फिलिप्पियों 1:14 - Sirmouri

¹⁴ अरह् प्रभू दी जुण्जे भाऐ-बंईणों असो, तिन मुँझ्शे जादा लोग मेरे कय्द हंणो के कारण हिमम्त्त करियों पंण्मिश्वर का बचन बै-धड़क शुँणाँणों खे बैगेही हिमम्त्त करह्।

सिरमौरी नौवाँ नियम

¹⁴ औरौ प्रभु दै जू बिशवाशी भाई औसौ, तिनुमुंजी दै भौरिशै मैरै कैद दै हौणौ की बौजैह शै उत्साह कै साथै पौरमेशवर का वचन निडर हौयौ शुणाणौ कै हौजौ बै जादा हिम्मत कौरौ।

फिलिप्पियों 1:14 Iomraidhean Croise

मरकुस 3:3

प्रभू यीशू ऐ तेसी शूके अंदे हाथो वाल़े आदमी खे बुलो, के “बिचो दा खड़ा हो।”

लूका 1:74

के से हाँमों अमाँरे बऐरी कैई शे छुड़ाँव, के आँमें आप्णें बऐरियों कैई शे छ़ूटियों,

2 कुरिन्थियों 3:12

ईन्देखे ऐसी भुर्षें आरी आँमें हिम्मत करियों बुलो,

2 कुरिन्थियों 7:4

मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

इफिसियों 3:13

ईन्देंखे हाँव तुओं लोगो खे ऐजी ढाल-अरज करू, के जू कल़ेश तुँवारी ताँईऐं मुँह भेट्दे लागे, तिनके जाँणे तुँऐं हिम्त्त ने हारे, किन्देंखे के तिन्दी ही तुँवारी बड़ियाऐ असो।

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

कुलुस्सियों 4:4

प्रार्थना करे के हाँव तिनू तैष्णें पर्गट करू जैष्णें मुँह ठीक-ढंग शे कर्णे पड़ो।

कुलुस्सियों 4:7

प्यारे भाऐ-बईणों, अरह् बिश्वाष ज़ुगे दास तुखिकुस, जू प्रभू दा मेरा साथी असो, मेरी बादी बातो तुँओं कैई बुली देंदा।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।