2 तीमुथियुस 1:9 - Sirmouri

⁹ जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

सिरमौरी नौवाँ नियम

⁹ जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

2 तीमुथियुस 1:9 Iomraidhean Croise

मत्ती 1:21

तियाँरे बैटा हंदा, अरह् तू तेस्को नाँव यीशू थुऐ, किन्देंखे के से आप्णें लोगो खे तिनके पापो शी छुट्कारा दियादा।”

लूका 10:21

तैख्णी प्रभू यीशू पबित्र-आत्त्मा की खुशी शे भरपुर हऐयों बुलो; “हे पिता! स्वर्ग अरह् धर्त्ती के प्रभू! हाँव तुवाँरी प्रार्थना करू, किन्देंखे के तुऐं ऐजी बात्तो ज्ञाँनियों, अरह् बुद्धीमाँनों शी चुप्पी थंई; परह् नहाँन्ड़िया गाशी पर्गट कअरी; होर, पिता, तुओं ऐजो ही आच्छ़ो लागो।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

यूहन्ना 17:9

“मेरी तुओं कैई शी बिनत्ती-प्रार्थना संईसारी की ताँईऐ ने आथी, परह् तिनू लोगों की ताँईऐं जुण्जे तुवाँरे असो; अरह् जिनू लोग तुऐं आपु मुँह कैई देऐ थुऐ।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

प्रेरितो कै काम 15:18

ऐजी सेजी ही प्रभू! की धाव असो; जुण्जी ज़ूगौ शुभी ईन बातो पर्गट कर्दे आऐ रूऐ।

प्रेरितो कै काम 2:47

सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

रोमियों 11:14

जू हाँव केशे ही दाँई, आप्णें कुड़्बे के इस्राएली लोगो दी जल़्ण-डाह् पय्दा कराऐयों, तिनू मुँझ्शा कोसी ऐकी का तअ मुँक्त्ति कराऐ सँकू।

रोमियों 11:29

किन्देंखे के पंणमिश्वर का बर्दांण अरह् बईदे अंदें अट्ल़ असो।

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

रोमियों 3:20

किन्देंखे के ऋषी-मूसा खे भेटे गुऐं निय्म के पाल़्ण कर्णो शे कुँऐं भे आदमी पंणमिश्वर की नंजरी दा बै-कसूर ने बंणी सक्दा। ईन्देखे के निय्म के जाँणें पाप की पह्‌छ़याण हों।

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

1 कुरिन्थियों 1:18

किन्देंखे के मसीया के शुँल़ी-फ़ाँशी के बल़ी-कुरबाँणीं की खबर नष्ट हंणों वाल़े लोग बैकार जाँणों, परह् आँमों मुँक्त्ति पाणों वाल़े खे पंणमिश्वर के शक्त्ति असो।

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

इफिसियों 2:5

अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

इफिसियों 3:11

पंण्मिश्वर ज़ूगौ-ज़ूगौ शा जू मतल्व आप्णें मंन दा जुण्जा पलान करी थुवा थिया, तिन्ऐ सेजा मतल्व अमाँरे प्रभू यीशू मसीया के जाँणें पुरा करा।

फिलिप्पियों 3:14

अरह् नीशाँणें के ढबे दोऊँड़दा ज़ाँऊ, जू सेजा ईनाँम पाऊँ, जिन्दे की ताँईऐं पंण्मिश्वर मुँह मसीया यीशू दा ऊँबा बय्दी थुवा।

1 थिस्सलुनीकियों 4:7

किन्देंखे के पंण्मिश्वर आँमों बिचकै हणों खे ने, परह् पबित्र हंणों खे बय्दी थुऐ।

1 तीमुथियुस 1:1

संत्त-पौलुस के ढबे शा, जू अमाँरे मुँक्त्ति देणों वाल़े पंण्मिश्वर, अरह् अमाँरे भुर्षें के मुँताबिक शा मसीया यीशू की अज्ञाँ शा खास-चैला बंणी रूआ,

2 तीमुथियुस 1:1

पौलुस के ढबे शे जू, मसीया यीशू दा तेसी जीवन के बाय्दे के मुँताबिक, पंण्मिश्वर की हिछ़या के कारण प्रभू यीशू मसीया का खास-चैला असो,

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

1 पतरस 1:20

ईयों संईसारी की सृष्टी शा आगे ही तिनू चूणी-छाँटी थुऐ थिऐ, परह् तुँओं लोगो की ताँईऐं तिनू ईनू आखरी के देसो दे पर्गट करे गुऐ।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 17:8

जुण्जों बुँणेंर तुँऐं देखो, से आगे तअ थियों, परह् ऐबे ने से आथी, अरह् अथाह् कुँड शो नीक्ल़ियों नाँष दो पड़्दो, अरह् धर्ती दे रंहणों वाल़े जिनके नाँव संईसारी की उत्पत्ति के बख्त्तो शे जीवन की कताबे दे लिखी ने थई, से ऐथू बुँणेंर की ऐजी दंषा देखियों, के आगे थियों अरह् ऐबे ने आथी, अरह् से हजो आँदों, तबे तिनके तोरबाँण च़ूट्दे।