Juan 16:4 - Sirionó

⁴ Eɨ̃ ae chõ nguiã ñee jẽje co. Eɨ̃ nda jendua secheẽ ndese, mbia ɨcuã ɨcuã mose jẽje. “Jesús cheẽ ɨquechɨ̃ cote”, jenye ra cote. Acheẽ jeɨ eã ngue jẽje ũquɨ̃ cose resẽ. Aɨcote quiatu ngue jendese re.

Juan 16:4 Iomraidhean Croise

Mateo 10:7

Jẽso mose, secheẽ jẽsenei senei mbeɨ quia ee. “Mbia rerecuarã tuchɨ ra Dios cote”, jenye oso secheẽ nenei nenei judíos je.

Mateo 24:25

Ũquɨ̃ nonde chõ aɨco nguiã jembiirandu randu co.

Mateo 9:15

Jesús que ñee ee ra. —Sã emo ndiqui ngũinisirã isi ramo no. Sã eresenda iate riqui quiaru erese no. Sã eriqui huɨ aroneate uchɨu sɨ aque mose no. Sã eru riqui mano emo mose no. Aque mose quiatu ra equiato huɨ uchɨu sɨ cote.

Marcos 13:23

Ũquɨ̃ nonde chõ aɨco nguiã jembiirandu randu co.

Marcos 2:19

Jesús que ñee ee ra. —Sã emo ndiqui ngũinisirã isi ramo no. Sã eresenda iate riqui quiaru erese no. Sã eriqui huɨ aroneate uchɨu sɨ aque mose no.

Lucas 1:2

Mae ndei equia erese nyii. Dios cheẽ esenei senei mbeɨ rei quia nyii. Jesucristo chɨsaã ndese que urembiirandu cote ra.

Juan 13:19

¡A aɨco ñee jeɨ jẽje a jẽ! Eɨcuã nonde seje. Eɨcuã mose seje, jẽ nda seɨcua cote. “Dios nducucha” jenye tuchɨ ra seje cote.

Juan 14:29

Seso nonde aɨco ñee tuchɨ jẽje a cote. “Ñee ñooñoã tuchɨ quia equia re”, jenye tuchɨ ra seso mose cote. Huee ra jẽ seɨcua tuchɨ cote.

Hechos 9:16

Saulo secheẽ nenei nenei mose ra mbia embasi mbasi tuchɨ. Mbia ɨcuã ɨcuã tuchɨ ra ee serɨɨ̃ mambɨ. Ũquɨ̃ ndese Saulo tambiirandu, ɨ que Dios ra.

2 Tesalonicenses 2:5

Seɨco mose jendese que asenei ja jẽje ra. ¿Jẽtesareɨã ndei equia secheẽ sɨ re?

2 Pedro 1:14

Jesucristo que ñee seje ra: —Ereɨco arete eã nda íbii, ɨ que sembiirandu ra.