1 पतरस 1:1 - Sirmouri

¹ संत्त-पतरस की ढबे शी जू प्रभू यीशू मसीया का खास-चैला, तिनू प्रदेशियों के नाँम जुण्जे पुन्तुस, गलातियों, कप्पदुकिया, आसिया, अरह् बिथुनिया दे खिदर-बिदर हऐयों रंह् थिऐ,

सिरमौरी नौवाँ नियम

¹ हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

1 पतरस 1:1 Iomraidhean Croise

मत्ती 10:2

प्रभू यीशू के तिनू बारंह् खास-चैले के नाँव ऐजे असो: आगला शमौन, जेस्खे संत्त-पतरस बुली थिया, अरह् तेस्का भाऐ अन्द्रियास; जब्दी का बैटा याकूब, अरह् तेस्का भाऐ यूहन्ना;

मत्ती 24:22

जे सेजे देसो, घटाऐं ने ज़ाँदें तअ कुँऐं भे जींव-पराँणी ने बच़्दा थिया, परह् चूणें-छ़ाँटे अंदे के कारण सेजे देसो घटाऐ ज़ाले।

मत्ती 4:18

गलील झील, की टिराँव्टी दे चाल्दे-फिर्दे प्रभू यीशू ऐ, दो भाऐ दे:खे: शमौन जेस्खे पतरस बुली थिया, अरह् तेस्का भाऐ अन्द्रियास जेसी झील दा ज़ाल़ो लई पणंकाँदें दे:खा थिया; किन्देखे के से झियोंर मंछ़वारे थिऐ।

लूका 18:7

ईन्देंखे कियो पंण्मिश्वर आप्णे छाँटे अंदें, का नियाँव करदा ने; जुण्जे लोग रात्ती-देसो प्रभू के नाँव का जाप कर्दे रंह? कियों से तिनू लोगो के बारे दी किऐ देर कर्दे? ऐशो ने हंदी।

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

यूहन्ना 7:35

ईन्दें गाशी यहूदी अगुवाल़ लोगे ऐ आपु मुँझी बुलो, “ऐ केथै ज़ाँदा, जू ऐ आँमों खोज करियों भे भेटो ने? कियो ऐ यूनानियों मुँझी ज़ाऐयों तेथै बसे अंदे यहूदियों कैई ज़ाँदा; अरह् तिनू यूनानियों खे भे शिक्षा देंदा?

प्रेरितो कै काम 18:2

तेथै तेसी अक्विला नाँव का ऐक यहूदी भेटा, जेस्की जंन्म-भोम्मीं पुन्तुस नंगर दी थी। से भे आप्णी तिरंई प्रिसकिल्ला की गईलो अचकालिऐं इटली देश शा आया अंदा थिया, किन्देखे के महाँ राजा क्लौदियुस ऐ ऐजी अज्ञाँ देऐ थंऐ थी, के बादे के बादे यहूदी लोग रोम शे नींक्ल़ी ज़ाव, तबे संत्त-पौलुस तिन कैई शा भेंट करदा तेथै आया।

प्रेरितो कै काम 18:23

तबे कुछ देसो संत्त-पौलुस महाँ-नंगर अन्ताकिया दा रूवा, अरह् तबे से तेथै शे भे चाली पड़े; अरह् गलातिया अरह् फ्रूगिया के ईलाके बाटी नंगर-नंगर दे घुम्दे-फीर्दे बादे चैले बिश्वाष दे पाक्कै कर्दे रूऐ।

प्रेरितो कै काम 19:10

दू: साल्ह तोड़ी ऐजो ही हंदो रंहो, ऐत्ते ज़ुगौ के आसिया दे रंहणों वाल़े, यहूदी लोग, यूनानी लोग, सभिऐ प्रभू का बचन शुँणी पाया।

प्रेरितो कै काम 6:9

तेख्णीं तेसी ही बख्त्ते लिबर्तीन खुम्ल़ी के चौत्रे के किऐ लोग, जुण्जे के आगे ही कुरेनीं अरह् सिकन्दरिया नंगरों अरह् किलिकिया अरह् आसिया ईलाके के किऐ लोग स्तिफनुस का बिरोध अरह् तेसी आरी बाद-बिबाद कर्दे लागे।

प्रेरितो कै काम 8:4

जुण्जे बिश्वाषी लोग यरूशलेम शे खिदर-बिदर हऐ रूऐ थिऐ, से रिटी-फीरियों जागे-जागे दी पंण्मिश्वर की खुषख्बरी का प्रचार करह् थिऐ;

1 कुरिन्थियों 16:19

आसिया के कलीसिया की ढबे शी तुँओं खे नमंष्कार; अक्विला अरह् प्रिस्का का अरह् तिनकी घर की कलीसिया खे भे तुँओं खे प्रभू दा बैजाऐ-बैजाऐ नमंष्कार!

2 कुरिन्थियों 1:8

हे भाऐ बंईणों, आँमें ने चहाँदें के तुँऐं अमाँरे तेसी दु:ख-कल़ैष शे अजाँण्दें रंह्, जू आसिया ईलाके दा आँमों गाशी पड़ा; आँमें ऐशे बड़े भारी बोझ़ थाँई दबी गुऐ थिऐ, जू अमाँरे बष का ने थी, ऐतै ज़ुगा के आँमें आप्णों तारी पाओ थियों, अरह् आँमें तबै जीऊँणों के आश भे छ़ुड़ी पाऐ थी।

गलातियौं 1:2

अरह् बादे भाऐ की ढबे शा, जू मेरी गईलो असो, गलातियों की कलीसियों के नाव:

इफिसियों 2:12

ऐजो चीत्तें थुऐं! के तेसी बख्ते तुँऐं ईयों संईसारी दे मसीया शे ज़ोई थिऐ, अरह् इस्राएल की परजा मंडल़ी शे भे ज़ोई थिऐ; अरह् तुँऐं पंण्मिश्वर के जाँणें कंरे अंदे बाय्दे कंरार शे अंणजाँण थिऐ; जिन कैई ईयों संईसारी दे किऐ भे आशा-भरोषा ने थी, अरह् बिना पंण्मिश्वर के थिऐ।

इफिसियों 2:19

ईदेखे तुँऐं लोग ऐबे प्रदेशी अरह् शंणराँर्थी ने रंई, परह् पबित्र लोगो के साथी, अरह् आप्णें देश के अरह् पंण्मिश्वर के घराने के लोग बणें।

2 तीमुथियुस 1:15

तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

इब्रानियों 11:13

तेसी बाय्दे का फ़ल़ भेंटे बिना से बिश्वाष कर्दे मंरी भे गुऐ; परह् तिनू सेजी बाय्दें करी अंदी चींजों ताँव तोड़ी ऊँडी ने भेटी रंई थी, अरह् तिन्ऐ सेजी चींजो दुर्के शी ही देखी, अरह् तिनू चीजों का स्वागत्त करियों तिन्ऐ पंण्मिश्वर का धन्यबाद करा; किन्देंखे के से आपु खे ईयों धर्ती गाशी प्रदेशी अरह् बाईले लोग माँनों थिऐ।

याकूब 1:1

पंणमिश्वर का अरह् प्रभू यीशू मसीया का दास संत्त-याकूब कि ढबे शी बहारी गोह्त्र खे जू खिदर-भिदर हऐयों रंह्, तिनखे नमंष्कार पऊँची चेंई।

1 पतरस 2:11

हे प्यारों, हाँव तुँओं शी अरज करू के तुँऐं आपु खे प्रदेशी अरह् मुसाफर जाँणियों ईयों संईसारी की बुरी हिछ़या शे दुर्के रूऐ; जू तुँवारी आत्त्मा आरी ज़ूद्ध करह्।

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”