2 तीमुथियुस 2:7 - Sirmouri

⁷ जुण्जों किऐ हाँव ताँव्खे बुलू, तिन्दे का ख्याल करह्; अरह् प्रभू ताँव्खे बादी बातो की संह्म्झ देला।

सिरमौरी नौवाँ नियम

⁷ सुंच कै ऐजै उदारण का शिखांव, औरौ प्रभु तुऔं कै इनु सौबी बातौ कै सौमझणौ दै मौदद कौरदा।

2 तीमुथियुस 2:7 Iomraidhean Croise

लूका 21:15

किन्देंखे के हाँव तुँओं खे ऐशो बुलू, के हाँव तुँओं खे ऐशा बोल, अरह् ज्ञाँन-बुद्धी देऊँबा के तुवाँरा बिरूध कर्णों वाल़ा; भे तुवाँरा किऐ बिरूध ने करी सको।

लूका 24:45

तबे प्रभू यीशू ऐ तिनू चैले के ज्ञान-बुद्धी खोली दिती, के ऐ पबित्र-ग्रन्थ संहम्झी पाँव।

लूका 9:44

“तुँऐं लोग ऐजी बात काँन लाऐयों शुणों! आदमी का बैटा आदमी के हाथै थंम्बड़ाया ज़ाँदा।”

यूहन्ना 14:26

परह् ‘मद्त्तगार’ मतल्व पबित्र-आत्त्मा, जियों बाबा मेरे नाँव शी डेयाल़्दा; से तुँओं कैई शी बादी सब-कुछ़ बातो शिखाली, अरह् जुण्जो किऐ मुँऐं तुओं कैई बुली थो, सेजो से तुओं कैई शो चींत्ते-मंने कराली।

यूहन्ना 16:13

जबे सेजा मंद्त्तगार, मतल्व सच्चाई की आत्त्माँ आली; तअ से पुरी सच्चाई दी, तुओं खे बाट लाँह्दी; से आप्णीं तरफ़ शो किऐ ने बुल्दी, परह् से सेजो ही बुल्दी; जुण्जो से शुँण्ली, से तुवाँरी ताँईऐ आँणों वाल़ी घट्णाँ पर्गट कंरियों तुवाँरे संहाँम्णें आँण्लीं।

प्रेरितो कै काम 7:10

पंण्मिश्वर ऐं तेसी यूसुफ़ बादे दुख्ह-कल़ेष शा छ़ुड़ाया, अरह् तेसी मिस्र देश के राजा फिरोंन की नंजरी दा प्यारा अरह् बुद्धी माँन बाँणी दिता; अरह् तेसी ही यूसुफ़, राजा फिरोंन ऐं आप्णें बादे राजभवन का मुँख्या अ-धिकारी बंणाँऐ दिता।

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

कुलुस्सियों 1:9

ईन्देंखे जेसी देसो शुभों आँमें ऐजो शुँणी थुओ, तेसी देसो शुँभे आँमें भे तुँओ खेे ऐजी प्रार्थना अरह् बिन्त्ती कर्णी ने छुड़्दे, के तुँऐं बादे आत्त्मिक ज्ञाँन अरह् सम्झ लई पंण्मिश्वर के हिछ़या के पछ़याँण दे डटे अंदे, अरह् भर-पुर हंऐ ज़ाव।

1 तीमुथियुस 4:15

ईनू ही अज्ञाँयों गाशी खास-ध्याँन दिऐ, अरह् ईन्दी ही लींन-मंगन हंऐ ज़ाऐ; के तेरी बड़ोत्री सोभी लोगों गाशी पर्गट हंऐ ज़ाँव;

2 तीमुथियुस 2:6

परह् जुण्जा कुँऐ जिम्दार मेंह्नत्त-कष्ट करह्, तेसी आगली शाख्हों का हिस्सा आगे ही भेटा चेंई।

2 तीमुथियुस 2:8

प्रभू यीशू मसीया चींत्ते थुऐ, जू दाऊद के वंष दे पय्दा हुऐ, अरह् मँरे अँदे मुँझ्शे ऊबे जीऐ; अरह् ऐजो मेरी खुषख्बरी के मुँताबिक असो।

इब्रानियों 12:3

कंद्दी ऐशो ने हंईयों के तुऐ लोग निंराष-दुखी हंऐयों आप्णीं हिमम्त्त ने हारी ज़ाँव, ईन्देखे तुऐं तिनू याद कर्दे रूऐ, जिन्ऐं पापियों का ऐत्रा घोर बिरोध संह्ऐन करा।

इब्रानियों 13:7

जू तुवाँरें अगवाँल़ थिऐ, अरह् जिन्ऐं तुँओं कैई शा पंण्मिश्वर का बचन शुणाँया, तिनू चित्ते थुऐं, तिनकी जीवन के रित्त के नतिजे गाशी बिचार करह्; अरह् तिनके जिया बिश्वाष कर्णो के कोशिष करह्।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 7:4

ऐबे ईन्दें गाशी बिचार करह्, के से केष्णाँ बड़ा आदमी थिया, जैस्खे अमाँरे कुल़-पिता अब्राहम ऐ ज़ौद्धों दी जीत्ती अंदी सोभीं शी आच्छ़ी चीजों का दंशवा-भाग भेंट करा!

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

याकूब 3:15

ऐजा ज्ञाँन स्वर्गो के ईश्वर का ने परह् संईसारिक, सभाव अरह् दुष्ट-आत्त्मा शैतान का हों।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।