2 तीमुथियुस 1:12 - Sirmouri

¹² ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।

सिरमौरी नौवाँ नियम

¹² औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

2 तीमुथियुस 1:12 Iomraidhean Croise

मत्ती 12:21

अरह् गऐर यहूदी लोग तिनके नाँव गाशी भूर्षा थह्ले।”

मत्ती 24:36

“तेसी देसे अरह् तेसी बख्त्ते के बारे दो कुँऐं ने जाँण्दा, ना स्वर्गदूत्त अरह् ना बैटा, परह् सिर्फ स्वर्गो के पिता कैई ही ईन्दें का पता असो।

मत्ती 7:22

तेसी देसे बख्त्ते बेजाऐ भहीते लोग मुँखे बुल्दे, के ‘हे प्रभू, हे प्रभू कियों आँमें तुवाँरें नाँव शी पंणमिश्वर की बरंम्बाणीं करीने थई, अरह् तुँवारी नाँव शी दुष्ट-आत्त्मा निकाल़ी ने थई, अरह् तुँवारे नाँव शे चींन-चंम्त्तकार करीने थई?’

लूका 10:12

हाँव तुँओं खे ऐजो बुलू: के तैसी देसे तैसी नंगर के दषा सदोम की दषा शी भे जादा अ-सह्ऐन होंदी।

लूका 23:46

अरह् प्रभू यीशू ऐ जुराल़ी लेंरंह् मारियों बुलो, “हे परंम-पिता! हाँव आप्णी आत्त्मा तुवाँरे हाथो दे देऐ देऊँ;” अरह् तिन्ऐं ऐजो बुलियों आप्णें पराँण छ़ुड़ी दिते।

यूहन्ना 17:15

हाँव तुओं शी ऐजी प्रार्थना-बिनत्ती ने करदा, के तुऐं तिनू लोग ईयों संईसारी शे ऊँबे थागो; परह् ऐजी प्रार्थना-बिनत्ती करू, के तुऐं ईनू लोग तेसी दुष्ट-शैतान शे बंचाऐयों थुऐ।

यूहन्ना 6:44

कुँऐं मुँह कैई ने आऐ सक्दा, जाँव तोड़ी के बाबा, जिन्ऐं मुँह डेयाल़ी थुवा, से तेसी आदमी खींचियों ने आँणों; अरह् हाँव तेसी आदमी आखरी के देसे हजो ऊँबा जीऊँदा करूबा।

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 13:50

परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

प्रेरितो कै काम 21:13

ईन्दे गाशी संत्त-पौलुस ऐ जबाब दिता, “तुँऐं लोगे तअ रूऐ-रूऐयों मेरा दिल च़ूड़ी लुवा, अरह् ऐजो बुलियों? हाँव प्रभू यीशू के नाँव के कारण यरूशलेम दा बाँनणों शा ने, परह् मंर्णो खे बे तैयार असो।”

प्रेरितो कै काम 7:59

जबे तिनू लोगें ऐ स्तिफ़नुस दे पात्त्थर लाऐ लुऐ थिऐ, तअ तेने ऐजी प्रार्थना करी, “हे प्रभू यीशू! मेरी आत्त्मा धारंण करह्!”

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 9:33

जेष्णों पबित्र-ग्रन्थों दो लिखी थो, “दे:खो, हाँव सिय्योन दा ऐक ढैस-ढैस-ठोकर लागणों वाल़ा पाथर, अरह् ढैस-ढैस-ठोकर लागणों वाल़ी कंऐड़ थंऊँ, अरह् जू तेस गाशी बिश्वाष करला तेस्की कंद्दी बैस्ती ने हंदी।”

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

1 कुरिन्थियों 3:13

तअ ऐकी नाँमों की काँम-काज़ का पत्ता लागदा; किन्देंखे के सेजो देस तेस्खे बुल्दो ऐ, ईन्देंखे के सेजो देस आगी आरी पर्गट होंदो, अरह् सेजी आग ऐकी नाँमों की काँम-काज़ के जाँच परख कर्दी के कैष्णी असो।

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

फिलिप्पियों 3:21

से आप्णी शक्त्ति के तेसी असर के मुँताबिक शे जिन्दे के जाँणें, से बादी चींजो आप्णी बंष दी करी सको; अमाँरी नाँष बाँन देह्-शरीर का रूप बद्ल़ियों, आप्णी बड़ियाऐ की देह्-शरीर के जैष्णें बंणाऐं देंदे।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

1 थिस्सलुनीकियों 2:16

अरह् से गऐर यहूदी खे खुषख्बरी की बातो शुँणाँणों शे आँमों रूकी दियों, जू तिनू लोगो खे मुँक्त्ति ने भेंटो, अरह् सदा तिनके पाप का घह्ड़ा भरा अंदा रंह्; अरह् तिनू गाशी पंण्मिश्वर का भयानक कोप-कुरूध आऐ पंईचा।

1 थिस्सलुनीकियों 5:4

परह् हे भाईयों, तुँऐं तअ ईनाँरे दे आथी ने, के सेजे देसो तुँओं गाशी चोर जैष्णें पड़ले।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 1:14

पबित्र-आत्त्मा के कारण, जिनका आँमों दा बास असो, तियों पबित्र-आत्त्मा की मंद्दत्त शी जुण्जी अंनमोंल खुष्खबरी तुओं कैई देऐ थंऐ, तिन्दें की आच्छ़ी रंख्वाल़ी करे।

2 तीमुथियुस 1:16

भाई-उनेसिफुरूस के घराने गाशी प्रभू दया-रंय्म करह्, किन्देंखे के तेने कई बई मेरे जीयों दी शैल़ाऐ पाड़ी थऐ, किन्देंखे के से मुँह्दा तबे भे सरमाई ने जबे हाँव कय्दी दा थिया।

2 तीमुथियुस 1:18

(प्रभू ऐशो करह्, के तेसी देसे तेसी गाशी दया-रंय्म हों)। अरह् जुण्जी-जुण्जी सेवा तेने इफिसुस दी करी, तियों भे तू आच्छ़ी ढंग शी जाँणें।

2 तीमुथियुस 1:8

ईन्देंखे अमाँरे प्रभू के गुवाऐ-शाज़्त्त शे, अरह् मुँह शी जू तिनका कय्दी असो; सरमाऐं ने, परह् तेसी पंण्मिश्वर की शक्त्ति के मुँताबिक शी खुषख्बरी खे मेरी गईलो दु:ख्ह भोगणों खे मेरी गंईलो शामिल हऐ ज़ाव।

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 2:18

किन्देंखे के जबे तिनू परख-अजमाँणों के दषा दा दु:ख्ह भुगणा पड़ा, तअ से तिनकी भी मंद्दत्त करी सको, जिनकी परख-अजमाँऐष हों।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

1 पतरस 1:5

जुण्जा बिश्वाष के जाँणें पंणमिश्वर की शक्त्ति, लई ज़ूगौ के आखरी दा पर्गट होंणों खे छुट्कारे खे सुवाँ करियों थऐ थुवा स्वर्गो दा।

1 पतरस 4:16

परह् जे कोसी खे मसीही हंणों के कारण दु:ख भोग्णा पड़ो, तअ से सरमाँव ने, परह् से पंण्मिश्वर की बड़ियाऐ खे ऐसी नाँव धारण करह्;

1 पतरस 4:19

ईन्देंखे जू पंणमिश्वर के हिछ़या के मुताबिक दु:ख भूगौ, से भलाऐ कर्दे आप्णे-आप्णे आत्त्मा विश्वाष ज़ूगे पय्दा कर्णो वाल़े के हाथो दे देऐ दियों।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,