फिलिप्पियों 1:20 - Sirmouri

²⁰ हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

सिरमौरी नौवाँ नियम

²⁰ मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

फिलिप्पियों 1:20 Iomraidhean Croise

यूहन्ना 21:19

प्रभू यीशू के बुल्णों का ऐजा मतल्व थिया, के संत्त-पतरस केष्णी मंऊँत्ती लंई, पंण्मिश्वर के बड़ियाऐ करदा: अरह् ऐजो बुलियों, प्रभू यीशू ऐ संत्त-परस खे बुलो, “मुँह पाछ़ी चाल।”

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

प्रेरितो कै काम 21:13

ईन्दे गाशी संत्त-पौलुस ऐ जबाब दिता, “तुँऐं लोगे तअ रूऐ-रूऐयों मेरा दिल च़ूड़ी लुवा, अरह् ऐजो बुलियों? हाँव प्रभू यीशू के नाँव के कारण यरूशलेम दा बाँनणों शा ने, परह् मंर्णो खे बे तैयार असो।”

प्रेरितो कै काम 4:31

तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।

रोमियों 12:1

ईन्देखे हे भाऐ बंईणों हाँव तुँओं कैई शी पंणमिश्वर कि दया-रंय्म कृपा चींत्ते कराऐयों, ढाल-अरज करू के आप्णी देह्-शरीर जींऊँदें, पबित्र, पंणमिश्वर खे भाव्णों वाल़ी बल़ी-कुरबाँणीं देऐयों चढ़ाव। ऐजी ही तुँवारी आत्त्मिक सेवा असो।

रोमियों 5:5

अरह् भूर्षें दी निराषा ने हंदी, किन्देंखे के पबित्र-आत्त्मा जू आँमों खे देऐ थऐ, तिन्दे लई पंणमिश्वर को पियार अमाँरे मंन दो पाँऐ थो।

रोमियों 6:13

तुँऐं आप्णी देह्-शरीर के अंग अ-धर्म की सेवा कर्णो खे पाप खे ने दिऐ, परह् तुँऐं आपु खे मरे अंदे मुँझ्शा जीऊँदा जाँणियों पंणमिश्वर खे देऐ दियों, अरह् आप्णें अंग पंणमिश्वर की नंजरी दे आछे काँम-काज़ की सेवा कर्णो खे देऐ दियों।

रोमियों 6:19

हाँव तुँआरी देह्-शरीर की कंमजूरी के जाँणें आदमी के हिसाब शो बुलू, के जेष्णें तुँऐं आप्णे अंग-पराँण कू-कर्म खे गाँन्दें अरह् कुकर्म के दास बंणाँऐयों दिते थिऐ, तेष्णें ही ऐबे आप्णे अंग-पराँण पंणमिश्वर की नंजरी दें सही माँन्णों ज़ूगै काँम-काज़ कर्णो खे आछे करियों देऐ तियों, तिन्दें लई तुँऐं पबित्र हंऐ ज़ाँव।

रोमियों 8:19

किन्देंखे के बादी संईसारिऐं बेजाऐ भूर्षे की नंजर शी पंणमिश्वर की अलाद पर्गट हंणों की बाट जुई लई।

रोमियों 9:33

जेष्णों पबित्र-ग्रन्थों दो लिखी थो, “दे:खो, हाँव सिय्योन दा ऐक ढैस-ढैस-ठोकर लागणों वाल़ा पाथर, अरह् ढैस-ढैस-ठोकर लागणों वाल़ी कंऐड़ थंऊँ, अरह् जू तेस गाशी बिश्वाष करला तेस्की कंद्दी बैस्ती ने हंदी।”

1 कुरिन्थियों 15:31

हे मेरे भाऐ बंईणों, मुँह तेसी तारीफ की शौह्, जू अमाँरे प्रभू यीशू मसीया दा हाँव तुवाँरे बारे दा करू, के हाँव रोज मंरू।

1 कुरिन्थियों 6:20

किन्देंखे के तुँओं दाँम देऐयों मुले लऐ थुऐ, ईन्देंखे आप्णी देह्-शरीर के जाँणें पंणमिश्वर की बड़ियाऐ करह्।

1 कुरिन्थियों 7:34

शादी-शुदा अरह् कुंवाँरी दा भे फरक असो: कुवाँरी प्रभू का धियान करह्, के हाँव देह्-शरीर अरह् आत्त्मा शी पबित्र रंऊँ, परह् शादी-शुदा तिरोऐ संईसारीक फिकर दी रंह्, के हाँव आप्णा घरवाल़ा खुशी थंऐ संकू।

2 कुरिन्थियों 10:8

किन्देंखे के जे हाँव तेसी हंक-अधिकार के बारे दा किऐं जादा शियाँगीऊँ, के किऐ दे:खावा करू, जुण्जा प्रभू ऐ तुँओं बिगाड़्णों खे ने, परह् तुँओं बंणाँणों खे आँमों खे देऐ थुवा; तअ हाँव तिन्दा शर्मिन्दा ने हंदी।

2 कुरिन्थियों 3:12

ईन्देखे ऐसी भुर्षें आरी आँमें हिम्मत करियों बुलो,

2 कुरिन्थियों 4:10

आँमें प्रभू यीशू की मऊँत आप्णी देह्-शरीर दी हर बख्त लऐयों फिरो, के प्रभू यीशू का जीवन अमाँरी देह्-शरीर दा पर्गट हों।

2 कुरिन्थियों 5:15

अरह् से सोभी की ताँईऐं मरे, जू जीऊँदें असो, से हजो आपु खे ने जींयों, परह् तिनखे जू तिनकी ताँईऐं मरे, अरह् हजो पाछु ऊबा जींयों।

2 कुरिन्थियों 7:14

ईन्देखे के जे मुँऐं तुवाँरे बारे दा तीतुस के साम्णें तारीफ दे:खाऐ, तअ हाँव बै-ईज्जता ने हई, परह् जैष्णी आँमें तुँओं कैई बादी बातो साच्चै-साच बुली थई थी, तैष्णा ही अमाँरा तारीफ दे:खाणी भे तीतुस के साम्णें भी साच्चा नींक्ल़ी।

2 कुरिन्थियों 7:4

मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

फिलिप्पियों 1:14

अरह् प्रभू दी जुण्जे भाऐ-बंईणों असो, तिन मुँझ्शे जादा लोग मेरे कय्द हंणो के कारण हिमम्त्त करियों पंण्मिश्वर का बचन बै-धड़क शुँणाँणों खे बैगेही हिमम्त्त करह्।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

1 पतरस 4:16

परह् जे कोसी खे मसीही हंणों के कारण दु:ख भोग्णा पड़ो, तअ से सरमाँव ने, परह् से पंण्मिश्वर की बड़ियाऐ खे ऐसी नाँव धारण करह्;

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।