Phućardipe 7:9 - Romski prevod Novog zaveta - Srbija

⁹ Napal dikhljum, thaj dikh, bute seloren save našti nikoj te đenel, kotar sako njamo thaj bijandino thaj seloro thaj ćhibija, terđona anglal e sumnali bešalutni thaj anglal o Bakroro, urjavde ane fostanja parne, thaj palme ane vasta lengere;

Phućardipe 7:9 Iomraidhean Croise

Lukéstar 12:1

Kana maškarodova, kidinde pe milja thaj milja selore ta aćhile te uštaven jekh avre, lija te vakerel ple sikljovnenge: arakhen tumen e farisejengere majatar, a odova si dujmujipe.

Lukéstar 21:36

Oven đangade, akana, ano sarsavo vaxto ruđindoj te mothoven paćavipe te duraren sa so si te kerel pe, thaj te ačhen anglal Čhavo e Manušesko.

Evangelium e Jovanostar 12:13

lije e krangore kotar e palma thaj iklistile lese ano malavdipe thaj dena vika: Osana! Baxtardino savo avel ano anav e Devljutnesko, o thagar e Izrailjesko!

Rimljanenge 11:25

Kaj na mangav, phraljalen, kaj tumen te na đanen akava garavdipe, te na gndinen kokore tumenđe: kotor e Izrailjesoro zorardilo, điko te na đerdini pherdo đendo e nađangledevlesere.

Efesconenge 6:13

Odolese len sa o bandukipe e Devlesoro, te bi te šajine te ušten ano džungalo dive, thaj inćardindoj baše sa, te ićeren tumen.

E Jevrejenge 11:12

Odolese thaj bijandile nevebijande kotar jekh, thaj odova e butpurane manušestar, butipnaja sar čerenja e badalesere thaj sar pošik biđindi ki phuv e deravesiri.

E Jevrejenge 12:22

aj aljen paše e Sionakere Plainake thaj e Forose e dživde Devleserese, e Jerusalimese e badalutnese, thaj mirijade phakalenge,

Phućardipe 11:15

Thaj o eftato phakalo phudinđa, thaj ule bare krle ko badali save vakerena: Ulo o thagaripe e themesoro Thagaripe e Devljutnesoro amaresoro thaj e Hristoso lesoro, thaj ka thagarinela ane bimeripasere bimeripa.

Phućardipe 22:3

Thaj maj nane te ovel nisavo armandindipe; thaj e sumnalesiri bešalutni e Devlesiri thaj e Bakroresiri ka ovel ano leste, thaj e kandine lesere ka kanden Le.

Phućardipe 3:18

Sikavava tut te ćine mandar sumnakaj jagasa jagalo, te barvaljove; thaj parne fostanja, te hurjave tut, ta te na sikavđol o lađavipe kle nangipasoro; thaj melemi te makhe o jakha kle, te dikhe.

Phućardipe 4:4

Thaj trujal e sumnalesere bešalutnake sinele bišu štar sumnale bešalutne, thaj pe sumnale bešalutna dikhljum bišu štaren phurederutnen kaj bešen, urjavde ane parne fostanja, thaj e sumnale khuvdinencar pe pumare šere.

Phućardipe 5:11

Thaj dikhljum thaj šunđum o krlo butengoro e phakalengoro trujal e sumnalesiri bešalutni thaj e dživde ćeripna thaj e phurederutne, thaj sinele o đindo lengoro mirijade mirijadengoro thaj milja miljenđe.

Phućardipe 5:9

Thaj đilabde đili nevi, vakerindoj: Paćivalo sijan te le e pustik, thaj te phrave e štambilja lakere; kaj sijanle ćhindo thaj kle rateja ćedinđan e Devlese amen andar sakova njamo thaj ćhibija thaj selore thaj njamo.

Phućardipe 6:11

Thaj sakonese kotar lende dindilope fostano parno, thaj vakerdino si lenge te ađićeren pana hari vakti, džiko te na pherđola thaj o džendo lengere paše amalendar thaj lengere phraljendar, save isi te oven mudarde sar thaj on.

Phućardipe 7:8

Andar o njamo e Zavulonovesoro dešuduj milje; andar o njamo e Josifovesoro dešuduj milje; andar o njamo e Venijaminesoro dešuduj milje odolengoro e štambiljesa.