प्रकाशितवाक्य 4:2 - Sirmouri

² हाँव तैख्णीं पबित्र-आत्त्मा शा भरा गुवा, अरह् मुँऐं का देखो, के ऐक सिंगाँस्ण स्वर्गो दो थऐ थुओ, अरह् तेसी सिंगाँस्हणों गाशी कुँऐं बऐठी रूआ।

सिरमौरी नौवाँ नियम

² पवित्र आत्मा मुं पांदी ओऊवा; “मोऐं स्वर्ग दा ऐक सिंहासन औरौ सिंहासन पांदी कोसी खै बौठेयौंदा दैखा।”

प्रकाशितवाक्य 4:2 Iomraidhean Croise

मत्ती 22:43

प्रभू यीशू ऐ तिनशो पुछो, “तअ राजा दाऊद तअ पबित्र-आत्त्मा शो भरियों, मसीया खे प्रभू बुलो?

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ

प्रकाशितवाक्य 1:10

हाँव प्रभू के देसे पबित्र-आत्त्मा दा भरा गुवा, अरह् आपु पाछी मुँऐ रंणशिंगें-कनाँल़ी के जेऐ बड़ी गूँह्ज शुँणाँई पड़ी।

प्रकाशितवाक्य 12:5

तियों तिरंई के ऐक टंड्का पय्दा हुआ, जुण्जा सोभी राज्य गाशी लोहे के मुँगरे लंई सोभी राज्य गाशी राज करदा थिया; परह् सेजो नहाँन्ड़िया ऊँबे थागियों, पंण्मिश्वर अरह् तिनके सिगाँस्णों तोड़ी पंईचाल़ी दितो।

प्रकाशितवाक्य 17:3

तबे तेने मुँह पबित्र-आत्त्मा शा जाँगल़ों दा नींयाँ, अरह् मुँऐ लाल रंग को बुँणेंर गाशी जू नीदया-चुगली के नाँमों लई भरो अंदो थियों, अरह् जेथ्के सात्त मुँढों थिऐ, अरह् दषं शिंगो थिऐ, तेथै मुँऐं ऐक तिरंऐंं आपु बऐठी अंदी देखी।

प्रकाशितवाक्य 19:4

तबे चौबीषो अगुऐ अरह् चौऊँ जींव ऐ पंण्मिश्वर के सहाँम्णें जुण्जे सिंगाँस्हणों गाशी बंईठे अंदे थिऐ तिनखे लाम्बे पसरियों प्रणाँम करियों अरार्धना कर्दे लागे: “आमीन! हाल्लेलूय्याह!”

प्रकाशितवाक्य 20:11

ईन्दें पाछ़ी मुँऐ ऐक बड़ो चींट्टो सिंगाँस्ण अरह् तिन्दें गाशी बऐठा अंदा आदमी देंखा, अरह् धर्ती अरह् अस्माँन तेस्के सहाँम्णें छाँई-माँई हंऐ गुओं अरह् तिन्देंका ऐजा पंता ने लागी के से कैथे गुओ।

प्रकाशितवाक्य 21:10

हाँव आत्त्मा दा बैहोष हऐ गुवा, अरह् तेने स्वर्गदूत्त ऐं मुँह बैजाऐ बड़ी ऊँगली धारंह् गाशी नींया; अरह् तेथै शी मुँह कैई शी तेने सेजी पंबित्र नंगरी यरूशलेम देखाऐ; किन्देंखे के सेजी नंगरी पंण्मिश्वर कैई शी स्वर्गो शी ऊँदी ऊत्री रंऐ थी।

प्रकाशितवाक्य 21:5

तिन्ऐं जुण्जें तेसी सिंगाँस्हणों गाशी बंईठे अंदे थिऐ, तिन्ऐं बुलो, “देख! ऐबे हाँव सब-कुछ़ नुंओं करी देऊँबा!” तबे तिन्दे पाछ़ी तिन्ऐं मुँखे बुलो, “ऐजी बातो ऊँबी लिख, किन्देंखे के ऐजी बातो बिश्वाष ज़ूगी, अरह् साच्ची असो।”

प्रकाशितवाक्य 3:21

जू जींत्ती ज़ाव, हाँव तेसी आप्णी गईलो सिंगाँस्हणों गाशी बईठाल़ूबा, जेष्णाँ हाँव भे जींतियों आप्णे बाबा की गईलो सिंगाँस्हणों गाशी बऐठी गुवा।

प्रकाशितवाक्य 4:10

सेजे च़ौबीष अगुऐ सिंगाँस्हणों गाशी बईठणों वाल़े के सहाँम्णें लाँम्बे पसरियों, आप्णें-आप्णें ताज-मुँकुट तिनखे स्मर्पित करियों तिनकी आरार्धना करह्।

प्रकाशितवाक्य 4:5

तेसी सिंगाँस्हणों शी बीजूल़ी अरह् गर्जोणों का गूँह्ज गुड़ाको शुँणियों थी, अरह् सिंगाँस्हणों के सहाँम्णें आगी के सात्त दिवे बल़ी रूऐ थिऐ, सेजी पंण्मिश्वर की सात्त आत्त्मा असो,

प्रकाशितवाक्य 4:9

जबे-जबे सेजे जींव तेस्की जुण्जा सिंगाँस्हणों गाशी बईठा अंदा थिया, अरह् जू ज़ूगौ-ज़ूगौ जीऊँदा असो, बड़ियाऐं अरह् आदर अरह् धन्यबाद करूबे;

प्रकाशितवाक्य 5:1

जुण्जा सिंगाँस्हणों गाशी बऐठी रूवा थिया, मुँऐ तेस्के सुँऐं हाथो दी ऐक कताब देखी, जू भीत्री अरह् बाऐरी लिखी अंदी थी, अरह् सात्त सिलो लाऐयों तिनू बंद करी थई थी।

प्रकाशितवाक्य 5:13

तेष्णीं ही मुँऐं बादी संईसारी-स्वर्गो दी, ईयों धर्ती थाँई पताल़ो दी, संमुन्द्रो अरह् तिन्दी बंसी अंदी बादी सिर्जी-बंणाई अंदी चींजो दी, अरह् सब-कुछ जुण्जो किऐ तिन्दो असो, तिनू ऐजो बुल्दे शुँणों: “छ़ैल्टे का अरह् सिंगाँस्हणों गाशी बईठा अंदा असो, स्त्तुति, आदर, बड़ियाऐ, अरह् हंक-अधिकार, सदा-सदा हंदा रंह्!”

प्रकाशितवाक्य 6:16

अरह् कफाड़ो अरह् कऐड़ी खे बुल्दे लागे के “आँमों गाशी पड़ो; अरह् आँमों ईनके मुँहों शे जू सिंगाँस्हणों गाशी बऐठी रूवा, अरह् ऐसी छ़ैल़्टे के रोष शे चूरी दियों।