Phućardipe 4:11 - Romski prevod Novog zaveta - Srbija

¹¹ Paćivalo sijan, Devljutneja thaj Devleja amareja, te le e glorija tha e paćiv thaj e zor, kaj Tu ćerđan sa, thaj kla kamipnaja sa sikavdilo thaj ćerdilo.

Phućardipe 4:11 Iomraidhean Croise

Ćerdipna e apostolengere 14:15

Manušalen, so odova keren? Thaj amen sam sar vi tumen meripnasere manuša, save tumenge bahtale mothova kaj kotar akala khanćune kotora te irinen tumen e đivde Devlese, savo kerđa o badali thaj e phuv thaj o derav thaj sa so si ane lende;

Ćerdipna e apostolengere 17:24

O Devel savo kerda o them thaj sa so si ano leste, savo si Devljutno e badalesoro thaj e phuvljakoro, na bešela ane vastencakerde hramija,

Rimljanenge 11:36

Kaj si olestar thaj andar lestar thaj bašo leste sa. Lese glorija ano bimeripe. Amin.

Efesconenge 3:9

thaj kaj te rošalinav sarijenge ane soste si o trinipe e garavdinako kotar o bimeripe garavdine ano Devel, savo ćerđa sa andar o Isus Hristo,

E Jevrejenge 1:10

Thaj palem: Tu, Devljutneja, ano širdipe fundonđan e phuv, thaj o badalija si ćerdipna kotar kle vasta;

E Jevrejenge 1:2

ane akala palune dive vakerđa amenđe prekal o Ćhavo, save ćhuta kustikutnesa kotar sa, andar savo si thaj o šeleberšipa ćerđa;

Phućardipe 1:6

thaj ćerda amen thagaripnasa, rašajencar e Devlese thaj ple Dadese, lese glorija thaj zor ane bimeripnasoro bimeripe. Amin.

Phućardipe 10:6

thaj xala sovlji Odoleja savo dživdinel ane bimeripasere bimeripa, Savo ćerda o badali thaj so si pe leste, thaj e phuv thaj so si pe late, thaj o derav thaj so si ane leste, kaj vaktija nane maj te ovel;

Phućardipe 14:7

Thaj vakerela zorale krleja: Daran e Devlestar, thaj den lese glorija, kaj avilo o časo lesere kriseso; thaj teljon Odolese savo ćerda o badali thaj e phuv thaj o derav thaj e xajinga e panjesere.

Phućardipe 19:1

Thaj pale akava šunđum sar krlo zoralo e seloreso butuno ko badali kaj vakerela: Aliluja! Inkaldipe thaj glorija thaj paćiv thaj zor e Devlese amarese;

Phućardipe 5:12

Vakerindoj but bare krleja: Paćivalo si o Bakroro savo si ćhindo, te lel e zor thaj o barvalipe thaj baro gođaveripe thaj paćiv thaj e glorija thaj o baxtaripe.

Phućardipe 5:2

Thaj dikhljum e phakale zorale kaj mothovela bare krleja: Ko si paćivalo te phravel e pustik thaj te phagel o štambilja lakere.

Phućardipe 5:9

Thaj đilabde đili nevi, vakerindoj: Paćivalo sijan te le e pustik, thaj te phrave e štambilja lakere; kaj sijanle ćhindo thaj kle rateja ćedinđan e Devlese amen andar sakova njamo thaj ćhibija thaj selore thaj njamo.