Phućardipe 2:1 - Romski prevod Novog zaveta - Srbija

¹ E phakalesere Khanđirjake ano Efes hramosar: Ađahar vakerela Odova savo ikerela efta čerenja ane daxnori pli, thaj savo phirela maškaral e efta sumnakajune memeljara;

Phućardipe 2:1 Iomraidhean Croise

Evangelium e Matejestar 18:20

Kaj si duj ja trin čidime ano alav mlo, gothe sem vi me maškar lende.

Evangelium e Matejestar 28:20

sikavindoj len te inćaren sa so tumenge ćhinadem; thaj, eke, me sem tumencar ane sa divesa đi o agorisaripe e themesoro. Amin.

Evangelium e Jovanostar 5:35

Ov sine memeli savi thabjola thaj rošela; a tumen mangljen hari vakti te lošarenpe lesere rošimase.

Ćerdipna e apostolengere 18:19

Thaj reslo ano Efes; thaj olen aćavđa athe, a ov đerdinđa ane sinagoga, thaj vakerela e Judejconencar.

Ćerdipna e apostolengere 18:21

aj, jertisajlo lencar vakerindoj: Valjani mange pe sakoj ćhand kaj o baro dive savo avel te nakhavav ano Jerusalim; aj te o Devel mangel, ka irinape pale tumenge. Thaj vozinđa pe andar o Efes, a o Akila thaj o Priskila aćhile ano Efes.

Ćerdipna e apostolengere 19:1

Kerdilo pe odova, kana sinele o Apolos ane Korinta, kaj o Pavle nakhavela e uprune phuvlja, thaj alo ano Efes, thaj arakhavindoj nesave sikavnen,

Dujto Korinćanjenge 6:16

Thaj savo si haljovipe o hramo e Devlesoro e idolencar? Kaj tumen sijen o hramo e dživde Devlesororo, sar so phenđa o Devel: Ka thanarđovav ane lende, thaj ka dživdinav ane lende, thaj ka ovav lengoro Devel, thaj on ka oven mlo seloro.

Phućardipe 1:16

Thaj sinele le ane plo daxno vas efta čerenja, thaj andar o muj lesoro inklela ostro mačo pe solduj riga, thaj o muj lesoro sinele sar o kham so strefinela ane pli zor.

Phućardipe 1:20

O garavdipe e efta čerenjengoro save dikhljan ki daxnori mli, thaj efta memeljara sumnakaje. Efta čerenja si o phakale e efta Khanđirjengere, a efta memeljara si efta Khanđirja.

Phućardipe 12:1

Thaj semno baro mothodilo ko badali: E romni urjavdi ano kham, thaj o masek telal o pre lakere, thaj ko šero lakoro o khuvdino kotar o dešuduj čerenja.

Phućardipe 2:12

Thaj e phakalesere Khanđirjake ano Pergam hramosar: Ađahar vakeri Odova savo isile mačo ostro pe solduj riga:

Phućardipe 2:18

Thaj e phakalesere Khanđirjake ane Tijatira hramosar: Ađahar vaćeri o Ćhavo e Devlesoro, kaseri si jakha sar o jagalo e jagakiri, a o pre sar e strefuni xarkuma:

Phućardipe 2:8

Thaj e phakalesere Khanđirjake ane Smirna hramosar: Ađahar vakerela o Angluno thaj o Paluno, savo sinele mulo thaj dživdinisajlo:

Phućardipe 3:1

Thaj e phakalesere Khanđirjake ane Sarda hramosar: Ađahar vaćeri Odova so isile efta ođe e Devlesere thaj efta čerenja: Džanav kle ćerdipna, isi tut anav kaj sijan dživdo, a mulo sijan.

Phućardipe 3:14

Thaj e phakalesere Khanđirjake ane Laodikija hramosar: Ađahar vaćeri Amin, O Sadikhutno paćivalo thaj čaćuno, Širdipeutno ćeripnasoro e Devlesoro:

Phućardipe 3:7

Thaj e phakalesere Khanđirjake ane Filadelfija hramosar: Ađahar vaćeri o Sumnalo, o Čaćuno, savo isile o nahtari e Davidesoro, savo phravela thaj nikoj na ka phandel, thaj savo phandela thaj nikoj na ka phravel.