Phućardipe 5:8 - Romski prevod Novog zaveta - Srbija

⁸ Thaj kana lelja e pustik, štar dživde ćeripna thaj bišu štar phurederutne pele anglal o Bakroro; sakone sinele gusle, thaj sumnakaje taxtaja pherde tamjano, a odola si ruđutna e sumnalenge.

Phućardipe 5:8 Iomraidhean Croise

Evangelium e Jovanostar 1:29

A tajsa dive dikhlja o Jovan e Isuse kaj avel ke leste, thaj phenđa: Dikh, o Bakroro e Devlesoro savo lela upra peste e bezaha e themesere!

Evangelium e Jovanostar 5:23

Kaj savore te paćivalin e Čhave sar so paćivalin e Dade. Ko ni paćavel e Čhave ni paćavel ni e Dade savo le bičhalda.

E Jevrejenge 1:6

Thaj palem, kana anglinđa Anglunebijande ane vasiona, vakerela: Thaj nek lese teljardona sa o phakale e Devlesere.

Phućardipe 13:8

Thaj telile laće sare odola save dživdinena ki phuv, kasoro anav naj hramome ane Pustik e dživdipasiri e ćhinde Bakroresiri katar o ćerdipe e themeso.

Phućardipe 15:2

Thaj dikhljum sar đamako derav hamime jagasa, thaj odolen save peravena e divo dživdinutna thaj o muj lakoro thaj o đendo lakere anavengo, kote terđovena ko derav đamalo isindoj o gusle e Devlesere.

Phućardipe 15:7

Thaj jekh kotar e štar dživde džene dinđa e efta phakalenđe efta taxtaja sumnakale pherde xolinipe e Devlesoro savo dživdinela ane bimeripasoro bimeripe.

Phućardipe 19:4

Thaj pele o biš thaj štar phurederutne, thaj o štar dživde džene, thaj telile e Devlese savo bešela pe sumnalesiri bešalutni, vakerindoj: Amin! Aliluja!

Phućardipe 4:10

pele o bišu štar phurederutne anglal Odova so bešela pe sumnalesiri bešalutni, thaj telile Odolese so dživdinela ano bimeripasoro bimeripe, thaj pašljarde e khuvdine ple anglal e sumnalesere bešalutnake vakerindoj:

Phućardipe 4:4

Thaj trujal e sumnalesere bešalutnake sinele bišu štar sumnale bešalutne, thaj pe sumnale bešalutna dikhljum bišu štaren phurederutnen kaj bešen, urjavde ane parne fostanja, thaj e sumnale khuvdinencar pe pumare šere.

Phućardipe 4:6

Thaj anglal e sumnalesiri bešalutni sar derav đamesoro, miazuno e kristalese; thaj maškaral e sumnale bešalutnakoro thaj trujal e sumnale bešalutnakoro štar đivde ćeripna, pherde jakha anglal thaj palal.

Phućardipe 4:8

Thaj sakoj kotar e štar dživde ćeripna sinelen po šov phaka, trujal thaj andral pherde jakha, thaj dive thaj rat na šalominde vakerindoj: Sumnalo, Sumnalo, Sumnalo o Devljutno Devel Saićerutno, Savo sinele thaj Savo si thaj Savo avela.

Phućardipe 5:11

Thaj dikhljum thaj šunđum o krlo butengoro e phakalengoro trujal e sumnalesiri bešalutni thaj e dživde ćeripna thaj e phurederutne, thaj sinele o đindo lengoro mirijade mirijadengoro thaj milja miljenđe.

Phućardipe 5:12

Vakerindoj but bare krleja: Paćivalo si o Bakroro savo si ćhindo, te lel e zor thaj o barvalipe thaj baro gođaveripe thaj paćiv thaj e glorija thaj o baxtaripe.

Phućardipe 5:14

Thaj o štar dživde ćeripna phende: Amin. Thaj o phurederutne pele thaj telile.

Phućardipe 5:6

Thaj dikhljum maškaral e sumnalesere bešalutnake thaj štar dživde ćeripna, maškar o phurederutne, o Bakroro kote terđola sar ćhindo, thaj sinele le efta šinga thaj efta jakha, a odola si efta ođe e Devlesere save bićhalenape pe sa e phuv.

Phućardipe 6:1

Thaj dikhljum kaj o Bakroro phravđa jekh kotar e efta štambilja, thaj šunđum jekh kotar e štar dživde ćeripna kaj vakerela sar krlo e grmavinakoro: Ava thaj dikh!