फिलिप्पी 4:5 - घले नयाँ करार

⁵ क्वाप्रेने ज्य व्यवहार चेब, नमयूजे बनी क्‍वादेने था प्रेस्‍स्‍य। प्रभु छ्‌योट्‍टोने ल्‍वारीय।

फिलिप्पी 4:5 Iomraidhean Croise

मत्ती 6:25

“येरेक्‍यूत्‍देबे ङ नमयूने यीय, रङ्से प्राणजे लागि ‘चैसे च, च थूङ’ होर्‌दे रङ्से ङ्वजे लागि ‘च ह्‍वे’ यदेबे फिक्री अन्‍चील्‍लाची।’ चब सेयली प्राण होर्‌दे ह्‍वेब कोलायली ङ्व थेप् केन् तेया?

मत्ती 6:34

होरेक्‍यूत्‍देबे नैदेजे लागि फिक्री अन्‍चील्‍लाची, चेनेयलो नैदेरेजे फिक्री नैदेजे दिन‍देने चीक्‍क्‍य। दीनीजे दु:ख दीनीजे लागि पूग्‍दीक ख्‍यङ्।”

लूका 21:34

“तर नमयू रङ्से बारेने होस्स्यार क्‍यूर्, न आनन्द-टूङ, ची, नादू थूङ प्रे अम्‍ब जीयाजे सूर्‌तदे नमयूजे सेम् प्लीक्कने, मेस्‍ये यूयूप्र त्‍याफेने हम्‍ब दिन नमयूफ्‍याने रने।

१ कोरिन्थी 16:22

कोइदे प्रभुने प्रेम अन्‍चील्‍लो हम्‍ब मीने श्राप टस्‍य। ओ ङीन्‍जे प्रभु, ख!

१ कोरिन्थी 6:7

नमयू नङ्ने त्‍यादे त्‍याजे विरुद्धने मुद्दा चीङ्ब नमयू मुद्दाने फूङ्‍गप्रने क्‍यूक्‍क्‍य। बरू अन्‍न्याय क्‍यूल्‍ली चैने अन्‍सैदे? बरू लूर्‌तीकलीने अन्‍‍सैदे?

१ कोरिन्थी 8:13

येरेक्‍यूत्‍देबे ङैदे चब चसेदे ङैजे अत च्योन पापने पर्‌तीबीय यलो ङ कलङ्बेये स्‍य अन्‍च, नत्र ङैदे रङ्से अत अची-च्योन्‌यूने पापने नाश क्‍यूस्‍से पीन्‍क्‍य।

१ कोरिन्थी 9:25

खेल क्‍याने सामेल् क्‍यूरबयू क्‍वादेने साप्‍ताकूरूने होस्स्यार क्‍यूत्‍देबे नियम नङ्ने टूङ-पर्‌तीय। थमयू नाश क्‍यूत्‍देबे प्रब मुकुट प्रेने येरे चीक्क्य, तर ङीनब कलङ्बेये नाश अन्‍क्‍यूप्‍पब मुकुट प्रेने येरे चीक्क्य।

२ कोरिन्थी 10:1

ङ पावल, नमयूजे खूम्‍ने क्‍यूप्‍प सोरो चीद क्‍यूक्‍क्‍य, तर चीन्‍तङ् क्‍यूप्‍प नमयूजे लागि सेम्ने आँट रीय। ख्रीष्‍टने ख्‍यब चीद क्‍यूरब मेस्‍ये ङ्येमब सेम्दे ङ नमयूने बिन्‍ती चीक्‍क्‍य।

२ थेसलोनिकी 2:2

यी कोइ अगमवाणी या वचन या चिट्ठीदे प्रभुजे दिन ट्‌यारङ्ने फ्‍योर ख्यङ् यदे यलो, हम्‍ब ङीतेलेदे रब मन्‍देबे नमयूजे सेम् छ्‌योटोने केर्‌चीदे केर्‌चीदे अन्क्‍यूल्लाची या नमयू अन्-आतीलाची।

तीतस 3:2

थमयूदे सूजेये विरोध अन्चीस्स्य, होर्‌दे च्‍य-फाये अन्चीस्स्य तर मीयू क्‍वाप्रेने चीद क्‍यूत्‍देबे मील्‍ले ख्‍वब क्यूस्स्य।

हिब्रू 10:25

कोइ मीयू सङ्गतिने अम्‍प्रब बनी ख्यङ्, तर ङीनब सङ्गतिने फूङ् क्यूरने अन्क्यालाचीदे। मेस्‍ये नमयूदे प्रभु रब दिन ट्‌यार्‌‍याङ् फ्‍योरब तङ्देबे त्‍यादे त्‍याने थेप् बोङ् पीन।

हिब्रू 10:37

चेनेयलो धर्मशास्‍त्रने लिख्दीये ख्यङ्, “जेम्से खात्याने रपर्‌तेब रने रीय, मेस्‍ये ङू गस्‍ये त्‍वो।

१ पत्रुस 1:11

अगमवक्तायू नङ्ने ख्‍यब ख्रीष्‍टजे आत्‍मादे ख्रीष्‍ट फ्‍याने पर्‌तीरब सकस्यू होर्‌दे ङ्येदे क्‍यूरब महिमाजे पो क्‍यमब बीलने तम्‍मे ख्‍य, मेस्‍ये अम्‍ब केर्‌बे मेस्‍ये कलङ् क्‍यूक्‍क्‍य यदेबे था प्रेजे लागि थमयूदे मैख्‍य।

१ पत्रुस 4:7

अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

प्रकाश 22:20

अम्‍ब पोयूजे गवाही पीनबदे यीय, “तम्दम्‍ने, ङ छ्‌योट्‍टो रेन ख्यङ्।” आमेन, ख स्व, प्रभु येशू।

प्रकाश 22:7

येशूदे यदे, “ले, जेम्से ङ छ्‍योट्‍टोने रेन ख्यङ्। अम्‍ब किताबने लिख्दीयेब अगमवाणीजे वचन मन्‍देबयूदे असी प्रेक्‍क्‍य।”