फिलिप्पियों 3:12 - Sirmouri

¹² ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

सिरमौरी नौवाँ नियम

¹² हांव ऐजा दावा ना कौरु कै मोऐं इनु सौबी चीज़ौ कै आगै दी ही पाए रैई, या मोऐं तैसी सिध्दता कै पाणौ कारिए बैजाए कौचिश कौरे लौए। पौरौ हांव तियौं चीज़ कै पाणौ कारिए आगै बौढ़दा जांदा लागै रौआ ताकि हांव सिध्द हौए जोऊं जिथकारिए मसीह यीशुए मुखै चोणे राए थिया।

फिलिप्पियों 3:12 Iomraidhean Croise

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

रोमियों 8:39

अरह् ना पताल़ौ की किऐं शक्त्ति, अरह् ना बादी संईसारी मुँझ्शी किऐ भे बात, आँमों पंणमिश्वर के पियारो शे जुण्जा अमाँरे प्रभू यीशू मसीया के जाँणें भेटी रूवा, तेसी पियार शे आँमों कुँऐं भे ज़ंई ने करी सक्दा।

1 कुरिन्थियों 13:10

परह् जबे सर्वसिद्ध आले, तअ आधो-अ-धुरो सब पुरो-शुरो हंदो।

1 कुरिन्थियों 13:12

हेभी अमाँरे सीसे दो झाँमंरो दे:खियों, परह् तेसी बख्ते आँम्णें-सहाँम्णें दे:ख्दे: ऐसी बख्ते मेरा ज्ञाँन आधा-अ; धुरा असो, परह् तेसी बख्ते सुवाँ करियों पछ़याँणुबा, जेष्णाँ मुँह पछ़याँणा गुवा।

1 कुरिन्थियों 9:24

कियों तुँऐं जाँण्दे ने के रेस-दऊँड़ दे तअ बैजाऐ दऊँड़ो, परह् ईनाँम ऐके झोंणाँ नियों? परह् तुँऐं भे तियों रेस-दऊँड़ दे तिऐं दऊड़ो जू जित्ती ज़ाँव।

2 कुरिन्थियों 13:9

जबे आँमें कंंमजोर असो, अरह् तुँऐं बलवाण असो, तअ आँमें आँन्दित्त-खुशी हों, अरह् ऐजी प्रार्थना भे करह्, के तुँऐं शुद्ध हऐ ज़ाँव।

2 कुरिन्थियों 7:1

तअ: हे प्यारे, जबे के आँमों ऐजा बाय्दा भेटी रूवा, तअ आओ, आँमें आपु-आप्णी देह्-शरीर आत्त्मा की बादी गंन्दगी शे शुद्ध करह्, अरह् पंण्मिश्वर का डर थईयों पबित्रता साच्ची बाँणों।

गलातियौं 5:17

किन्देंखे के देह्-शरीर की बुरी हिछा पबित्र-आत्त्मा का बिरोध करह्; अरह् पबित्र-आत्त्मा देह्-शरीर की बुरी हिछा का बिरोध करह्; अरह् ऐ ओका ओकी के बिरोधी असो, ईन्देंखे के तुँऐं जुण्जो कर्णो चहाँव, सेजो करीने सक्दें।

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

फिलिप्पियों 1:1

मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

फिलिप्पियों 3:16

ईन्देंखे तेथै तोड़ी आँमें पह्ऊची रूऐ, आँमों तिदो ही चालणों पड़ो।

फिलिप्पियों 3:3

किन्देंखे के खतना वाल़े तअ आँमें ही असो, जू पंण्मिश्वर की आत्त्मा के गुवाह्-शाज़्त्ति शी आरार्धना करह्, अरह् मसीया यीशू गाशी तारीफ करह्, अरह् आप्णी देह्-शरीर की बातो गाशी भूर्षा ने कर्दे।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

1 थिस्सलुनीकियों 5:15

सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

2 थिस्सलुनीकियों 2:13

हे भाऐ-बंईणों, अरह् प्रभू के प्यारे लोगो, ऐशो हुओ चेंई के आँमें तुवाँरे बारे दे सदा पंण्मिश्वर का धन्यबाद कर्दे रंह्, किन्देंखे के पंण्मिश्वर ऐ शुरू शे ही तुँओं च़ूणीं-छाँटी थुऐ; के पबित्र-आत्त्मा के जाँणें पबित्र बंणियों, अरह् सच्चाई का बिश्वाष करियों मुँक्त्ति पाँव,

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

1 तीमुथियुस 6:19

ऐष्णों करियों से हजो खे स्वर्गीऐ धन कोठो करह्, मतल्व तेसी स्वर्गो दा बैजाई ईनाँम भेंट्दा; ईन्दें लई से साच्चा जीवन जीऊँला।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

इब्रानियों 12:23

पंण्मिश्वर की जैठी अलाद जिनके नाँव स्वर्गो दे लिखी थुऐं, तिनकी खुम्ल़ी के नंजीक आऐ रंह्, अरह् सोभी का नियाँव कर्णो वाल़ा पंण्मिश्वर अरह् तिनके कारण सीद्ध करे अंदे धर्मी की आत्त्माऐं तिन कैई आऐ रंह्।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

याकूब 3:2

आँमें बादे झोणें कैथी ना कैथी किऐ ना किऐ भूल-चूक जरूर करह्, परह् सिद्ध-पाक्का सेजा असो, जू किऐ भे बचन दी भूल-चूक ने करदा, किन्देंखे के सेजा आदमी आप्णी देह्-शरीर दी लगाम आप्णें बष दी थऐ सको।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।