फिलिप्पियों 4:8 - Sirmouri

⁸ ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

सिरमौरी नौवाँ नियम

⁸ इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

फिलिप्पियों 4:8 Iomraidhean Croise

मत्ती 22:16

तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

मरकुस 6:20

राजा हेरोदेस संत्त-यूहन्ना धर्मी पबित्र आदमी जाँणियों डरो थिया, तबे ही तेने तेसी बंचाऐ थुवा थिया; अरह् तेस्का बचन शुण्णाँ तेसी आछा लागो थिया।

लूका 16:15

ईन्दे गाशी प्रभू यीशू ऐ तिन खे बुलो, “तुँऐं लोग आदमी के साँम्णिऐ तअ आपु खे धर्मात्त्माँ बंणों; परह् पंण्मिश्वर तुवाँरें मंन-सासो के बात ज़ाणो ऐ; किन्देंखे के जुण्जी बात आदमी के नंजरी दे आच़्छ़ी असो, सेजी ही बात पंण्मिश्वर की नंजरी दी शंगाँव्णी असो।

लूका 2:25

अरह् दे:खो, यरूशलेम दा ऐक शमौन नाँव का आदमी थिया, अरह् सेजा आदमी धर्मी अरह् भगत्त थिया; अरह् इस्राएल के शाँण्त्ति की बाट जुओं थिया, अरह् पबित्र-आत्त्मा तेस्दे समाँऐ अंदी थी।

लूका 23:50

तेथै ऐक यूसुफ नाँव का आदमी थिया, जुण्जा खत्ती की बड़ी खुम्ल़ी के च़ौत्रें का बिम्बर थिया; से संज्जन अरह् धर्मी मंरोद् थिया।

यूहन्ना 7:18

किन्देंखे के जुण्जा कुँऐं आप्णें बिचार शुँणाँव, से आप्खे ही आदर-ईज्ज्त्त चहाँव; परह् जुण्जा आप्णें डेयाल़्णों वाल़े खे आदर-ईज्जत्त चहाँव, से बुलकुल साच्चा असो; अरह् तेस्दा किऐ भे छ़ल़-कपट ने आथी।

प्रेरितो कै काम 10:22

तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 22:12

“तबे हनन्याह नाँव का ऐक आदमी तेथै आया, से ऋषी मूसा खे भेटे गुऐ अज्ञाँ-निय्म के मुँताबिक चाल्णों वाल़ा, भगत्त अरह् सोभी यहूदियों मुँझी माँना-गीणा आदमी थिया;

प्रेरितो कै काम 6:3

तअ तबे: हे मेरे भाऐ-बंईणों! तुऐं लोग आपु ही मुँझ्शे सात्त आच्छ़ै चाल-चल़्ण वाल़े मरोद् च़ूणीं-छ़ाँटी दियों; जुण्जे के पबित्र-आत्त्मा अरह् बुद्धी शे भे भर-पुर हले; जिनू आँमें ऐसी काँम-काज़ खे तैयार करी सको।

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

रोमियों 13:3

किन्देंखे के हाक्म आछे काँम-काज़ कर्णो वाल़े खे ने, परह् बुरे काँम-काज़ कर्णो वाल़े खे डराँव्णें; परह् जे तू हाक्मों शो निडर हऐयों रंहणों चहाँऐ, तअ आच्छ़े काँम-काज़ करह्, तबे ही ताँव्खे तिन कैई शी शबाशी भेट्ली;

रोमियों 14:18

जू कुँऐं ईयों रिती शी मसीया की सेवा करह्, तेसी पंणमिश्वर के भाँवऐं, अरह् आदमी मुँझी माँना-गिंणा ज़ाँव।

रोमियों 2:29

परह् साचा यहूदी सेजा ही असो, जू दिल शा यहूदी असो; अरह् असली खतना सेजा ही असो, जू दिल शा करा ज़ाँव, अरह् से निय्म शा ने, परह् पबित्र-आत्त्मा के जाँणें हों, ऐष्णें आदमी की तारीफ आदमी की ढबे शी ने परह् पंणमिश्वर की ढबे शी हों।

1 कुरिन्थियों 4:5

ईन्देंखे जाँव तोड़ी प्रभू ने आँव, तेसी बख्तो शा आगे कोसी भी बातो का नियाँव ने करे: किन्देंखे के से ईनाँरे दी दब्बी अंदी बातो आपु पियाशै दी दे:खाले, अरह् आदमी के मंन के बिचार भे आपु पर्गट कर्लें, तबे पंणमिश्वर की ढबे शी ऐकी नाँमों के बड़ियाऐ हली।

2 कुरिन्थियों 13:7

आँमें आप्णे पंण्मिश्वर शी ऐजी प्रार्थना करह्, के तुँऐं किऐ बुराई ने करह्; ईन्देंखे ने के आँमें आछे दे:खियों, परह् ईन्देंखे के तुँऐं भलाऐ करह्, भाँव आँमें नि-काँम्में ही बंणों।

2 कुरिन्थियों 6:8

आदर अरह् निरादर दे, बुरे नाँम अरह् आछे नाँम दे। मतल्व भरमाँणों-दुर्तांणों वाल़े जैष्णें असो, तबे भे साच्चै असो;

2 कुरिन्थियों 8:18

आँमें तैस्की गईलो तैसी भाऐ भे डियाल़ी थुवा; जैस्को नाँव खुषख्बरी के बारे दो बादी कलीसियों दो फईलो अंदा असो;

2 कुरिन्थियों 8:21

किन्देंखे के जुण्जी बातो सिर्फ प्रभू ही के नंजीक ने, परह् आदमी के साम्णें भी भली असो, आँमें तिन्दे का फिकर करह्।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

इफिसियों 4:25

ईदेखे झूठो बुल्णों छुड़ियों ऐक नाँम आप्णें पड़ोसी आरी साच्चो बुलो, किन्देंखे के आँमें आपु मुझी ओका ओकी का अँग असो।

इफिसियों 5:9

(किन्देंखे के त्तेज-प्रकाश का फल़ साँत्त-भाती भलाई, अरह् धार्मिक्त्ता, अरह् सच्चाऐ असो),

इफिसियों 6:14

सच्चाई शी आप्णी कमरी दी गाच़ी भिड़ो, अरह् धार्मिक्त्ता का सोजूवा बाँम्बियों;

फिलिप्पियों 3:1

ईन्देंखे हे मेरे भाऐ बंईणों, प्रभू दे आँन्दित्त-खुशी रंह्; सेजी ही बातो तुँओं खे बार-बार लिख्णों खे, मुँह किऐ भे कष्ट ने हंदी; अरह् ईन्दी तुँवारी भलाऐ असो,

कुलुस्सियों 4:5

बख्त्त-मुक्का किम्त्ती जाँणियों बाईले आरी बुद्धीमाँनी शा बर्ताव करे।

1 थिस्सलुनीकियों 4:12

जू बाईले लोगो कैई शी आदर-ईज्ज्त्त भेंटो, अरह् तुवाँरे कियों भी चींजो की कम्मी ने हो।

1 तीमुथियुस 2:2

राजाओं अरह् बादे बह्ड़े ऊँचे पद्-भार वाल़े हाकम खे ईन्देंखे के आँमें बिषाँव अरह् च़ंऐन आरी बादी भगत्ति अरह् नंरमाँई आरी जीवन बिताँव।

1 तीमुथियुस 3:11

तैष्णीं ही तेसी सेवाक के घरवाल़ी भे ईमाँनदार हों, अरह् ना से गलत्त बात्त करणों वाल़ी, चुंगलियारी ने हों, परह् से च़ौक्क्ष, अरह् बादी बातो दे बिश्वाष ज़ुगीं हंऐ च़ैई।

1 तीमुथियुस 3:4

आप्णे घरह् का आछा ईन्तजाँम कर्णो वाल़ा, अरह् आप्णे नहाँन्ड़िया खे बादी संम्झदारी के अधीन आप्णें बष दे थंहणों वाल़ा हो।

1 तीमुथियुस 4:12

कुँऐ भे तेरी जुवाँनी छ़ुटी ने जाँणों, परह् बचन, अरह् चाल-चल्ण, अरह् प्यार, अरह् बिश्वाष, अरह् पबित्रत्ता, दा बादे बिश्वाषी भाई-बंईणों खे ऐक आच्छ़ा-नंमुँना बंणी ज़ाऐ।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

1 तीमुथियुस 5:2

अरह् बुड़ी-खाड़ी तिरंई भे आप्णी माँ जेई जाँणें; अरह् आप्णी ऊँमर शी कंम ऊँमर की जुवाँन तिरंई भे पुरी पबित्रत्ता शी आप्णी बंऐणीं जेई जाँणें;

तीतुस 1:8

बलकी पाऊँणें का आदर कर्णो वाल़ा चेंई, भलाई माँन्णों वाल़ा, मिलाऊँ, नियाँईच़ू, पबित्र अरह् भागोईंत्त हो; आच्छ़ी सोंच होंस्ले वाल़ा हुआ चेंई, अरह् आप्णीं बादीं ज्ञाँन-ईन्द्रियाँ आप्णे बंष दी थों।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

तीतुस 2:2

मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

तीतुस 2:7

बादी बातो दे आपु-आप्खे भले काँम-काज़ खे ऐक नंमुना बंणो। तेरी शिक्क्षा दी सफाऐ, गम्बीरता,

तीतुस 3:14

अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

इब्रानियों 11:2

ऐसी ही बिश्वाष के कारण अमाँरे पुराँणियाँ खे पंण्मिश्वर ऐं शबाषी दिती।

इब्रानियों 13:18

आँमों खे प्रार्थना करिया करह्, किन्देंखे के आँमों भुर्षा असो, के अमाँरी अंन्त्तर-आत्त्मा शुद्ध असो। अरह् अमाँरी सेजी ही कोशिष रंह्, के अमाँरा जीवन ऐक नाँम बातो दा आदर-ईज्जत ज़ूगा हों।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

1 पतरस 4:8

सोभी शी बड़ी प्रभू यीशू के बात ऐजी असो, के ओका ओकी शो बैजाऐ पियार करह्, किन्देंखे के पियार कऐयों पाप दबाऐ दियों।

2 पतरस 3:1

हे प्यारे साथियों, ऐबे ऐजी दुज़ी पत्री असो, जू मुँऐं तुँओं खे लिखी लऐ, ईनू दुई पत्री दो ऐजो चित्ते कराऐयों मुँऐं तुवाँरे पबित्र मंन दो चित्ते कराणों का जत्तन करी थुवा,

1 यूहन्ना 3:18

हे प्यारे नहाँन्ड़िया, अमाँरे पियार ज़ात्ती शो बुल़्णों लई ने; परह् अमाँरे कर्मो अरह् सच्चाई दो असो।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।