1 तीमुथियुस 1:3 - Sirmouri

³ जैष्णों मुँऐंं मकीदुनिया खे ज़ाँदी बई ताँव कैई शो सम्झाँव थियों, के इफिसुस दो रऐयों कुछ लोगो खे अज्ञाँ दिऐ के ऊक भाँती शिक्क्षा ने दिऐ,

सिरमौरी नौवाँ नियम

^3-4 ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

1 तीमुथियुस 1:3 Iomraidhean Croise

प्रेरितो कै काम 18:19

जबे से इफिसुस नंगर दे पंह्ऊँचे, तअ संत्त-पौलुस ऐं प्रिस्किल्ला अरह् अकिवला तैथी छ़ोड़ी दित्ते; अरह् आपु यहूदी च़ौत्रें दे ज़ाऐयों यहूदियों की गईलो बात-च़ीत्त करदा लागा।

प्रेरितो कै काम 18:21

अरह् ऐजो बुलियों तिनू् कैई शा बिदा हुवा, के “जे पंण्मिश्वर ऐ चहाँव तअ हाँव तुँओं कैई हजो पाछू आँऊबा।” तबे से इफिसुस शो जहाज खुलियों चाली पड़ा;

रोमियों 15:26

किन्देंखे के मकिदुनिया अरह् अखया के लोगो के ऐजो आछो लागो, के यरूशलेम के पबित्र लोगो मुँझी गरीब कंगालो खे किऐ चहाँदा कठा करू।

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

2 कुरिन्थियों 11:4

जे कुँऐं तुँओं कैई आऐयों, कोसी ओकी यीशू का प्रचार करह्, जिन्दें का प्रचार आँमें ने करी थई; के कुऐं ओकी आत्त्मा तुँओं भेटो, जू आगे भेटी ने रंई थी; के ओकी कुऐं खुषख्बरी शुणाँव जुण्जी तुँऐं आगे ने माँनी थई थी; तअ तुँऐं तियों सह्ऐन करी पाँव।

इफिसियों 4:14

च़ौक्क्ष रूऐ, के कोसी आदमी की ठग-बाजी शे अरह् छल़-कप्ट शे, अरह् चुगली चलाकी शे, तुँऐं बह्काऐ-दुर्ताऐ ने ज़ाँव, के लोग तुँओं नहाँन्ड़िया जिऐ ने भट्काऐं दियों,

फिलिप्पियों 2:24

अरह् मुँह प्रभू गाशी भूर्षा असो, के हाँव आपु भे शट आँऊबा।

1 तीमुथियुस 4:11

ईनू बादी बातो के अज्ञाँ दे, अरह् ईन्दी के बारे दे शिक्क्षा ऐजी ही असो।

1 तीमुथियुस 4:6

जे तू कलीसिया के लोगों कैई शी ईनू बातो चित्ते कराँऐ, तअ तू मसीया यीशू का आछा दास बंणला; जेस्का पालण-पोष्ण, बिश्वाष के कारण, अरह् तेसी ही साच्ची शिक्क्षा के कारण हंला; जेसी तुँऐं माँनी थुवा।

1 तीमुथियुस 5:7

तुऐं तिनखे ईनू बादी बातो के अज्ञाँ दिऐ, जू से भे नीर्दोष बंणीं ज़ाँव।

1 तीमुथियुस 6:10

किन्देंखे के रूपिऐ का लोभ बादी बुराई की जड़ असो, जिनू पाँणों की कोशिष दी बहीते लोग बिश्वाष शे भट्कियों आपु-आप्खे कई किस्म के दु:खो लई छिनं-भीनं हऐ ज़ाँव।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

1 तीमुथियुस 6:3

जे कुँऐं झ़ुठी शिक्क्षा दियों, अरह् अमाँरे प्रभू यीशू मसीया के बचन ने माँनोंं, जू भगति के मुँताबिक शे असो।

2 तीमुथियुस 1:18

(प्रभू ऐशो करह्, के तेसी देसे तेसी गाशी दया-रंय्म हों)। अरह् जुण्जी-जुण्जी सेवा तेने इफिसुस दी करी, तियों भे तू आच्छ़ी ढंग शी जाँणें।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।

प्रकाशितवाक्य 2:14

परह् मेरे तेरे बिरूध दी किऐ बातो बुल़्णी, किन्देंखे के तेरे जागें दे किऐ ऐष्णें लोग असो, जू बिलआम के शिक्क्षा माँनों, जेने राजा-बालाक इस्राएलियों खे आगे ढैस-ठूकर का कारण मुर्त्तियों गाशी चढ़ाई गई बल़ी करी अंदी चीजो खाँव; अरह् बिचका कू-कर्म कर्णो खे उकसाव थिया।

प्रकाशितवाक्य 2:20

परह् मेरे तेरे बिरूध दो ऐजो बुल्णों, के तू तियों तिरंऐ-ईज़ेबेल आपु मुँझी रंहणों दिऐं, जुण्जी आप्खे भगत्तिण हंईयों अरह् मेरे चैले खे गलत शिक्क्षा दियों, अरह् मूँर्तियों खे भेंट करी अंदी चीजों खाँदें अरह् बैशिया आरी कू-कर्म कर्णो खे ऊकसाव।