Phućardipe 13:1 - Romski prevod Novog zaveta - Srbija

¹ Thaj terdinjum ki pošik e deravesiri, thaj dikhljum e divo dživdinutna kote ikljola andar o derav, savi sinela deš šinga thaj efta šere, thaj ko šinga lakere deš krune, thaj ko šere lakere o Anava e mahripnasere.

Phućardipe 13:1 Iomraidhean Croise

Phućardipe 11:7

Thaj kana ka agorinen o sadićhipe plo, o divo so ikljola andar e xor e biagoresoro ka kerel maripe lencar, thaj ka peravela len, thaj ka mudarela len.

Phućardipe 12:3

Thaj mothovdilo o dujto semno ko badali, thaj dikh, bari loli aždaja kola sinela efta šere thaj deš šinga; thaj ko šere lakere efta krune;

Phućardipe 13:11

Thaj dikhljum e dujtone divo dživdinutna kote ikljola andar e phuv, thaj sinela ola duj šinga sar ano bakroro, thaj vakerela sar e aždaja.

Phućardipe 13:14

Thaj xoxavela odolen save dživdinena ki phuv prašukaripenca, save laće sine dinde te kerel anglal e divo dživdinutni, vakerindoj odolenđe save dživdinena ki phuv te ćeren o muj e divo dživdinutnakoro, sava sinela dukhavni kotar o mačo thaj aćhili dživdi.

Phućardipe 13:15

Thaj sinela lake dindo kaj e divo dživdinaće mujese te del ođi, kaj o muj e divo dživdinutnakoro thaj vakerela thaj kerela te oven mudarde odola save ni teljona e divo dživdinutnake mujese.

Phućardipe 15:2

Thaj dikhljum sar đamako derav hamime jagasa, thaj odolen save peravena e divo dživdinutna thaj o muj lakoro thaj o đendo lakere anavengo, kote terđovena ko derav đamalo isindoj o gusle e Devlesere.

Phućardipe 16:13

Thaj dikhljum kaj andar o muj e aždajako thaj andar o muj e divo dživdinutnako thaj andar o muj e xoxamne profetosoro ikljona trin bikhosle ođe sar žambe;

Phućardipe 17:16

Thaj o deš šinga so dikhljan, thaj divo dživdinutni, on ka ritinen e lubnja, thaj ka čućaren la thaj užarenla, thaj o mas lakoro ka xan, thaj ka tharenla jagaja.

Phućardipe 17:3

Thaj legarđa man ano Ođi ane drmina. Thaj dikhljum e romnja kaj bešela pe loli divo dživdinutni savi si pherdi anava akošimpnasere thaj sinela efta šere thaj deš šinga.

Phućardipe 17:5

Thaj ko čekat lakoro hramimo anav, garavdipe: o Vavilon baro, daj lubnini thaj melalipe e phuvljengoro.

Phućardipe 19:19

Thaj dikhljum e divo dživdinutna thaj e thagaren e phuvljakere thaj karnalen lengeren ćedime te marenpe Odoleja so bešela ko gras thaj lesere karnalencar.