Phućardipe 15:4 - Romski prevod Novog zaveta - Srbija

⁴ Ko na ka daral, Devljutneja, thaj te glorisini o Anav klo? Kaj tu sijan jekhuno Sumnalo; kaj sa e selore ka aven thaj te teljon anglal tute; kaj e krisija kle mothovdile.

Phućardipe 15:4 Iomraidhean Croise

Rimljanenge 15:9

A e nađangledevlesere te ašaren e Devle bašo dindipe, sar so si hramome: Odolese ka mothovav tut maškar e nađangledevlesere, Devljutneja, thaj ka đilabav kle anavese.

Angluni e Petresiri 1:16

Kaj si hramome: Oven sumnale, kaj sem me sumnalo.

Phućardipe 11:15

Thaj o eftato phakalo phudinđa, thaj ule bare krle ko badali save vakerena: Ulo o thagaripe e themesoro Thagaripe e Devljutnesoro amaresoro thaj e Hristoso lesoro, thaj ka thagarinela ane bimeripasere bimeripa.

Phućardipe 14:7

Thaj vakerela zorale krleja: Daran e Devlestar, thaj den lese glorija, kaj avilo o časo lesere kriseso; thaj teljon Odolese savo ćerda o badali thaj e phuv thaj o derav thaj e xajinga e panjesere.

Phućardipe 16:5

Thaj šunđum e phakale e panjengoro savo vakerela: Hakajuno san Tu, Savo san thaj Savo sana, thaj Sumnalo, kaj akava krisinđan;

Phućardipe 16:7

Thaj šunđum o viktimutno kaj vakerela: Hemčaće, Devljutneja Devla Sainćarutneja, čaćune thaj hakajune si e krisura kle.

Phućardipe 19:2

Kaj si čaćune thaj hakajune e krisa lesere, so krisisarda e lubnina e bara, savi ruminđa e phuv pla lubnipaja, thaj irinđa o rat ple kandinengoro kotar o vast lakoro.

Phućardipe 19:8

Thaj dindo si lake te urjavelpe ane parni svila thaj khosli, kaj e svila mothovela o hakajune ćeripna e sumnalengere.

Phućardipe 3:7

Thaj e phakalesere Khanđirjake ane Filadelfija hramosar: Ađahar vaćeri o Sumnalo, o Čaćuno, savo isile o nahtari e Davidesoro, savo phravela thaj nikoj na ka phandel, thaj savo phandela thaj nikoj na ka phravel.

Phućardipe 4:8

Thaj sakoj kotar e štar dživde ćeripna sinelen po šov phaka, trujal thaj andral pherde jakha, thaj dive thaj rat na šalominde vakerindoj: Sumnalo, Sumnalo, Sumnalo o Devljutno Devel Saićerutno, Savo sinele thaj Savo si thaj Savo avela.

Phućardipe 6:10

Thaj vičinde bare krleja vakerindoj: Džiko te, Devljutneja Sumnaleja thaj Čaćutneja, ka durare te krisine thaj te ikale o rat amaro pe odola so dživdinena ki phuv?