फिलिप्पी 4:14 - घले नयाँ करार

¹⁴ होरेक्यूल्‍लीने नमयूदे ङैजे सकस्ने तोङ्मीदेबे सोरो ज्‍य चीत्‍दे।

फिलिप्पी 4:14 Iomraidhean Croise

मत्ती 25:21

“मालिकदे ङूने यदे, ‘स्‍याबास, ज्‍य भर्‌पर्‌देब त्‍वो! न छीत्‍या सेने भर्‌पर्‌दे ख्‍वब क्‍यूत्‍दे, जेम्से ङ नने कूम सेजे जिम्मा पीन्क्‍य। जेम्से-ख न रङ्से नोबोप्रे सूग प्रेक्क्‍य।’

रोमी 15:27

अम्‍ब भेटी थमयूजे सेम् नङ्देने पीन ख्‍य। तम्दम्ने येयलो मकेडोनियाने मेस्‍ये अखैयाने ख्यब विश्‍वासीयूजे भार यरूशलेमने ख्यब विश्‍वासीयूने ट-ख्यङ्। चेनेयलो यहूदीयूदे प्रेब असी यहूदी तेब मीयूदेये प्रेख्यङ्‍यलो, थमयूदेये प्रेब नोरदे यहूदीयूप्रे असी क्‍वे पर्‌दीय।

गलाती 6:6

परमेश्‍वरजे वचन लोम प्रेब मीयू क्‍वादेने रङ्सेजे ज्‍य सेयू वचन लोम्‍मेब मीयूप्रे क्‍वे पर्‌दीय।

फिलिप्पी 1:7

नमयू क्‍वाजे लागि येरे मनब ङैने ज्‍य थेको, ङैदे नमयू क्‍वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्‍योप्‍प मेस्‍ये विश्‍वासने बोल्यो चीम्‍मेब कामने नमयू ङैप्रे-प्रे परमेश्‍वरजे अनुग्रहने सामेल् क्‍यूर ख्यङ्।

फिलिप्पी 4:18

ङैदे प्रेपर्‌ते यली थेप्ने प्रेक्‍क ख्यङ्। नमयूदे एपाफ्रोडिटसजे लाने चङ्बेब हम्‍ब दान परमेश्‍वरने सेम् पर्‌तेब, लेम् बस्न रब मेस्‍ये सूग्‍लाबे चेब बलिप्र ङैदे प्रेत्‍देबे बेस्‍से सूग ख्यङ्।

१ तिमोथी 6:18

थमयूदे ज्‍य काम चीस्‍स्‍य, मेस्‍ये ज्‍य कामयू चीत्‍देबे फ्‍योबो क्‍यूस्स्य, सेम् यङ्लाबे हर्‌जो क्यून्‍नबयूने पीनजे लागि येतार्‌ने तयार क्यूरो।

हिब्रू 10:33

कलङ्ब मीयूदे नमयूजे न पूत्‍दे मेस्‍ये मीयूजे खूम्‍ने अन्‍ज्‍य सकस्यू पीन्‍देबे तामासा क्यूत्दे यलो कलङ्ब येरप्र दु:ख प्रेब मीयूने तोङ्मेजे लागि नमयू थमयू प्रे-प्रे मेर ख्‍य।

हिब्रू 10:34

नमयूदे कैदने ख्यब मीयूने दया तन्दे, मेस्‍ये रङ्सेजे सम्पत्ति लूर्‌तीकीली सूगे-सूगे सैदीनूदे, चेनेयलो झन् थेप् येतार्‌ने क्‍यून्‍नब केन् सम्पत्ति रङ्सेप्रे ख्यङ् यब पो नमयूदे स्‍ये ख्‍य।

हिब्रू 13:16

भलो काम फरने, मेस्‍ये रङ्सेप्रे ख्‍यब सेयू सूजोयूप्रे क्‍वेने येल अन्‍क्‍यूर्‌, चेनेयलो परमेश्‍वरने सेम् पर्‌तेब बलि अम्बने ख्यङ्।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।