Yaƙub 4:10 - Sabon Rai Don Kowa 2020

¹⁰ Ku ƙasƙantar da kanku a gaban Ubangiji, zai kuwa ɗaukaka ku.

Littafi Mai Tsarki

¹⁰ Ku ƙasƙantar da kanku ga Ubangiji, shi kuwa zai ɗaukaka ku.

Yaƙub 4:10 Iomraidhean Croise

2 Tarihi 7:14

in mutanena, waɗanda ake kira da sunana, sun ƙasƙantar da kansu, suka kuma yi addu’a, suka nemi fuskata, suka kuma juye daga mugayen hanyoyinsu, zan ji daga sama in kuma gafarta zunubinsu in kuwa warkar da ƙasarsu.

Ayuba 22:29

Sa’ad da aka ƙasƙantar da mutane ka kuma ce, ‘A ɗaga su!’ Sa’an nan zai ceci masu tawali’u.

Ayuba 5:11

Yana ɗaukaka masu sauƙinkai, yana kāre waɗanda suke makoki.

Zabura 113:7

Yakan tā da matalauta daga ƙura yakan ɗaga mabukata daga tarin toka;

Zabura 147:6

Ubangiji yana kula da masu sauƙinkai yakan yar da mugaye a ƙasa.

Zabura 27:6

Sa’an nan kaina zai ɗaukaka a bisa abokan gābana waɗanda suka kewaye ni; a tabanakul nasa zan miƙa hadaya da sowa ta farin ciki; zan rera in kuma yi kiɗi ga Ubangiji.

Zabura 28:9

Ka cece mutanenka ka kuma albarkace gādonka; ka zama mai kiwonsu ka kuma riƙe su har abada.

Zabura 30:1

Zan girmama ka Ya Ubangiji, gama ka tsamo ni daga zurfafa ba ka bar abokan gābana sun yi farin ciki a kaina ba.

Fitowa 10:3

Sai Musa da Haruna suka tafi wurin Fir’auna suka ce masa, “Ga abin da Ubangiji, Allah na Ibraniyawa ya ce, ‘Har yaushe za ka ƙi ƙasƙantar da kanka a gabana? Ka bar mutanena su tafi domin su yi mini sujada.

Karin Magana 29:23

Fariyar mutum kan jawo masa ƙasƙanci amma mai sauƙinkai kan sami girmamawa.

Ezekiyel 21:26

ga abin da Ubangiji Mai Iko Duka yana cewa ka kunce rawanin, ka ɗauke rawanin nan. Ba zai zama kamar yadda yake ba. Za a ɗaukaka ƙasƙantacce, amma a ƙasƙantar da mai girma.

Mattiyu 23:12

Gama duk wanda ya ɗaukaka kansa, za a ƙasƙantar da shi, duk kuma wanda ya ƙasƙantar da kansa, za a ɗaukaka shi.

Luka 1:52

Ya saukar da masu mulki daga gadajen sarautarsu amma ya ɗaukaka ƙasƙantattu.

Luka 14:11

Gama duk wanda ya ɗaukaka kansa, za a ƙasƙantar da shi. Shi wanda kuma ya ƙasƙantar da kansa, za a ɗaukaka shi.”

Luka 18:14

“Ina gaya muku, wannan mutum ne, ba ɗayan ba, ya koma gida baratacce, babu laifi a gaban Allah. Gama duk wanda ya ɗaukaka kansa, za a ƙasƙantar da shi. Wanda kuma ya ƙasƙantar da kansa, za a ɗaukaka shi.”

1 Bitrus 5:6

Saboda haka, ku ƙasƙantar da kanku a ƙarƙashin hannun Allah mai ƙarfi, don yă ɗaukaka ku a lokacin da ya ga dama.

1 Samaʼila 2:7

Ubangiji ne yakan aika da talauci da kuma dukiya; yakan ƙasƙantar yă kuma ɗaukaka.

1 Samaʼila 2:9

Zai kiyaye ƙafafun masu tsarki, amma mugaye za su lalace cikin duhu. “Ba bisa ga ƙarfi mutum ba ne mutum ke nasara;