2 तीमुथियुस 4:5 - Sirmouri

⁵ परह् तू बादी बातो दा च़ौक्क्ष रूऐ, दु:ख संऐ पाऐ, अरह् खुषख्बरी का प्रचार के काँम-काज़ करे, अरह् जुण्जी सेवा ताँव कैई देऐ थऐ, तियों सेवा तू पुरी करे।

सिरमौरी नौवाँ नियम

⁵ पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

2 तीमुथियुस 4:5 Iomraidhean Croise

मत्ती 25:16

“तबे, जेस्खे पाँच सर्फी देऐ थई थी, तेने तेख्णी ज़ाऐयों, तिन्दे लई लेण-देण करी, अरह् पाँच सर्फी सुन्नें की हजो कमाई।

मरकुस 13:34

(हाँव ईथे ऐक अनाँणों लिख्णों चहाँऊ, के आदमी के बैटे के आँवणीं केष्णी हंदे) ऐक आदमी थिया, से ओकी देशो प्रदेश खे ज़ादा लागा थिया, तबे तिन्ऐ जाँदी बई आप्णो घर छुड़ी दितो, अरह् तेथू तिन्ऐ आप्णें दास के अधीन करी दिता: अरह् ऐकी नाँम खे तेस्की टअल संम्झाऐ दिती, अरह् देऊँल़ी के जगवाल़े खे बीऊँजी रंहणों के अज्ञाँ दिती।

मरकुस 13:37

अरह् जुण्जों मुँऐ तुँओं खे बुली लो, सेजो ही हाँव सोभी खे बुलू के “बीऊँजी रंह्।”

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

प्रेरितो कै काम 21:8

दुज़े के आँमें तेथै शे हाडियों कैसरिया दे पंह्ईचें, अरह् तबे आँमें फिलिप्पुस खुषख्बरी देणों वाल़े के घरह् दे हुटे, अरह् तैथी रूऐ, अरह् से “सात्ती सेवकों” मुझ्षा ऐक सेवक थिया;

रोमियों 15:19

अरह् चींन-निशाँणी अरह् बड़े काँम-काज़ की शक्त्ति शी अरह् पबित्र-आत्त्मा की शक्त्ति शी मेरे जाँणें करी; ऐतै ज़ूगी के मुँऐ यरूशलेम शी ऊँडी चौऊँँ ढबे इल्लुरिकुम तोड़ी मसीया की खुषख्बरी का पुरा-पुरा प्रचार करा।

इफिसियों 4:11

तिन्ऐं कईयों तअ प्रभू यीशू के खास-चैले च़ूणें-छ़ाँटे; अरह् कंऐ लोग ऋषी बंणाँऐ, अरह् किऐ खुषख्बरी शुँणाँणों वाल़े बंणाऐं; अरह् कोसी लोग कलीसिया के रंखवाल़े बाँणें, अरह् कोसी खे शिक्क्षा देणों का बरंदाँण दिता।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

कुलुस्सियों 1:25

ईयों ही कलीसिया की ताँईऐ हाँव तुओं खे पंण्मिश्वर के जाणें दिती गंऐ, सेवा खे सेवक च़ूणाँ-छ़ाँटा गुवा, के हाँव पंण्मिश्वर की अज्ञाँ का ठीक ढंग शा बचन का प्रचार करूँ।

कुलुस्सियों 4:17

अरह् भाई-अर्खिप्पुस खे बुले के जू सेवा प्रभू दी ताँवखे देऐ थऐ, तियों च़ौक्क्षशाई शी पुरी करे।

1 थिस्सलुनीकियों 5:6

ईन्देंखे आँमें ओकी जैष्णें सुत्ते अंदे ने रंह्, परह् बीऊँजी अरह् संकने रंह्।

1 तीमुथियुस 4:12

कुँऐ भे तेरी जुवाँनी छ़ुटी ने जाँणों, परह् बचन, अरह् चाल-चल्ण, अरह् प्यार, अरह् बिश्वाष, अरह् पबित्रत्ता, दा बादे बिश्वाषी भाई-बंईणों खे ऐक आच्छ़ा-नंमुँना बंणी ज़ाऐ।

1 तीमुथियुस 4:15

ईनू ही अज्ञाँयों गाशी खास-ध्याँन दिऐ, अरह् ईन्दी ही लींन-मंगन हंऐ ज़ाऐ; के तेरी बड़ोत्री सोभी लोगों गाशी पर्गट हंऐ ज़ाँव;

2 तीमुथियुस 1:8

ईन्देंखे अमाँरे प्रभू के गुवाऐ-शाज़्त्त शे, अरह् मुँह शी जू तिनका कय्दी असो; सरमाऐं ने, परह् तेसी पंण्मिश्वर की शक्त्ति के मुँताबिक शी खुषख्बरी खे मेरी गईलो दु:ख्ह भोगणों खे मेरी गंईलो शामिल हऐ ज़ाव।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

2 तीमुथियुस 2:3

मसीया यीशू के आछे ज़ूद्धै के जेष्णाँ मेरी गईलो दु:ख्ह भोग।

2 तीमुथियुस 4:17

परह् प्रभू मेरे मंद्दत्तगार रूऐ, अरह् मुँखें शँक्त्ति दिती, जू मेरी जाँणें खुषख्बरी का पुरा-पुरा प्रचार हों, अरह् बादे गऐर यहूदी लोग शुँणीं पाँव; अरह मुँह सीयों के ज़ात्ती शा जिया छ़ुडाया गुवा।

इब्रानियों 13:17

आप्णे अगुऐ के अज्ञाँ माँनों, अरह् तिनके बष दे रंह्, किन्देंखे के से तिनके जैष्णें तुवाँरे पराँणों खे बीऊँजी रंह्, जैष्णें के तिनकी ताँईऐं जिनू आप्णा लेखा-ज़ोखा देणा पड़ो, तिनकी अज्ञाँ माँनों जिन्दे लई तिनखे आँनन्द-खुशी भेटो, ऐशो ने के से तिनखे बोझ़ बंणों। किन्देंखे के तिन्दे लई तुँवारी किऐ भलाऐ ने हंदी।

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

प्रकाशितवाक्य 3:2

शुझ़ी दा आ, अरह् तिनू चींजो जू ऊकी रंऐ रंई अरह् जू खंत्त्म हंदी, तिनू पाक्की-अट्ल़ करह्; किन्देंखे के मुँऐं तेरे कुँण्जे ही काँम-काज़ पंण्मिश्वर की नंजीक पुरे हुऐ अंदे ने देखी।