Phućardipe 3:10 - Romski prevod Novog zaveta - Srbija

¹⁰ Odolese so ićerđan mlo ćhinavdipe katar o trpipe, thaj me tut ka arakhav kotar o časo e zumavipnaso savo ka avel pe sa e vasionako them te zumavel odolen save dživdinena ki phuv.

Phućardipe 3:10 Iomraidhean Croise

Evangelium e Matejestar 24:14

Thaj ka vakerel pes akava evangelium e Thagaripestar po soro them bašo mothojpe sa e selorese. Thaj atoska ka ovel agor.

Evangelium e Matejestar 26:41

Džangavdon thaj ruđin tumen kaj te na peren ano peripe; kaj si o đi zoralo, aj o trupo si bizoralo.

Evangelium e Matejestar 6:13

Thaj ma čhuv amen ano zumavipe, aj inkal amen katar o đungalo. Kaj si tiro thagaripe thaj zor thaj ašundipe ano šelberšipe. Amin.

Evangelium e Markostar 14:9

Čače tumenge phenav: Kaj god te vakerelpe o evangelium kava pe saheste them, ka phenel pes vaš liparipe lako vi kava so voj čerda.

Lukéstar 2:1

A ko odola dive iklistilo o čhinavdipe e thagaresko e Avgustesko kaj te ramosarenpe pe sa e vasiona.

Evangelium e Jovanostar 17:6

Vakerdem o anav tiro e manušenge saven dinđan man e themestar; tire sine pa dinđan len mange, thaj tiro lafi ikerde.

Rimljanenge 1:8

Jekto, akana, ašarisavav mle Devlese andar o Isus Hristo baše sa tumenge kaj kotar o paćape tumaro vakerela pe po sa o them.

Angluni e Korinćanjenge 10:13

Aver zumavipe tumen na arakhlja semo e manušesoro; paćavino si o Devel savo tumen na ka mekel kaj te zumaven tumen akana aj so šaj, aj ka kerel e zumavipnaja thaj agor, kaj šaj te akharen.

Efesconenge 6:13

Odolese len sa o bandukipe e Devlesoro, te bi te šajine te ušten ano džungalo dive, thaj inćardindoj baše sa, te ićeren tumen.

Dujto e Timotejese 2:12

Te trpinđam, Lesa thaj ka thagara; te li duriljam, thaj Ov amendar ka durjol;

E Jakovesiri 3:12

Šaj li, phraljalen mle, e sumućin masline te bijanel ja e moljakere drakhalina e sumućina? Ađahar nijekh xajing na dela londo thaj gudlo pani.

Angluni e Petresiri 4:12

Ćumidutnalen, ma ćudinen tumen e jagake savi tumenge ovela bašo zumavipe tumaro, sar kaj tumenge neso biaćarune kerelpe,

Dujto e Petresiri 2:9

Džanel o Devljutno e devlikanen te ikalel kotar o zumavipe, a e bihakajutnen te arakhel bašo kaznipe ane krisoso dive;

Phućardipe 1:9

Me, o Jovan, o phral tumaro thaj khatanutno ano bilaćhipe thaj thagaripe thaj trpipe ano Isus Hristo, injumle ki šuki phuv vičime Patmos bašo lafi e Devlesoro thaj samothovdipe bašo Isus Hristo.

Phućardipe 11:10

Thaj o thanutne e phuvljakere ka lošajvon baše lende thaj ka pherđon lengere vile thaj dindipa ka bićhalen jekh e averenđe, kaj akala duj profetija munčinde e thanutnen e phuvljakere.

Phućardipe 13:10

Ko ano robipe lagari, ano robipe ka džal; ko mačesa mudari, valjani thaj ov mačesa te ovel mudardo. Akate si trpipe thaj o paćape e sumnalengoro.

Phućardipe 13:14

Thaj xoxavela odolen save dživdinena ki phuv prašukaripenca, save laće sine dinde te kerel anglal e divo dživdinutni, vakerindoj odolenđe save dživdinena ki phuv te ćeren o muj e divo dživdinutnakoro, sava sinela dukhavni kotar o mačo thaj aćhili dživdi.

Phućardipe 13:8

Thaj telile laće sare odola save dživdinena ki phuv, kasoro anav naj hramome ane Pustik e dživdipasiri e ćhinde Bakroresiri katar o ćerdipe e themeso.

Phućardipe 14:12

Akate si munčipe e sumnalengoro, save ićerena o čhinavdipe e Devlesoro thaj o paćape e Isusesoro.

Phućardipe 14:6

Thaj dikhljem e dujtone phakale savo ural maškar o badali, save sinele bimerutno Evangeliumo te mothovel odolenge save dživdinena ki phuv thaj sakone njamose thaj bijanutnese thaj ćhibijake thaj selorese.

Phućardipe 16:14

Kaj akala si ođe e bengesere save ćerena bilaćhe ćerdipa, thaj džana e thagarenđe e sa vasionaće te ćeden len po maripe bašo Dive odova baro e Devlesoro e Sainćarutnesoro.

Phućardipe 17:2

savasa lubnisarde e thagara e phuvljakere, thaj e thanutne e phuvljakere matile e moljaja kotar lakoro lubinipe.

Phućardipe 17:8

E divo dživdinutna sava dikhljan la sinele thaj nanetali, thaj ka inkljol andar o xoripe e biagoresoro thaj ka džal ano peripe; thaj ka biašuđarenpe odola thanutne e phuvljakere savengere anava nane hramome ane Pustik e dživdipnasiri kotar o ćerdisaripe e themesoro, dikhindoj e divo dživdinutna, savi sinele thaj nanetali, thaj ka mothovđol.

Phućardipe 2:10

Ma dara nihari kotar odova so isi te trpine. Dikh, o beng nesaven tumendar ka frdel ano phandlipe, te bi tumen zumavela, thaj ka ovel tumen bilaćhipe deš dive. Ov paćavino dži o korkoro meripe thaj ka dav tut khuvdino dživdipnaso.

Phućardipe 3:8

Džanav e ćerdipna kle; eke, phravdem e udara anglal tute save nikoj našti te phandel; kaj hari zor isi tut, a ićerđan mlo lafi, thaj na durandiljan mle Anavestar.

Phućardipe 6:10

Thaj vičinde bare krleja vakerindoj: Džiko te, Devljutneja Sumnaleja thaj Čaćutneja, ka durare te krisine thaj te ikale o rat amaro pe odola so dživdinena ki phuv?

Phućardipe 8:13

Thaj dikhljum thaj šunđum jekhe barephakengo kaj ural maškar o badali thaj vakerela zorale krleja: Ava, ava, ava odolenđe save dživdinena ki phuv kotar e avera krle e trubakere odole trine phakalenđe save tek ka phuden.