Me sem maro đivdo savo hulilo e badalestar; te xala ko kotar akava maro ka đivdinel bimerutne; thaj o maro savo me ka dav o trupo si mlo, savo ka dav baš o đivdipe e themesoro.
Te ovav kandutno e Isus Hristoso maškar e nađangledevlesere rašajune kandindoj e Devlesere evangeliumose, kaj bijanipe e nađangledevleserengo ovel ćajljardipe sumnalo sime e Đesa Sumnalesa.
Kaj so e kanunese sinele bišajune, kana sinele ćišljardo trupoja, o Devel bićhalindoj ple Ćhave ane manušikano trupo e bezehesere thaj bašo bezeh, krisinđa o bezeh ano trupo,
A dživdinava – na maj me, aj dživdinela ana mande o Hristos; a so akana dživdinava ano trupo, dživdinava paćapnaja ane Ćhavo e Devlesororo, savo kamlja man thaj dinđa pes baše mande.
kobor li maj ka o rat e Hristosoro, savo Đesa bimerutnesa pašljarela pes paćivalo e Devlese, ka khosel o gindipe tumaro kotar e mule ćerdipna, te bi kandena e dživde thaj čaćine Devlese.
Averćhande bi Ov musaj but droma te mudarđol poćindoj kotar o ćerdipe e themeso; a akana po agoripe e šeleberšengoro, mothovela pes jekhare bašo sajekh kaj pla viktimasa ta te mudarel o bezeh.
Thaj kotar o Isus Hristo, savo si Sadikhutno paćivalo, Anglunobijando andar e mule, thaj Devljutnari upral e phuvljengere thagara. Odolese savo amen ćumidela thaj thovđa amen kotar e bezeha amare ple rateja,
Thaj đilabde đili nevi, vakerindoj: Paćivalo sijan te le e pustik, thaj te phrave e štambilja lakere; kaj sijanle ćhindo thaj kle rateja ćedinđan e Devlese amen andar sakova njamo thaj ćhibija thaj selore thaj njamo.