1 तीमुथियुस 3:1 - Sirmouri

¹ ऐजी बात साची असो, के जे कुँऐं आदमी अंधिकारी पंद्-भार लंणों के हिछया कंरह्, ऐजी ऐक आच्छें काँम की हिछ़या असो,

सिरमौरी नौवाँ नियम

¹ ऐजै कहावत साची औसौ कै जू कलीसिया का अगुवा हौणा चांव, तौ सै आछै कामौ कै इछा कौरौ।

1 तीमुथियुस 3:1 Iomraidhean Croise

लूका 15:10

हाँव तुओं खे बुलू, के ऐष्णें पंण्मिश्वर के दूत्त भे तैसी पापी खे खुशी मंनाँदे; जुण्जा मंन बद्ल़ियों पसतावा करह्।”

प्रेरितो कै काम 1:20

भजन संहिता दो लिखी थो, के तेस्को घरह् घोराच़ रंह्लो, अरह् तिदा कुँऐं ने बसो; अरह् तेस्का पद्-भार कुँऐ ओका लंह्दा।

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

रोमियों 11:13

मुँह तुँओं गऐर यहूदी लोगो खे पंणमिश्वर की खुषख्बरी देंदा प्रभू यीशू ऐ डियाल़ी थुवा; तअ हाँव आप्णी सेवा की बड़ियाऐं करू,

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

फिलिप्पियों 1:1

मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

1 थिस्सलुनीकियों 5:14

हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

1 तीमुथियुस 4:9

ऐजी बात साच्ची, अरह् हर ढंग शी माँनणों ज़ूगी असो।

2 तीमुथियुस 2:11

ऐजी बात साच्ची असो, के जे आँमें तिनकी गईलो मँरी रूऐ, तअ तिनू आरी आँमें पाछु ऊँबे जीऊँदे भे हंदे;

तीतुस 1:7

किन्देंखे के कलीसिया के देख्ह-रेख्ह कर्णो वाल़ा, जेस कैई पंण्मिश्वर के काँम-काज़ देऐ थुऐ, से बै-कसूर हुआ चेंई; ना हठाव्णा, ना झुकी, ना पिय्कड़, ना झोकड़ू, ना मारपीट कर्णो वाल़ा, अरह् ना नींच कमाई का लाल़्चीं हों,

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 12:15

ईयों बातो का ख्याल थुऐ, के पंण्मिश्वर के कृपा शा कुँऐं भे छुटा ने चेंई, अरह् तेस्के मंन के कड़वाट तुँवारा बिरूध अरह् झगड़ा खह्ड़ा करह्, अरह् ओके भे बैजाऐ लोग तेसी आरी मीलियों तेष्णें ही अशुद्ध बंणी ज़ाँव।

1 पतरस 2:25

किन्देंखे के तुँऐं आगे तअ भट्की अंदी भैढ़ो जेष्णें थिऐ, परह् ऐबे आप्णी आत्त्मा के रख्वाल़े अरह् बड़े हाक्मों कैई पाछू आऐ रूवे।

1 पतरस 4:15

तुँओं मुँझी कुँऐं भे आदमी खूनी, के चोर, के कू-कर्मी हंणों गाशी के ओकी के काँम-काज बिगाड़णों के कारण दु:ख ने भूगौ।

1 पतरस 5:2

के पंणमिश्वर की हिछ़या दे पंणमिश्वर की मंडल़ी के दे:ख-भाल़ करह्—कोसी दबाव दी आऐयों ने, परह् आप्णी हिछ़या के मुँताबिक कोसी लाल़च की नंजरी शी ने परह् शुद्ध सेवा-भाव शी।