1 तीमुथियुस 1:11 - Sirmouri

¹¹ ऐजी शिक्क्षा पंण्मिश्वर की बड़ियाऐ की खुषख्बरी के मुँताबिक शी असो, अरह् हर प्रकार के कृपा देंणों वाल़े, महाँन परंम-पिता पंण्मिश्वर शी भेंटी रंह्, जू मुँह कैई देऐ थऐ।

सिरमौरी नौवाँ नियम

¹¹ ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

1 तीमुथियुस 1:11 Iomraidhean Croise

लूका 2:14

“अस्माँनों दे पंण्मिश्वर के बड़ियाऐं, अरह् धर्ती गाशी तिनू आदमी गाशी जिन शे से खुशी असो, तिनू शाँण्त्ति भेंटली।”

रोमियों 2:16

जेसी देसे पंणमिश्वर मेरी खुषख्बरी के मुँताबिक शा प्रभू यीशू मसीया के जाँणें आदमी की चुप्पी की बातो का नियाँव करदा।

1 कुरिन्थियों 9:17

किन्देंखे के जे हाँव आप्णी हिछ़या शी खुषख्बरी प्रचार करू, तअ मुँह तिन्दे का प्रत्तिफल़ भेट्दा; अरह् जे हाँव आप्णी हिछ़या शा प्रचार ने करदा, तबे भे ऐजी मेरी जुमेंबारी असो।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

गलातियौं 2:7

परह् तिनू मुँख्या लोगे दे:खो, के पंण्मिश्वर मुँह कैई ऐष्णी ही ऐक प्रभू यीशू के टह्ल देऐ थऐ, जैष्णी संत्त-पतरस कैई पंण्मिश्वर यहूदियों खे खुषख्बरी शुणाँणों की टह्ल देऐ थऐ थी; परह् पंण्मिश्वरे गऐर यहूदी लोगो खे खुषख्बरी शुणाँणों की टह्ल मुँह कैई दिती।

इफिसियों 1:12

आँमें, जू आगे ही मसीया गाशी भूर्षा करी थुवा थिया; तिनकी बड़ियाऐ स्तुति के जाँणें हों।

इफिसियों 1:6

के तिनकी अपार बड़याई के कृपा स्तुत्ति हों; सेजी कृपा आँमों खे तिनके बैजाऐ प्यारे बैटे के जाँणें ऐई मुँजी भेंटी।

इफिसियों 2:7

पंण्मिश्वर ऐ आँमों खे जुण्जी दयालुत्ता यीशू मसीया दे देंखाऐ, तिन्दें लंई आँमों खे आँणों वाल़े ज़ूगौ दे आप्णी अपार कृपा के मुँताबिक देखाऐ दिती;

इफिसियों 3:10

जू ऐबे कलीसिया के जाँणें पंण्मिश्वर का साँत्त-भाँत्ता ज्ञाँन तिनू हाकमों गाशी अरह् अधिकारियों गाशी जू स्वर्गिऐं जागा दे असो, तिनू कैई पर्गट करा ज़ाँव।

कुलुस्सियों 1:25

ईयों ही कलीसिया की ताँईऐ हाँव तुओं खे पंण्मिश्वर के जाणें दिती गंऐ, सेवा खे सेवक च़ूणाँ-छ़ाँटा गुवा, के हाँव पंण्मिश्वर की अज्ञाँ का ठीक ढंग शा बचन का प्रचार करूँ।

1 थिस्सलुनीकियों 2:4

जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।

1 तीमुथियुस 2:7

ऐसी ही मंतल्व शा मुँह च़ूणाँ-छ़ाँटा गुवा प्रचार की ताँईऐं, अरह् खाँस-चैले के रूप दा, गऐर यहूदियों खे संच्चाई की शिक्क्षा देंणों खे डेयाल़ा गुवा; मुँऐ ऐजो साच्चों बुली लुओं; ऐजों झ़ूठों ने आथी।

1 तीमुथियुस 6:15

जैथू से ठीक बख्तो गाशी देखाँदा, जू परम-धन्य अरह् सिर्फ ऐक महाँराज अरह् राजाओं का राजा! अरह् प्रभू का प्रभू! असो;

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 1:11

ईयों खुष्ख्बरी खे मुँह प्रचारक, अरह् खास-चैला, अरह् शिक्क्षा देणो वाल़ा भे बंणाया गुआ।

2 तीमुथियुस 1:14

पबित्र-आत्त्मा के कारण, जिनका आँमों दा बास असो, तियों पबित्र-आत्त्मा की मंद्दत्त शी जुण्जी अंनमोंल खुष्खबरी तुओं कैई देऐ थंऐ, तिन्दें की आच्छ़ी रंख्वाल़ी करे।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

तीतुस 1:3

परह् ठीक बख्तो गाशी आप्णा बचन तेसी प्रचार के जाँणें पर्गट करा, जू अमाँरे छूट्कारा देणों वाल़े पंण्मिश्वर के अज्ञाँ के मुँताबिक मुँह कैई देऐ थुवा।