1 तीमुथियुस 4:4 - Sirmouri

⁴ किन्देंखे के पंण्मिश्वर की रंची-बणाँई अंदी बादी ऐक नाँम चीज शुद्ध असो, ऐक चीज भे छुड़णों ज़ूगी आथी ने; परह् ऐजो जरूरी असो, के बादी चींजो पंण्मिश्वर का धन्यबाद करियों खाई ज़ाँव।

सिरमौरी नौवाँ नियम

⁴ जिथुकै पौरमेशवर कै बाणैयौंदे हरेक चीज़ आछै औसौ, औरौ हर भान्त कौ खाणौं खाणौ कै लायक औसौ। पौरौ ऐजौ पौरमेशवर खै धन्यवाद दैयौ खाणौ चैंई;

1 तीमुथियुस 4:4 Iomraidhean Croise

प्रेरितो कै काम 10:15

तबे सेजी धाव दुज़ाल़िऐं हजो शुँणाँई पड़ी, के “पंण्मिश्वर ऐ जिन्दें खे शुद्ध हंणों, के घोष्णा करी थंऐ; तिन्देंखे तुऐ कंद्दी भे अ-शुद्ध ने बुले।”

प्रेरितो कै काम 15:29

तुँऐं लोग मुर्त्तियों गाशी बल़ी चड़ाऐ अंदो माँस शे, अरह् लह्ऊँ के खाँन-पान शे, अरह् गल़ा घूटै अंदे बंईच़ियों के माँस शे, अरह् च़ूरी-जारी शा परेज करे; अरह् ईन्दें शे आपु बंचियों रंहणों शा तुवाँरा कल्याँण असो; ‘तुवाँरा भला हों’।”

प्रेरितो कै काम 21:25

परह् तिनू गऐर यहूदियों के बारे दो, जिन्ऐ बिश्वाष करी थुवा; तिनखे आँमें ऐजी पत्री लीखियों, तिनखे आप्णाँ फंऐस्ला भे डेयाल़ी थुवा; के मुँर्तियों गाशी चड़ाऐ अंदे माँस शे, अरह् लंह्ऊँ के खाणों शे, अरह् गल़ा-घोट्टे-हलाल के बईच़ीं के माँस शे, अरह् चूरी-जारी शे बंचियों रूऐ; परह् ईन्दें शे दुर्के ही रूऐ।”

रोमियों 14:14

हाँव जाँणू ऐ, अरह् प्रभू यीशू दा मेरे पाक्का बिश्वाष हऐ रूवा, के कुँऐं भे चींज आपु आपु शी अ-शुद्ध ने आथी, परह् जुण्जा तियों च़ीज अ-शुद्ध जाँणों तेस्खे सेजी च़ीज जरूर अ-शुद्ध असो।

रोमियों 14:20

भोजन की ताँईऐं पंणमिश्वर का काँम-काज़ ने बिगाड़े, ऐजो साचो असो के सब-कुछ आपु आपु दो शुद्ध असो; परह् भोजन के कारण ओकी के बाटो का रोड़ा रूकावट ने बंणें, ऐजी बुरी बात असो।

रोमियों 14:6

अरह् जुण्जा कुँऐं आदमी कोसी देस आछ़ो माँनों, से प्रभू खे माँनों। अरह् जुण्जा किऐ खाँव ऐ, से भे प्रभू खे खाँव, किन्देंखे के से पंणमिश्वर का धन्यबाद करह्, अरह् जुण्जा किऐ खाँदा ने, से भे प्रभू खे ने खाँदा अरह् प्रभू का धन्यबाद करह्।

1 कुरिन्थियों 10:23

बादी चींजो मुँखे ठीक असो, परह् बादी चींजो मेरे फाय्दे की ने आथी: बादी चींजो मुँखे ठीक असो, परह् बादी चींजो लई बड़ोत्री ने हंदी।

1 कुरिन्थियों 10:25

जुण्जो किऐ कषाई के माँर्किटो दो बिको ज़ाँव, तेथू खाव अरह् आछे बिचार के जाँणें किऐं ने पुच्छै?

1 कुरिन्थियों 10:26

“किन्देंखे के धर्त्ती अरह् जुण्जो किऐ धर्त्ती गाशी असो, सेजो बादो प्रभू को ही असो।”

1 कुरिन्थियों 10:30

जे हाँव प्रभू का धन्यबाद करियों तेसी भोजन करदा शामिल हंऊँ, तअ मुँह तिन्दा दूषी-कसूरबार कैई बाँणा ज़ाँव; किन्देंखे के जेसी खाँणें खे मुँऐं पंणमिश्वर का धन्यबाद पर्गट करी थुवा?

1 तीमुथियुस 4:3

से तुँओं सोभी लोगो खे ऐजी मंत्त-शिख्ह देंदे, के तुँऐं जाज्ड़े ने बाँणें, अरह् किऐ खाँणों-पिणों की चींजो भे छाँट्दे के तुँऐं ईनू भे ने खाऐ, किन्देंखे के पंण्मिश्वर ऐ बादी खाँणों की चींजो खाँणों खे ही बाँणीं थई, ईन्देंखे के बिश्वाषी अरह् संच्चाई की पछ़याण कर्णो वाल़े ईनू चींजो खे धन्यबाद देऐयों खाँव।