फिलिप्पियों 4:6 - Sirmouri

⁶ कोसी भे बात का फिकर ने करे, परह् बादी बातो दे तुवाँरे ढाल-अरज, प्रार्थना अरह् ढाल-अरज के जाँणें धन्यबाद आरी पंण्मिश्वर के संहाम्णें हाजिर हों।

सिरमौरी नौवाँ नियम

⁶ कियौंई बातौ कै फिकर ना कौरौ; पौरौ हरेक पौरैशानी मुंजी अमारै निवेदन प्रार्थना औरौ बिन्ती कै दवारा धन्यवाद कै साथै पौरमेशवर खै धोरे लाए जांव।

फिलिप्पियों 4:6 Iomraidhean Croise

मत्ती 10:19

जबे से तुँओं थंम्ब्ड़ाले तअ ऐजा फिकर ने करे, के आँमें कैषो अरह् का बुल्बे, किन्देखे के जुण्जो किऐ तुँओं बुल्णों पड़लो, सेजो तेख्णी तेसी ही बख्ते तुँओं कैई बुली देईलो;

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मत्ती 6:34

तअ: दोत्ती का फिकर ने करे, किन्देखे के दोत्ती को देस आपु-आप्णा फिकर करला; ऐतलो खे ऐतलो का ही दु:ख बैजाऐ असो।

मत्ती 6:8

ईन्देंखे तुँऐं तिनके जेष्णें नें बंणें, किन्देखे के तुवाँरा स्वर्गो का पिता तुवाँरें माँगणों शो आगे ही जाँणों, के तुवाँरे किन्दें-किन्दें की जरूरत्त असो।

लूका 10:41

प्रभू यीशू ऐ तियों खे जबाब दिता, “मार्था ओ मार्था, तू भहिती बातो का फीकर करे, अरह् तेबे ही तू परीशाँन हंऐ।

लूका 12:22

तबे प्रभू यीशू ऐ आप्णे चैले खे बुलो, “हाँव तुँओं खे ईन्देंखे बुलू, के आप्णे पराँणों जीवन का फिकर ने कोरे; के ऐबे आँमें का खाऊँबे, अरह् ना आप्णी देह्-शरीर का फिकर कोरे, के ऐबे आँमें का बाँम्बुबे।

लूका 12:29

ईन्देखे तुऐं भे ऐसी खोज-ताक दे ने रूऐ, के आँमें का खाऊँबे, अरह् का पींऊँबे, ऐजा फिकर ने करे, अरह् ना किऐ ईन्दा शंक-शुभा करे।

लूका 18:1

तबे प्रभू यीशू ऐ तेसी बारे दो बुलो, के रोज प्रार्थना करह्, अरह् दीड़-हिम्मत ने हारे, अरह् तिनखे ऐजो अनाँणों दितो:

लूका 18:7

ईन्देंखे कियो पंण्मिश्वर आप्णे छाँटे अंदें, का नियाँव करदा ने; जुण्जे लोग रात्ती-देसो प्रभू के नाँव का जाप कर्दे रंह? कियों से तिनू लोगो के बारे दी किऐ देर कर्दे? ऐशो ने हंदी।

1 कुरिन्थियों 7:21

जे ताँव दास की दषा दा बय्दी थुवा, तअ फिकर ने करे; परह् जे तू गुलामी शा अजाद हऐ सके, तअ ईन्दें की ताक दा रंह्।

1 कुरिन्थियों 7:32

तअ: मेरी ऐजी हिछ़ा असो, के तुँऐं संईसारीक जीवन की हिछ़या शा छुट्कारा पाँव, जुण्जे कुँवारे असो, से प्रभू शा संम्बन्ध बाँण्णों गाशी धियान दियों, के आँमें प्रभू कैशे दाँई खुशी करी सको।

2 कुरिन्थियों 1:11

तुँऐं भे मीलियों प्रार्थना के जाँणें अमाँरी सहाय्ता कर्दे, के जू बर्दांण भहीते के जाँणें आँमों भेटा, तिन्दे के जाँणें बैजाऐ लोग अमाँरी ढबे शा पंण्मिश्वर का धन्यबाद करह्।

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

कुलुस्सियों 3:15

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

कुलुस्सियों 4:2

प्रार्थना दे लागे अंदें रंह्, अरह् धन्यबाद आरी तिन्दे च़ौक्क्ष रंह्;

1 तीमुथियुस 2:1

ईन्देखे सोभी शी आगे मेरी ऐजी ढाल-अरज असो, के सोभिखे बिन्त्ती, प्रार्थनाऐं, अरह् अर्जी, अरह् धन्यबाद ऐक नाँम आदमी की ताँईऐ करा ज़ाँव।

1 तीमुथियुस 5:5

अरह् जिनू बिध्वा के सोत्तिखे मंदत्त के जरूरत्त असो, अरह् तैयारा मंद्दतगार कुँऐं ने आथी; से सिर्फ पंण्मिश्वर गाशी भुरषा थंह्, अरह् से रात्त-देस बिन्त्ती अरह् प्रार्थना दे मंगन रंह;

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 पतरस 5:7

आप्णे बादे फिकर तिन्ही गाशी पाऐ दियों, किन्देंखे के तिनके तुवाँरा ख्याल असो।