1 तीमुथियुस 1:18 - Sirmouri

¹⁸ हे बैटा, तीमुथियुस, तिनू बरंमबाँणीं के मुँताबिक शा जू आगे तेरे बारे दी बुली गऐ थी, हाँव ऐजी अज्ञाँ देऊँ, के तू तिन्दे के मुँताबिक आच्छ़ी लड़ाऐ लड़दा रंह्,

सिरमौरी नौवाँ नियम

¹⁸ ओए रै बैटा तीमुथियुस ऐजै सैजै नियम औसौ जू मोऐं ताखै दैय लौवै हांव ताखै तिनु बातौ खै याद कौरणौ कारिए बुलू जू पाछलै सौमय दै पौरमेशवर कै बातौ बौताणौवाल़ै बौल़ै रैई थी कै तैरै साथै हौंदी। ताखै सुसमाचार कै सौचाई कारिए ठीक ढंग शै लौड़णौ कारिए तिनु शब्दो का इस्तैमाल ऐक हथियार कै जैशणा कौरणा चैंई।

1 तीमुथियुस 1:18 Iomraidhean Croise

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

1 कुरिन्थियों 4:17

ईन्देंखे मुँऐं तीमुथियुस जू प्रभू दा मेरा प्यारा अरह् बिश्वाषों ज़ूगा बैटा असो, तेसी मुँऐं तुँओं कैई डियाल़ी थुवा। से तुँओं कैई शी मसीया दे मेरी चाल-ढाल चिते कराँदा, जैष्णी के हाँव ढीको हर जागे दी बादी कलीसिया खे शिक्क्षा देऊँ।

1 कुरिन्थियों 9:7

ऐष्णा कुँण्जा फऊँजी असो, जू फऊँजी के सेंवा कर्दें आप्णा खर्च आपु करो? अरह् ऐष्णा कुँण जीम्मदार हला, जू दाख्ह-अंगुरोह् को खैच़ तअ लाँव ऐ, परह् तेसी खैच़ों का फल़ ने खाँदी? अरह् ऐष्णा कुँण भैड़वाल़ा, के गुवाल़ा, बकराल़ा हला, जू आप्णें लाई-सूई बईच़ी बुणेंरो को दूध ने पियों?

फिलिप्पियों 2:22

परह् तेसी तअ तुँऐं परख-अजमाँणों अरह् जाँणी थुवा, के जेष्णो बैटा बाबा की गऐलो करह् तैष्णों ही तेने खुषख्बरी फईलाँणों खे मेरी गईलो मेंह्नत करी थंऐ।

1 तीमुथियुस 1:2

तीमुथियुस, के नाँम जू बिश्वाष दा मेरा साच्चा बैटा असो: परंम-पिता पंण्मिश्वर अरह् अमाँरे प्रभू यीशू मसीया की ढबे शी ताँव्खे कृपा, अरह् दया-रंय्म अरह् शाँण्त्ति भेंट्दी रंह्।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 तीमुथियुस 4:14

ताँव कैई जुण्जा दाँण-बरंदाँण असो, जुण्जा के ताँव्खे बरंम्बाँणी के जाँणें, कलीसिया के दाँनें-माँनें पुराँणिऐं लोगो के हाँथ ताँव गाशी थंणों लंई भेंटा थिया; तू तेसी बरंदाँन सुवाँ करियों तिन्दी ही लंई सेंवा करे।

1 तीमुथियुस 4:4

किन्देंखे के पंण्मिश्वर की रंची-बणाँई अंदी बादी ऐक नाँम चीज शुद्ध असो, ऐक चीज भे छुड़णों ज़ूगी आथी ने; परह् ऐजो जरूरी असो, के बादी चींजो पंण्मिश्वर का धन्यबाद करियों खाई ज़ाँव।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 1:2

प्यारा बैटा तीमुथियुस, के नाँव: अमाँरे पिता पंण्मिश्वर अरह् अमाँरे प्रभू मसीया यीशू की ढबै शे कृपा अरह् कृपा दे शाँण्त्ति भेंटो।

2 तीमुथियुस 4:7

मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

तीतुस 1:4

संत्त-तीतुस जू मेरा बैटा जिया असो: किन्देंखे के आँमें दुईऐं ऐकी ही प्रभू यीशू गाशी बिश्वाष करी थुवा, परंम-पिता पंण्मिश्वर अरह् अमाँरा मुँक्त्ति देणों वाल़ा, मसीया यीशू की ढबे शा ताँव्खे कृपा अरह् शाँण्त्ति भेंट्दी रंह्।

फिलेमोन 1:10

हाँव आप्णे धर्म का बैटा उनेसिमुस की ताँईऐं, जू मुँह कय्दी दा भेटा, अरह् मेरे जाँणें बिश्वाष दा मेरा गोद लुवा बैटा बंणा, हाँव तुँओं शी ढाल-अरज करू।