फिलिप्पियों 3:6 - Sirmouri

⁶ यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

सिरमौरी नौवाँ नियम

⁶ जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।

फिलिप्पियों 3:6 Iomraidhean Croise

मत्ती 23:25

“फींट्कारा असो! कऊँट्ल़ी पाखंडी यहूदी-निय्म के शिखाणों वाल़े! अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं बैलुऐ अरह् मुँगाँल़ी तअ गाछ़ गाछ़ै माजों परह् भीत्रों शे से काल़े अरह् जुँठ्वाँणीं शे भरे अंदे हों।

मत्ती 5:20

किन्देखे के हाँव तुँओं खे बुलू, के जे तुँवारी धार्मिक्त्ता ऋषी-मूसा खे भेटे गुऐ, अज्ञाँ-निय्म के शिखाँणों वाल़े अरह् यहूदी भाट-बाँम्णों के धार्मिक्त्ता शी बड़ियों ने हों, तअ तुँऐं स्वर्गो के राज्य दे कंद्दी भे दाखिल ने हऐ सक्दे।

लूका 1:6

से दुईनें पंणमिश्वर के साम्णें धरमाँईत्त थिऐ, अरह् प्रभू के बादी अज्ञाँ-निय्म, माँनों थिऐ, से बेकसूर चाल चाल़्णों वाल़े थिऐ।

प्रेरितो कै काम 21:20

तिन्ऐं ऐजी बात शुँणिंयों पंण्मिश्वर की बड़ियाऐं करी, अरह् संत्त-पौलुस खे बुलो; “भाऐ! तुऐ देखी लो, के हजारो यहूदियों ऐ बिश्वाष करी पाया; अरह् से बादे निय्म पाक्कै माँनणों वाल़े भे असो।

प्रेरितो कै काम 22:5

महाँ-याजक अरह् बादे बुड़े बुजूर्गो की बादी बड़ी खुम्ल़ी मेरी ईनू बातो के गुवाह्-शाज़्त्त असो; अरह् तिन्ऐं ही मुँह पत्री देऐयों दमिश्क के भाईयों कैई डेयाल़ा, के हाँव तेथै के लोग जू ऐसी मंत्त-शीख्ह के माँनणों वाल़े असो; तिनू बाँनियों यरूशलेम दे आँणू, अरह् तिनखे सजा देंयाऊँ।”

प्रेरितो कै काम 26:5

से मुँह नहाँन्हड़े शा पुडा जाँणों, अरह् जे से चहाँव तअ मेरे बारे दी गुवाऐ-शाज़्त्त देऐ सको; मुँऐ यहूदी भाट-बाँम्ण हऐयों आप्णे बादे कटर मंत्त-शीख के रूप शा जीवन बिताऐ थुवा।

प्रेरितो कै काम 8:3

शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

रोमियों 7:9

हाँव तअ ऋषी-मूसा खे भेटे गुऐ निय्म के बिना आगे जीऊँदा थिया, परह् जबे मुँऐं ऋषी-मूसा के निय्म के बारे दो जाँणी पाव, तअ के हाँव पापी असो, ऐजो मुँऐं जाँणीं पाव, अरह् हाँव पंणमिश्वर आरी के नाँत्ते शा दुरका हुवा।

1 कुरिन्थियों 10:32

तुँऐं ना यहूदी लोगो खे, अरह् ना यूनानी लोगो खे, अरह् ना पंणमिश्वर की कलीसिया खे ढैस-ठोकर का कारण बंणों।

1 कुरिन्थियों 15:9

किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

फिलिप्पियों 2:15

जू तुँऐं सिदे-सादे नीष-कपट, अरह् बै-कसूर बणियों रंह्, तअ ईयों हठाव्णी, हर-कुछ कर्णो वाल़े गड़ी-पीड़ी दे, पंण्मिश्वर की साच्ची अलाद बंणियों अस्माँनों के तारे जैष्णें चँमक्दे रंह्।

फिलिप्पियों 3:9

अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

1 तीमुथियुस 1:13

हाँव तअ आगे पंण्मिश्वर की नीदया कर्णो वाल़ा, सताणों वाला, अरह् अ-नियाँई कर्णो वाल़ा थिया; तबे भे तिन्ऐ मुँह गाशी दया-रंय्म करी, किन्देंखे के अ-बिश्वाष की दशा दा बिना सुच्चै-संमझे हाँव ऐजी काँम करू थिया।