1 तीमुथियुस 1:5 - Sirmouri

⁵ अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

सिरमौरी नौवाँ नियम

⁵ तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 तीमुथियुस 1:5 Iomraidhean Croise

मत्ती 12:35

भला आदमी मंन के भले भण्डार शी भली बातो नीकाल़ो, अरह् बुरा आदमी बुरे मंन के भण्डार शी निकाम्मी बातो नीकाल़ो।

मत्ती 5:8

भागोईत असो! सेजे जिनके मंन शुद्ध असो, किन्देखे के से पंणमिश्वर देख्दे।

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

प्रेरितो कै काम 23:1

संत्त-पौलुस ऐ तियों बड़ी खुम्ल़ी की ढबे नीह्जाऐयों देखियों बुलो; “हे भाईयों! मुँऐं हेबी तोड़ी पंण्मिश्वर की नंजरी दा पबित्र-शुद्ध जीवन बिताँऐ थुवा।”

प्रेरितो कै काम 24:16

ईन्देंखे हाँव पंण्मिश्वर अरह् आदमी की नंजरी दे आप्णीं अंन्त्तर-आत्त्मा अरह् जमीर सदा नींर-दोष रंहणों के कोशिष करदा रंऊँ।

रोमियों 10:4

किन्देंखे के मसीया ऋषी-मूसा खे भेटे गुऐं निय्म आपु पुरे करह्, अरह् आपु गाशी बिश्वाष कर्णो वाल़े खे पंणमिश्वर की नंजर दे बै-कसूर बंणाँव।

रोमियों 12:9

पियार बिना कऊँट्ल़े हों; बुराई दे शगाऐ ज़ाव; अरह् भलाई दे लागें अंदें रूवे।

रोमियों 14:15

जे तेरा भाऐ-बंईण तेरे भोजन के कारण उदास हों, तअ तबे तू पियारो के हिसाब शा ने चाल्दा; जिन्दें की ताँईऐं मसीया मरे, तेथू पियार तू आप्णे भोजन के कारण नाँष ने करे।

रोमियों 9:1

हाँव मसीया के नाँव शो साचो बुलू, झूठों ने बुल़्दा, अरह् मेरी अंन्त्तर-आत्त्मा भे पबित्र-आत्त्मा के जाँणें मुँखे बिश्वाष दियाँव,

1 कुरिन्थियों 13:1

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

1 तीमुथियुस 1:18

हे बैटा, तीमुथियुस, तिनू बरंमबाँणीं के मुँताबिक शा जू आगे तेरे बारे दी बुली गऐ थी, हाँव ऐजी अज्ञाँ देऊँ, के तू तिन्दे के मुँताबिक आच्छ़ी लड़ाऐ लड़दा रंह्,

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

1 तीमुथियुस 3:9

परह् से बिश्वाष के भेद् के जाँण्कारी शुद्ध बिचार शी सुऐं कंरियों थंह्।

2 तीमुथियुस 1:3

हाँव रात्त-देस आप्णी प्रार्थनाओं दे तुओं चींत्ते कर्दे पंण्मिश्वर का धन्यबाद करू, जिनकी सेवा हाँव आप्णें शुद्ध बीचार शी तेष्णीं ही करू; जेष्णीं के मेरे पुराँणिऐं करह् थिऐ।

2 तीमुथियुस 1:5

मेरे तुवाँरे नीष-कप्ट बिश्वाष चीत्ते आँव, जुण्जा सोभी शा आगे मुँऐ तुवाँरी नाँनीं लोइस अरह् तुवाँरी माँ यूनिके दा देखा थिया; सेजा ही बिश्वाष जरूर तुओं दा भे असो।

2 तीमुथियुस 2:22

परह् तू जवाँनी की हिछ़याओं शा दुरका भाग; अरह् जुण्जी बात पंण्मिश्वर के आच्छ़ी लागो, तिन्दे पाछ़ी चाल। जेष्णें के बिश्वाष, प्यार, अरह् मेल-झोल तिनू आदमी आरी करह्; जुण्जे पंण्मिश्वर कैई साफ़ मंन शी पुकार करह्।

तीतुस 1:15

पबित्र लोगो खे बादी च़ीज़ो पबित्र हों, परह् बिचकै अरह् बै-बिश्वाषी खे किऐ भे शुद्ध ने आथी, परह् तिनकी बुद्धी अरह् तिनका जमीर दुईनें अ-शुद्ध असो।

इब्रानियों 10:22

तअ आव, आँमें साच्चै मंन, अरह् बादे बिश्वाष आरी, अरह् आप्णी अंन्त्तर आत्त्मा का दोष दूर कर्णो खे आप्णें दिल गाशी छ़िड़कावा करियों, अरह् आप्णी देह्-शरीर शुद्ध जंल शी धोऐयों पंण्मिश्वर के नंजीक ज़ाँव।

इब्रानियों 13:18

आँमों खे प्रार्थना करिया करह्, किन्देंखे के आँमों भुर्षा असो, के अमाँरी अंन्त्तर-आत्त्मा शुद्ध असो। अरह् अमाँरी सेजी ही कोशिष रंह्, के अमाँरा जीवन ऐक नाँम बातो दा आदर-ईज्जत ज़ूगा हों।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

याकूब 4:8

पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।

1 पतरस 3:21

ऐजो नहाँण-नहाँणों च़ीन असो, जू तुओं खे छूट्कारा असो; ऐसी नहाँणों का मतल्व देह्-शरीर को मोंल़ धुणों ने आथी; परह् शुद्ध मंन शा पंण्मिश्वर खे आपु आप्खे देणों असो, किन्दें खे के ऐजो नहाँण प्रभू यीशू मसीया के दुज़ाल़िऐ ऊबै जीऊँणों का प्रतिक असो।

1 पतरस 4:8

सोभी शी बड़ी प्रभू यीशू के बात ऐजी असो, के ओका ओकी शो बैजाऐ पियार करह्, किन्देंखे के पियार कऐयों पाप दबाऐ दियों।

2 पतरस 1:7

अरह् भग्त्ति गाशी भाई-चारे को पियार, अरह् भाई चारे के पियारो गाशी हजो भे पियार बड़ाँदे ज़ाँव।

1 यूहन्ना 3:10

पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

1 यूहन्ना 3:23

ऐजी पंण्मिश्वर की अज्ञाँ असो, के आँमें तिनके बैटे मसीया प्रभू यीशू के नाँव गाशी बिश्वाष करह्, अरह् आँमों मुँझी पियार हों, जैष्णी तिन्ऐ आँमों खे अज्ञाँ देऐ थऐ।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।