Apocalipsis 16:9 - Sirionó

⁹ Tenda que mbia sei tuchɨ quia embasi ra. Ũquɨ̃ mose abe que mbia riqui ñee turã eãte Dios je ra. Dios embasi raque. Mbia que uba eã mbeɨ Dios rese ra. Ñee ɨcuã ɨcuã mbeɨ chõ ngue equia erɨɨ̃ nda.

Apocalipsis 16:9 Iomraidhean Croise

Lucas 13:3

Jẽhuɨ eã mose jẽɨcuã sɨ, jemano ja chõ nda jẽ abe. Ũquɨ̃ na sɨ.

Lucas 13:5

Eɨ̃ ja chõ ñene. Jẽhuɨ eã mose jẽɨcuã sɨ, jemano ja chõ nda jẽ abe. Ũquɨ̃ na sɨ, ɨ que Jesús ra.

2 Corintios 12:21

Seso mose jendea ra Dios sembia eã tuchɨ se mae mose jẽɨcuã ndese reae. Seɨreɨ̃te ra jẽɨcuã ndese mae mose. Jẽɨcuã cose ndare sɨ jẽhuɨ eã mbeɨ chõchɨ̃ namo nyee. Ae jeninisiã nae, ũquɨ̃ ndese jẽɨngo beɨ chõchɨ̃ ũquɨ̃. Ae jendu eã nae, ũquɨ̃ ndese abe jẽɨngo beɨ chõchɨ̃ ũquɨ̃ no. Mbae aba ɨreɨnguia rese jẽɨngo beɨ chõchɨ̃ ũquɨ̃.

Apocalipsis 11:13

Aque mose tuchɨ que ibi nyere ɨcuã nda. Sucha tubɨrɨã ndɨbɨsho que ngoɨ ngoɨ jate ra. Mbia tubɨrɨãte que mano nda. Siete mil que mbia mano nda. Mbia ataque que siquichete ra. Ñee turã turãte que equia Dios ibatenda je cote ra.

Apocalipsis 14:7

Aque ángel que ñee nda: —Jẽɨreɨ̃ ɨreɨ̃ jiri Dios sɨ. Jeñee turã turã jiri quia ee. Achɨte Dios ñɨ mae ja mbia rese a. Uquiatoã mbasi nonde. Dios quiatu ngue mbae chao ja nguiã. Ibei. Ibi. Ama ndɨsha. Ama ndɨɨcoɨ̃. Nyebe ra mbia ñee turã ee, ɨ que ángel ñee cuu ra.

Apocalipsis 16:21

Iquitã nguasu que ngoɨ ngoɨ quia mbia ɨquia ɨquia ra. Cuarenta kilos ja ja que ũquɨ̃ iquitã nda. Iquitã ngue mbia ɨquia ɨquia tuchɨ quia ra. Nyebe mbia riqui nguiã ñee ɨcuã ɨcuã tuchɨ Dios rɨɨ̃. Ñee turã ndocoɨ̃ ee.

Apocalipsis 2:21

Jezabel naanguia que atiisu isu chõ nyii ra. “Sã ndua sɨ́ huɨɨcuã ndese. Sã eriqui chooñoa mbia rese”, ae rei que se nyii ra. Huɨ eã mbeɨ chõ equia ũquɨ̃ sɨ aque re.

Apocalipsis 9:20

Nyebe mbia riqui nguiã mano mano tuchɨ ũquɨ̃ ndasi je. Mbia ataque quiatu que siqui beɨte quia huɨɨcuã ndese ra. Eɨcuã ɨcuã mbeɨ nyue. Nyɨɨquia ɨquia. Brujería raã naa mbeɨ. Siqui ɨcuã ɨcuã cuña mo ndese. Mbae mbuquiachã quiachã mbeɨ. Uchɨsaã ɨcuã sɨ huɨ eã mbeɨ. Siqui beɨte que equia aba checuayã ndese ra. Uchɨao Dios abareã ndese abe no. Oro ao ji. Plata ao ji. Bronce ao ji. Sɨta ao ji. Ira ao ji abe no. Ũquɨ̃ ja rese chõ ngue eriqui ra. Ũquɨ̃ mae aroneate raque Dios abareã. Mbae andu aroneate raque. Ngata aroneate raque no.