẽje.

1 Tesalonicenses 4:9

—Jenyesecua jenyɨese, aeã nda jẽje cote. ¿Mbaerã nda acheẽ jẽje re? Dios que ñee jẽje no. Nyebe jẽɨngo nguiã nyesecua jenongue rese ũquɨ̃ cote.

Hebreos 10:16

Ae contrato ra asaã je judíos je nae, ã ndei e ã: Secheẽ nda amɨɨ tuchɨ echɨangui re. Secheẽ nda amɨɨ tuchɨ eãquĩ ndese no.

1 Juan 2:27

“¿Aba quiatu ra nandembaaquiatu quiatu re?” jenye aroneate quia ũquɨ̃. Espíritu Turã ndiqui tuchɨ jeñɨangui re jembaaquiatu quiatu ũquɨ̃. Jesucristo que emondo jẽje ra. Ae chõ jembaaquiatu quiatu nguiã mbae ja rɨɨ̃ ũquɨ̃. Ñee ñooñoa tuchɨ chõ ñene. Cristo rese jeɨ̃ ngo beɨ, Espíritu Turã ñee nguire.