1 तीमुथियुस 6:2 - Sirmouri

² अरह् जिनके माँलिक बिश्वाषी असो, से भे आप्णें माँलिक के बैस्त्ती ने करह्; के ऐबे तअ मेरा माँलिक भे मुँह जेष्णाँ बिश्वाषी असो, परह् से ऐबे तअ तिनकी सेंवा हंजों भे बैगेही मंन लाऐयों करह्; किन्देंखे के तिन्ऐं जियों सेवा का फ़ाऐदा लंऐ लुवा, से आपु मुँझ़ी बिश्वाषी अरह् प्यारे साथी असो, ईनही बातो का तिनखे भाष्ण देऐया करह्, अरह् तिनू संहम्झ़ाँदा रंह्।

सिरमौरी नौवाँ नियम

² औरौ जिनकै मालिक बिशवाशी औसौ, सैजै गुलाम आपणै मालिको का आदर कौरौ, इनु सै मसीह दै भाई सौमझौ, पौरौ हौजौ आछै तरीकै शै तिनकै सेवा कौरणै चैंई, जिथुकै तिनकै काम का फायदा उठाणौ वाल़ै बिशवाशी औसौ जिनु सै मसीह दै भाई जैशणै प्यार कौरौ तू इनु बातौ कै शिक्षा औरौ उपदैश दैया कौर।

1 तीमुथियुस 6:2 Iomraidhean Croise

मत्ती 23:8

परह् तुँऐं आपु खे गुरू ने बणें, किन्देखे के तुवाँरा गुरू सिर्फ ऐक ही असो, अरह् तुँऐं बादे आपु मुँजी भाऐ ही भाऐ असो।

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 6:24

“कुँऐं आदमी दू: मालिक-स्वामी की सेवा ने करी सक्दा, किन्देखे के से ऐकी आरी बईर अरह् ओकी आरी पियार करदा, ऐकी आरी मीलियों रंह्दा, अरह् ओकी से छुटा जाँण्ल़ा। तुँऐं पंणमिश्वर अरह् धंन दुई की सेवा ने करी सक्दे।

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

रोमियों 11:17

जे किऐं डाल़ी च़ूड़ियों ज़ई करी थंई, अरह् तुँऐं लोग जू बाड़ूई तेरमोंल़ी जेष्णें असो, अरह् जे तुँवारी तिनू डाल़ी के जागें दी कलंम लाईली, जू तुँऐं भे तेरमोंल़ी के पाचै तेरमोंल़ों के हिस्सेदार बंणों।

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

इफिसियों 1:15

प्रभू यीशू गाशी तुवाँरा बिश्वाष अरह् सोभी भगत्तो के बारे दा तुवाँरे प्यार के बारे दो शुँणी थुओ, हाँव तुवाँरे जाँणें पंण्मिश्वर का धन्बाद देदा रंऊँ;

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

कुलुस्सियों 1:2

सेजे पबित्र भाऐ, बईणों जू मसीया गाशी बिश्वाष करियों कुलुस्से नंगर दे रंह् थिऐ, तिनखे अमाँरे पिता पंण्मिश्वर की ढबे शी कृपा, अरह् शान्त्ति भेट्दी रंह्।

कुलुस्सियों 1:4

किन्देंखे के आँमें मसीया यीशू गाशी तुँवारा बिश्वाष अरह् पंण्मिश्वर के बादे पबित्र लोगो खे तुवाँरे प्यार के बारे दो शुँणी थुओ;

कुलुस्सियों 4:1

हे माँलिकों, आप्णे-आप्णे दास की गईलो नियाँव अरह् ठीक-ठीक बर्ताव करह्; ऐजो सम्झियों के स्वर्ग दा तुँवाँरा भी ऐक माँलिक असो।

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

1 तीमुथियुस 4:11

ईनू बादी बातो के अज्ञाँ दे, अरह् ईन्दी के बारे दे शिक्क्षा ऐजी ही असो।

1 तीमुथियुस 5:1

कोसी बुड़ा-खाड़ा ने फिट्के, परह् तेसी आप्णा बाबा जिया जाँणियों सम्झाऐ दे, अरह् आपु शे कंम ऊँमर के लोग भे आप्णें भाऐ जिऐ जाँणें;

तीतुस 2:1

परह् तू ऐशी बातो बुलिया करह्, जू आच्छ़ी शिक्क्षा ज़ूगी हों।

तीतुस 2:15

आप्णें बादे हंकधिकार आरी ऐजी बातो बुल, अरह् सम्झा, अरह् शिखाँदा रंह्। जिन्दें लंई कुँऐं ताँव्खे छोटा ने जाँणों।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

2 पतरस 2:10

खास करियों तिनू जू अ-शुद्ध बुरी हिछ़यों पाछ़ी देह्-शरीर के मुँताबिक चाल्दे हंक-अधिकार भे बैकार जाँणों; से ढीठ, अरह् हठावणें असो, अरह् ऊँचे पद्-भार वाल़े, लोगों खे बुरो-भलो बुल्णों दे डर्दे ने,

यहूदा 1:8

तबे भे ऐजे सूईणें दे:ख्णों वाल़े, आप्णी-आप्णी देह्-शरीर अ-शुद्ध करह्, अरह् हंक-अधिकार बैकार छुटा जाँणों, अरह् बड़े पद् वाल़े लोगो खे बुरो-भलो बुलो।