फिलिप्पी 4:19 - घले नयाँ करार

¹⁹ ङैजे परमेश्‍वरदे रङ्सेप्रे कोलानेयली म्‍यूर्‌नब सम्पत्ति अनुसार‌ नमयूजे साप्‍ता हर्‌जोयू ख्रीष्‍ट येशूने पूरा चीम्‍मीय।

फिलिप्पी 4:19 Iomraidhean Croise

मत्ती 6:32

यहूदी तेब मीयूदे अम्‍ब सेयूजे फिक्री चीक्‍क्‍य, मेस्‍ये स्वर्गने ख्‍यब नमयूजे पदे नमयूने अम्‍ब साप्‍ता सेजे हर्‌जो ख्‍यङ् यदेबे स्ये ख्‍यङ्।

यूहन्‍ना 20:17

येशूदे ङूने यदे, “ङैने अन्‍छूल्‍लाची, चेनेयलो ङ चूजोसेमे प ट्‌याने अङ्‍‍गीले ख्यङ्। तर ङैजे च्योन्‌यू ट्‌याने प्रदेबे थमयूने स्‍योम्‍मी, ‘ङैजे प मेस्ये नमयूजे प, होर्‌दे ङैजे परमेश्‍वर मेस्ये नमयूजे परमेश्‍वर ट्‌याने ङ प्रेन ख्यङ्’।”

यूहन्‍ना 20:27

होर्‌दे येशूदे थोमाने यदे, “नैजे ला ट अने पूइ, मेस्‍ये ङैजे लायू ले। नैजे ला ङैजे खैजेने पूक्ख। शङ्का अन्‍चील्‍लाची, तर विश्‍वास ची।”

रोमी 1:8

पात्‍ता खूम्, ङ नमयू ख्‍वोताजे लागि येशू ख्रीष्‍टप्रे क्‍यूत्‍देबे ङैजे परमेश्‍वरने धन्‍यवाद पीन्‍क्‍य, चेनेयलो नमयूदे चेब विश्‍वासजे पो का-मुलुक‍ने तैक ख्यङ्।

रोमी 11:33

परमेश्‍वरजे सम्पति कर फत्या कूम! ङूजे बुद्धि मेस्ये ज्ञान सोरो कूम गहिरो ख्यङ्! ङूदे चेब न्यायने सूदे बयान चे खूइय मेस्‍ये ङूजे लम् सूदे था प्रे खूइय!

रोमी 2:4

या परमेश्‍वरजे कृपादे नने पश्‍चात्ताप चीत्‍देबे ज्‍य लम्‍ने स्‍योल्‍क्‍य यब पो था अम्‍प्रेत्‍देबे, नदे परमेश्‍वरजे दया, सैदीन ख्‍वब बोङ्ने, अन्-आ‍तीलाबे रेन्‍न ख्‍वाब बोङ्ने चैकम्दे मनऔ?

रोमी 8:18

ङ विचार चीक्क्य, अम्‍ब जीयाने ङीनदे भोक्‍तीनब सकस्यू, नङ्‍ग ङीनदे प्रेब महिमाप्रे करब लायकजे त्‍वो।

रोमी 9:23

कादेये रङ्से महिमाजे लागि खूम्‍मेस्‍येने तयार चीत्‍देब ङूजे कृपा प्रेब मीयूने रङ्से महिमाजे सम्पत्ति तनने ङूदे येरे चीत्‍दे।

२ कोरिन्थी 12:21

ङ फेरि होने रब, मालाङ् पाप चेब मेस्ये अशुद्ध काम, वेश्य काम चेब मेस्‍ये छाडा बनीयू क्‍याबेने पश्‍चात्ताप अन्‍चेब कूम मीयूजे लागि ङैदे शोक् चेपर्‌तीने। येर्‌बे ङैदे पूस्‍तीनब परमेश्‍वरदे नमयूजे खूम्‍ने ङैने चीद चीम्‍मीइ च यदेबे फैन ख्यङ्।

२ कोरिन्थी 4:17

चेनेयलो ङीदे खात्‍या ङ्यूक्‍लीत्‍या प्रेब सकस्दे ङीने कलङ्बेये अन्‍जेनब पात्‍ता केन् महिमा तयार चीन्‍न ख्यङ्, अम्‍ब सकस्‍यली हम्‍ब महिमा केन् ख्यङ्।

एफिसी 1:18

ङ अम्‍बये प्रार्थना चीक्‍क्‍य, नमयूजे सेम्दे ङूजे ओथ्याङ् तङ खूस्‍य, मेस्‍ये चैजे आशा चीत्‍देबे ख्रीष्‍टदे नमयूने क्‍व ख्‍य, मेस्‍ये परमेश्‍वरजे पवित्र मीयूने ख्रीष्‍टजे महिमाजे हकजे सम्पत्ति च ख्यङ्, हम्‍ब नमयूदे स्‍ये खूस्‍य।

एफिसी 1:7

ङूजे सोरो केन् अनुग्रह अनुसार ख्रीष्‍टजे कादे ङीन ख्रीष्‍टने क्‍यूत्‍देबे उद्धार, ङीनजे पापजे क्षमा प्रेक्क्य,

एफिसी 2:7

अम्‍बब नङ्‍गजे जूग्‍यूने ङूजे अनुग्रह मेस्ये दयाजे बेस्‍से कूम सम्पत्ति ख्रीष्‍ट येशूने क्यूत्देबे ङीनने तम्‍मेने ख्यङ्।

एफिसी 3:16

ङ प्रार्थना चीक्क्‍य, ङूजे महिमाजे सम्पत्ति अनुसारजे शक्तिदे ङूजे आत्मा क्यूत्देबे नमयूजे नङ्-जीयाने बोल्‍यो बन्‍दीस्‍य,

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

फिलिप्पी 4:7

मेस्‍ये ङीनजे ज्ञानदे क्‍वने अङ्ख्‍वब परमेश्‍वरजे शान्‍ति ख्यङ्, हम्‍ब शान्‍तिदे नमयूजे ह्‍वे चे ख्‍वब शक्ति मेस्‍ये सेम्ने येशू ख्रीष्‍टने जूक्‍तीदे येम्‍मीय।

कलस्सी 1:27

अम्‍ब सूदेये स्‍ये अङ्ख्‍वब महिमाजे सम्‍पत्ति यहूदी तेब मीयूजे लागि सोरो केन् ख्यङ् यब पो क्‍व ख्‍व चीम्‍मेने परमेश्‍वरदे रङ्सेजे पवित्र मीयूने सेल्‍दे। अम्‍ब स्‍ये अङ्ख्‍वब पोजे अर्थब ख्रीष्‍ट नमयूप्रे क्‍यूरब पो ख्यङ्, हम्‍ब परमेश्‍वरजे महिमाने सामेल् क्‍यूरप्रेब आशा ख्यङ्।

कलस्सी 3:16

ख्रीष्‍टजे वचनदे नमयूजे सेम् बेस्‍से फ्‍यानीस्‍य। पूरा बुद्धि चील्‍लीदेबे त्‍यादे त्‍याने लोम तन ची मेस्‍ये आर्ती, होर्‌दे रङ्से सेम्देमेस्‍येने परमेश्‍वरने धन्यवाद पीन्‍देबे जै-जै चेब आत्माजे प्रू पूई।

१ थेसलोनिकी 2:12

येरेक्‍यूत्‍देबे यी नमयूजे आनिबानि परमेश्‍वरदे छेब लायक‍जे क्‍यूस्‍स्‍य, ङूदे नमयूने ङूजे रङ्सेजे राज्‍य मेस्‍ये महिमाने कोय।

१ तिमोथी 6:17

केन् अन्‍त्‍वोल्‍लाची यदेबे अम्‍ब संसारजे फ्‍योबोयूने आज्ञा पीन्, मेस्‍ये येतार्‌ने अन्‍टूनब सीर-सम्पत्तिने दी तर ङीनने साप्‍ता थोकने बेस्‍से पीनब परमेश्‍वर फ्‍याने थमयूदे आशा चीस्‍स्‍य।

फिलेमोन 1:4

कन्‍छ्वाब ङैदे प्रार्थनायू चीप्‍प नने ह्‍वे चीक्‍क्‍य हन्‍छ्वाब ङैजे परमेश्‍वरने येतार्‌ने ङ धन्‍यवाद पीन्क्‍य,

१ पत्रुस 5:1

ख्रीष्‍टदे भोक्‍तेब सकस्यूजे साक्षी मेस्ये ङ्‍येदे तङ्‍रब महिमाने सामेल् क्‍यूर प्रेब एल्‍डर त्याजे नातादे नमयूजे नङ्ने ख्‍यब एल्‍डर ख्योन्‌यूने ङ बिन्ती चीक्‍क्य।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।