Mattiyu 5:45 - Sabon Rai Don Kowa 2020

⁴⁵ don ku zama ’ya’yan Ubanku na sama. Shi yakan sa ranarsa ta haskaka a kan mugaye da masu kirki; yakan kuma sako ruwan sama a bisa masu adalci da marasa adalci.

Littafi Mai Tsarki

⁴⁵ domin ku zama 'ya'yan Ubanku wanda yake cikin Sama. Domin yakan sa rana tasa ta fito kan mugaye da kuma nagargaru, ya kuma sako ruwan sama ga masu adalci da marasa adalci.

Mattiyu 5:45 Iomraidhean Croise

Ayuba 25:3

Za a iya ƙirga rundunarsa? A kan wane ne ba ya haska haskensa?

Zabura 145:9

Ubangiji nagari ne ga duka; yana tausayin dukan abubuwan da ya yi.

Irmiya 5:24

Ba sa faɗa wa kansu, ‘Bari mu ji tsoron Ubangiji Allahnmu, wanda yake ba mu ruwan sama a kan kari na kaka da na bazara, wanda kullum yake tabbatar mana da girbi.’

Mattiyu 5:9

Masu albarka ne waɗanda suke masu ƙulla zumunci, gama za a kira su ’ya’yan Allah.

Luka 6:35

Amma, ku ƙaunaci abokan gābanku, ku kuma yi musu alheri, ku ba su bashi, ba da sa zuciya sai an biya ku ba. Ta yin haka ne kawai, za ku sami lada mai yawa, ku kuma zama ’ya’yan Mafi Ɗaukaka, gama shi mai alheri ne ga marasa godiya da mugaye.

Yohanna 13:35

Ta haka kowa zai san cewa ku almajiraina ne, in kuna ƙaunar juna.”

Ayyukan Manzanni 14:17

Duk da haka bai bar kansa babu shaida ba. Ya nuna alheri ta wurin ba ku ruwan sama da kuma amfanin gona a lokutansu; ya ba ku abinci mai yawa ya kuma cika zukatanku da farin ciki.”

Afisawa 5:1

Ku zama masu koyi da Allah, kamar ƙaunatattun ’ya’ya,

Filibbiyawa 2:15

don ku zama marasa abin zargi, sahihai ’ya’yan Allah, waɗanda ba su da laifi, a zamanin mutane karkatattu, kangararru, waɗanda kuke haskakawa a cikinsu kamar fitilu a duniya

1 Yohanna 3:9

Babu haifaffe na Allah da zai ci gaba da yin zunubi, domin iri na Allah yana a cikinsa; ba zai iya ci gaba da yin zunubi ba, domin haifaffe ne na Allah.