1 तीमुथियुस 5:6 - Sirmouri

⁶ परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

सिरमौरी नौवाँ नियम

⁶ सैजी विधवाएं जू आपणा सारा सौमय सुख-विलास दै बितांव, सै शोरीर शै तौ जियुंदी औसौ पौरौ आत्मिक रुप शै मौरेयौंदी औसौ।

1 तीमुथियुस 5:6 Iomraidhean Croise

मत्ती 8:22

प्रभू यीशू ऐ तेस्खे बुलो, “तू मुँह पाछी आ, अरह् मुँड़्दे आप्णें मुँड़्दे दाबणों दे।”

लूका 12:19

अरह् तबे हाँव आपु आप्खें बुलूबा, के ऐबे ‘मुँह कैई कंई सालह् खे आच्छ़ी चीजो कंठी असो; ऐबे हाँव बिषाँव करूबा! अरह् खाँऊबा, पीऊँबा; अरह् आनन्द-मंज्जै करूबा!’

लूका 15:13

परह् थोड़े देसो बित्त्णों गाशी तेने काँण्छ़े बैटे ऐं आप्णी बादी संम्पत्ति कंठी करियों बिकी दिती, अरह् आपु तेथै शा दुर देश खे हुटा; अरह् तेथै तेने आप्णी संम्पत्ति शो भेटो अंदो बादो धंन चुरी-जारी दो ऊड़ाऐ दितो।

लूका 15:24

किन्देंखे के मेरा ऐजा बैटा मंरी जिया रूवा थिया, ऐ पाऐ रूवा थिया; परह् ऐबे हजो पाछू भेटी गुवा, अरह् से आँनन्द-खुशी मंनाँदे लागें।’

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

लूका 16:19

“ऐक सैठ आदमी थिया, जू आछे मंख्मल के खोट्णों बाँम्बो थिया; जू रोज सुख्ह-बिलास दा अरह् ठाट-बाट आरी जीयों थिया।

लूका 7:25

तअ तबे का दे:ख्दे हुटे? कियों आछे नंरम बड़िया खोटुणो बाँम्बे अंदें आदमी दे:ख्दे हुटे? ‘ना’! मोह्गै भड़किले खोट्णों बाँम्णों वाल़े अरह् भोग-बिलास दा जीवन बिताणों वाल़े लोग महलो दे रंह्।

इफिसियों 2:1

ऐक बख्त थिया, जबे तुऐ लोग अपराध अरह् पापो के जाँणें आत्त्मिक रूप शे मँरे अँदे थिऐं

इफिसियों 2:5

अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

कुलुस्सियों 2:13

पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते।

2 तीमुथियुस 3:6

ईन्ही ही लोगो मुँझ़ी सेजे भे लोग हंदें, जुण्जें के ओकी के घरह् दे चुर्ड़िऐ घुसरियों आँव, अरह् तेसी घरह् की चंचल तिरंई ठंगियों आप्णें बंष दी करह्; जुण्जी तिरंई पाप दी पंड़ी अंदी, अरह् कंई किस्मं की हिछ़याओं की बंष दी फ़ंषी अंदी हों।

याकूब 5:5

संईसारी धर्ती गाशी तुवाँरा जीवन बैजाऐ सुखी-आँनन्द थिया, अरह् तुँवारा दिल भे देह्-शरीर की हिछ़या शा भरा अंदा थिया, जिन्दें लई तुँऐं मुँटे-ताजे हंऐ रूऐ थिऐ, जेष्णें बाड़े के भात्ती मुँटियों।

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।

प्रकाशितवाक्य 3:1

“सरदीस नंगर की कलीसिया के दूत्त खे ऐजो लिख: “जेस कैई पंण्मिश्वर की सात्त आत्त्मा अरह् सात्त तारे असो, से ऐजो बुलो के हाँव तेरे काँम-काज़ जाँणू ऐ: ताँव्खे जीऊँदा तअ बुली ऐ, परह् तू असो ऐ मँरा अँदा।