Phućardipe 8:9 - Romski prevod Novog zaveta - Srbija

⁹ thaj mudardilo tritunipe e dživde ćeripnengoro ano derav thaj tritunipe e barkengoro peravdilo.

Phućardipe 8:9 Iomraidhean Croise

Phućardipe 12:4

Thaj e pori lakiri crdela o tritunipe e badalesere čerenjendar, thaj frdela len ki phuv. Thaj e aždaja aćhili anglal e romni savi valjani te bijani, ta kana ka bijanel te xal e čhavore lakere.

Phućardipe 16:3

Thaj o dujto phakalo ćhorđa e taxtaj pli ko derav, thaj odova ulo rat sar kotar o mudardo, thaj sa dživdo mulo ano derav.

Phućardipe 8:10

Thaj o trito phakalo phudinđa, thaj peli kotar o badali e čereni bari, savi thabljola sar umlal, thaj peli ko tritunipe e lenjenge thaj pe xajinga e panjengere.

Phućardipe 8:12

Thaj o štarto phakalo phudinđa, thaj khuvdo sinele tritunitno e khamesoro thaj tritunitno e masekeso thaj tritunitno e čerenjengoro, ađahar kaj raćatilo lengoro tritunipe, thaj kaj o tritunipe e divesoro na rošinel, ađahar thaj o raća.

Phućardipe 8:7

Thaj o angluno phudinđa, thaj uli kukudi thaj jag, hamime rateja thaj odova sine frdime ki phuv, thaj tritunipe e phuvljakoro thabilo, thaj tritunipe e kaštengoro thabilo, thaj sa e vunato ćar thabili.

Phućardipe 9:15

Thaj sinele phravde o štar phakale gatime aso časo, thaj dive, thaj masek, thaj berš, te mudaren o tritunipe e manušengoro.

Phućardipe 9:18

Kotar akala trin džungalipa mudardilo trinunipe e manušengoro, kotar e jag thaj kotar o ćuro thaj kotar o sumpori so ikljola andar o muja lengere.