Phućardipe 10:6 - Romski prevod Novog zaveta - Srbija

⁶ thaj xala sovlji Odoleja savo dživdinel ane bimeripasere bimeripa, Savo ćerda o badali thaj so si pe leste, thaj e phuv thaj so si pe late, thaj o derav thaj so si ane leste, kaj vaktija nane maj te ovel;

Phućardipe 10:6 Iomraidhean Croise

Phućardipe 1:18

Thaj Dživdo; thaj injumle mulo thaj ake dživdo sem ane bimeripasere bimeripa, thaj isi man e nahtara katar o meripe thaj katar o pakao.

Phućardipe 12:12

Odolese lošalen tumen badalen, thaj tumen kola dživdinena pe lende! Pharipe e phuvljakere thanutnenge thaj e deravesere, kaj huljilo ke tumende o beng ane xoli bari, džanglindoj kaj hari vakti isile.

Phućardipe 16:17

Thaj o eftato ćorđa e taxtaj pli ko ajri, thaj inklilo o krlo baro andar o hramo e badalesoro kotar e sumnalesiri bešalutni, vakerindoj: Agorisaj vov!

Phućardipe 21:6

Thaj phenda mange: Agorisav! Me sem e Alfa thaj e Omega, Anglunipe thaj Agorisaripe. Me e trošalese ka dav ano dindipe kotar e xajing pani e dživdipasoro.

Phućardipe 4:10

pele o bišu štar phurederutne anglal Odova so bešela pe sumnalesiri bešalutni, thaj telile Odolese so dživdinela ano bimeripasoro bimeripe, thaj pašljarde e khuvdine ple anglal e sumnalesere bešalutnake vakerindoj:

Phućardipe 4:11

Paćivalo sijan, Devljutneja thaj Devleja amareja, te le e glorija tha e paćiv thaj e zor, kaj Tu ćerđan sa, thaj kla kamipnaja sa sikavdilo thaj ćerdilo.

Phućardipe 4:9

Thaj kana e dživde ćeripna dinde glorija thaj paćiv thaj naisipe Odolese savo bešela pe sumnalesiri bešalutni, Savo dživdinela ano bimeripasoro bimeripe,

Phućardipe 6:11

Thaj sakonese kotar lende dindilope fostano parno, thaj vakerdino si lenge te ađićeren pana hari vakti, džiko te na pherđola thaj o džendo lengere paše amalendar thaj lengere phraljendar, save isi te oven mudarde sar thaj on.