Apocalipsis 14:7 - Sirionó

⁷ Aque ángel que ñee nda: —Jẽɨreɨ̃ ɨreɨ̃ jiri Dios sɨ. Jeñee turã turã jiri quia ee. Achɨte Dios ñɨ mae ja mbia rese a. Uquiatoã mbasi nonde. Dios quiatu ngue mbae chao ja nguiã. Ibei. Ibi. Ama ndɨsha. Ama ndɨɨcoɨ̃. Nyebe ra mbia ñee turã ee, ɨ que ángel ñee cuu ra.

Apocalipsis 14:7 Iomraidhean Croise

Mateo 25:13

—Jẽɨngoquiatu beɨ quia jẽ. Ae mose ra achu, ũquɨ̃ jẽɨcuayãte quia ã.

Lucas 17:18

Co mɨɨ tuchɨ chõ tuchɨ̃ nyebi gracias ɨ Dios je co. Judío eã ndaque, ɨ que Jesús ra.

Hechos 14:15

—¿Mbaerã nda re, mbia? ¿Mbaerã nda ticuasu jẽɨquia ure je re? Mbia chõ ure re. Jẽ na sɨ chõ ure resẽ. Dios eã ño ure resẽ. Nyebe urechu nguiã Dios cheẽ turã nenei nenei jẽje ã. Ã mbae ɨcuã jẽsecha ja chõ. Dios quiarei ereco. ¡Ae ruɨ jẽɨngo! Ae que ibei chao ra. Ae que ibi chao no nda. Ae que ama nyao no nda. Ae que mbae chao ja ra. Mbae aosa ruɨ jẽɨngo.

1 Pedro 4:7

Achɨte mbae ñɨ ua ja a cote. Nyebe jẽɨngo mbae turã naa naa ja beɨ. Nyebe jẽɨngo ñee ñee mbeɨ Dios je.

Apocalipsis 11:13

Aque mose tuchɨ que ibi nyere ɨcuã nda. Sucha tubɨrɨã ndɨbɨsho que ngoɨ ngoɨ jate ra. Mbia tubɨrɨãte que mano nda. Siete mil que mbia mano nda. Mbia ataque que siquichete ra. Ñee turã turãte que equia Dios ibatenda je cote ra.

Apocalipsis 11:18

Mbia rerecua que paama ɨte ndeje ra. Co mose ra ndequiatoã erembasi cote. Ndequiatoã mano je abe ra erembasi cote. Ndequiato abe ra erembuquera cote. Mbae turã mee mee sacuã ee. Ae ndecheẽ senei senei mbeɨte quia mbia je nae. Ae ñee turã turã nguia ndeje nae. Ndequiato cuasu je. Ndequiato ñetẽ je abe no. Ndequiato ja je ra mbae turã eremee mee cote. Ae mbia mbɨɨcuã ɨcuã nguia nae, ũquɨ̃ nda erembutiã co mose cote, ɨ que veinticuatro ameɨ ñee turã Dios je cuu ra.

Apocalipsis 15:4

Mbia ra ɨreɨ̃ ɨreɨ̃ ja ndesɨ mae mose ndechɨao rese. Ñee turã ja ra nderɨɨ̃. Nde mɨɨ ño ererecua tuchɨ re. Mbia ra ngaẽ ja tuchɨ nderea. Ñee turã sacuã ndeje. Ndechɨao turã ndese quiatu ngue mbia mae nguiã, ɨ que mbia ɨraseɨ raseɨ ama ndɨsha arõ cuu ra.

Apocalipsis 16:9

Tenda que mbia sei tuchɨ quia embasi ra. Ũquɨ̃ mose abe que mbia riqui ñee turã eãte Dios je ra. Dios embasi raque. Mbia que uba eã mbeɨ Dios rese ra. Ñee ɨcuã ɨcuã mbeɨ chõ ngue equia erɨɨ̃ nda.

Apocalipsis 18:10

Ɨsho chõ nda echɨ mae mbae rasi raã ndese. Esiquichete quia ñene. Ñee nda ee mbae rasi raã mose. —Ureya eãte riqui jendese ã. Babilonia sucha tubɨrɨã jenda rei ngue jẽ nyii re. Sucha eã tuchɨte que jenyuchu a cote ra. Mbae rasi tu asi chõchɨ̃ nguia jẽje ã, ɨ ra maesa erese ñee ee.

Apocalipsis 18:17

Jembae ua asi chõchɨ̃ jẽ mbae rasi raã mose, ɨ ra ee. Ae comerciantes nyoɨ choɨ quia canoa ye nae, ae nyoɨ choɨ quia barco ye nae, ũquɨ̃ nda chɨ ɨsho mae Babilonia jenda mbae rasi raã ndese.

Apocalipsis 18:19

Ibi tuba ra emombo mombo uãquĩ ndese. Nyeseo tuchɨ rae. Sucha tubɨrɨã oquieɨ mose Babilonia jenda. Ñeemombo mombo ra Babilonia jenda je. —Ureya eãte riqui jendese ã. Mbaechate que jẽɨngochɨ̃ nyii ra. Ure abe que mbaechate ureɨco jenɨɨ nyii no nda. Mbae ua asi tuchɨ chõchɨ̃ co mose cote, ɨ ra ñee Babilonia jenda je.

Apocalipsis 19:5

Emo ñee ngue achandu ibate ra. —Ae Dios quiato jẽ nae, jeñee turã ja erɨɨ̃. Ae Dios cheẽ jemumba eãte quia jẽ nae, jeñee turã ja erɨɨ̃ no. Ae ecuasu nae, ae eñetẽ nae, jeñee turã ja chõ nguia erɨɨ̃, ɨ que ibatenda mo ñee cuu ra.

Apocalipsis 4:11

Eɨ̃ ngue equia ñee ñee Dios je ra: Urererecua turãt e ereɨco co, Dios. Nyebe ureɨco nguiã ñee turã mbeɨte ndeje ã. Mbae que erechao jate nembaerã nda. Erendua turãt e que mbae ao nonde nyii no nda, ɨ que ũquɨ̃ nguia ñee turã turãte Dios je ra.

Apocalipsis 4:9

Ũquɨ̃ ndeco cuatro que ñee turã mbeɨte quia Dios je ra. Ae siqui beɨte quia co, aque je.

Apocalipsis 8:10

Tercer ángel que trompeta mbucheẽ cote no nda. Aque mose que nyasitata cuasu mo ndu ngoɨ íbii ra. Tata rendi rã ngue erendi ra. Ngoɨ que ama tercera parte ye ra. Eriecua tercera parte ye ja abe que ngoɨ no nda. I mbɨɨcuã tuchɨ que ra.