प्रकाशितवाक्य 7:3 - Sirmouri

³ “जाँव तोड़ी आँमें आप्णें पंण्मिश्वर के दास के माँथै गाशी छाप ने लाऐ दियों, ताँव-तोड़ी धर्ती अरह् सँमुन्द्रों अरह् डाल़ो का नुंकसाँन-घाटा ने करे।”

सिरमौरी नौवाँ नियम

³ “जांव तौड़ी आमै आपणै पौरमेशवर कै दासो कै माथै पांदी मुहर नी लाए दियु, तांव तौड़ी धोरती औरौ समुन्द्र औरौ डाल़ो खै नुकसान नी पोऊंचाया, ताकि सै तिनु पौरैशानी शै दुखी नी हौंव।”

प्रकाशितवाक्य 7:3 Iomraidhean Croise

मत्ती 24:22

जे सेजे देसो, घटाऐं ने ज़ाँदें तअ कुँऐं भे जींव-पराँणी ने बच़्दा थिया, परह् चूणें-छ़ाँटे अंदे के कारण सेजे देसो घटाऐ ज़ाले।

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 3:33

जेने कुँणिऐ तिनकी गुवाऐ-शाज़्त्त माँनी पाऐ, तेने ऐजो साबित्त करी पाँव; के पंण्मिश्वर साच्चा असो।

रोमियों 6:22

परह् ऐबे पापो शे अजाद हऐयों, अरह् पंणमिश्वर के दास बंणियों, तुँओं फल़ भेटा, जिन्दे लई पबित्रता भेंटी, अरह् तिन्दे का अंत्त अमर-जीवन असो।

प्रकाशितवाक्य 13:16

तेथू ऐ छुटे, बड़े सेठ, कंगाल, अजाद, दास सोभी के सुवें हाथों दी, के तिनके माँथे दी ऐक छाप-मुँहर लुवाँणों खे मंज्जबूर करे।

प्रकाशितवाक्य 13:17

के तेथ्के सुवाऐं जिनू गाशी तेथू बुणेंरों के छाप-मुँहर के तेथ्के नाँव का नंम्बर हों, से ओका ओकी आरी किऐ भे लेण-देण ने करी सको थिऐ।

प्रकाशितवाक्य 14:1

तबे मुँऐ झ़ेठ पाऐ, अरह् देखो, सेजा छ़ैल़्टा सिय्योन धारह् गाशी खड़ा असो, अरह् तिनकी गईलो ऐक लाख चौवाल़ीष हजार लोग असो, जिनके माँथें गाशी तिनका अरह् तिनके परमं-पिता को नाँव असो।

प्रकाशितवाक्य 14:9

तबे ईन्दें पाछ़ी ऐक हजो, च़ीज़ा, स्वर्गदूत्त बैजाऐ जुराल़ो, बुल्दे आया, के “जू कुँऐं तेथू बुणेंरो अरह् ऐथू की मुर्तीं की पूजा करह्, अरह् आप्णे माँथे के आप्णें हाथो गाशी ऐथ्की छाप-मुँहर लुवाला,

प्रकाशितवाक्य 19:2

किन्देंखे के ठीक अरह् धर्मी असो। तिनके फंऐस्ले, किन्देंखे के सजा देऐ थंऐ, तिन्ऐं बड़ी बैष्या खे, जिऐं आप्णें कू-कर्म बिच़्के-काम शी बादी संईसारी धर्ती भ्रष्ट कर्दी रंऐ, अरह् तिन्ऐं तिनशो आप्णें दासों को लह्ऊँ का बद्ल़ा लुवा।”

प्रकाशितवाक्य 20:4

तबे मुँऐ सिंगाँस्णों देखे, जिन्दें गाशी सेजे लोग बऐठी रूऐ थिऐ, जिन कैई नियाँव कर्णो का हंक-अधिकार दिया गुवा थिया। तबे मुँऐ तिनकी आत्त्मा भे देखी, जिनके मुँढों प्रभू यीशू की गुवाऐ-शाज़्त्त देणों के कारण, अरह् पंण्मिश्वर का बचन का प्रचार कर्णो के कारण काटी थुऐ थिऐ, जिन्ऐं तेथू माँरकुट बुँणेंर की मुर्ती की पूजा ने करी थई थी, जिनके माँथे अरह् हाथों दे तेथू माँरकुट बुणेंर के छाप-मुँहर ने लाऐ थंई थी, सेजे लोग पाछू ऊबे जींऊँदें हुऐ, अरह् हजार साल्ह तोड़ी मसीया की गईलो तिन्ऐं राज्य करो।

प्रकाशितवाक्य 22:4

से तिनू आप्णीं आखिऐ देख्ले, अरह् तिनको नाँव तिनू लोगों के माँथे गाशी लिखो अंदो हलो।

प्रकाशितवाक्य 6:6

तबे मुँऐ जाँणों चारे जींव के बीच दे ऐजी नाँद्ह शुँणीं, “ऐकी देसो की धियाड़ी ऐक दीनार सैर भरी गिऊँ, अरह् ऐक देसो की धियाड़ी का च़ीन किलो ज़ौ, परह् तेल अरह् अंगूरोह् के रंस का नुकसाँन-घाटा ने हंणों दिऐ।”

प्रकाशितवाक्य 7:1

ईन्दें पाछी मुँऐ धर्ती के चौऊँ कुँणे गाशी, चार स्वर्गदूत्त खड़े देखे। तिन्ऐं चौऊँ ढबे की बागुर थाँम्बड़ी थऐ थी, जू कैथी धर्ती दी, ना संमुन्द्रो दी, अरह् ना, कोसी डाल़ौ दी बागुर लागो।

प्रकाशितवाक्य 7:2

तबे मुँऐं ऐक ओका स्वर्गदूत्त जू जीऊँदे पंण्मिश्वर की छाप करियों पुर्बो शा ऊबे खे आँदे देखा; तेने तिनू चौऊ स्वर्गदूत्तों खे जिनू धर्ती, अरह् समुँन्द्र, का नुकसाँन-घाटा कर्णो का हंक-अधिकार दिया गुवा थिया, तेने जुराल़ो लेरा माँरियों बुलो।

प्रकाशितवाक्य 9:4

तिनखे बुलो गुवो थियो, के ना धर्ती की घास, ना किऐ हरियाल़ी, ना कोसी डाल़ो का नुकसाँन करे, सिर्फ तिनू आदमी का नुकसाँन करे, जिनकी माँथे गाशी पंण्मिश्वर की छाप ने आथी।