फिलिप्पी 4:11 - घले नयाँ करार

¹¹ ङैने हर्‌जो क्‍यूर ख्यङ् यदेबे नमयूने येर य दी, चेनेयलो ङै फ्‍याने च पर्‌तीरली हम्‍बनेने सून्‍ताकी क्‍यूत्‍देबे टूङब लोम्क ख्यङ्।

फिलिप्पी 4:11 Iomraidhean Croise

लूका 3:14

सिपाईयूदेये लोत्‍दे, “ङीदेब च चे?” ङूदे थमयूने यदे, “कोइ फ्‍याने आज्ञा चीत्देबे, मेस्‍ये लूच्‍च दोष तन्देबे अन्‍लूट्दीलाची। रङ्सेजे तनखने सून्ताकी क्‍यूरो।”

२ कोरिन्थी 11:27

ङैदे येरे छेम्‍प्रे चीत्‍दे मेस्‍ये सकस् भोक्‍तीदे, अन्-ङ्यूम्लाबे कोला मून् चदे, ठीले-ठीले मेस्‍ये क्‍यू फै-फै टूङ्दे, कूमफे चैये अन्‍चलाबे टूङ्दे, ड्वे रब कोला ह्‍वेअम्‍प्रे क्‍यूत्‍देबे सोरो खङ्दे।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

२ कोरिन्थी 9:8

परमेश्‍वरदे नमयूने थर्‌-थर्‌जे असीयू बेस्‍से कूम पीन खूइय, येरेक्‍यूत्‍देबे येतार्‌ने नमयूप्रे थर्‌-थर्‌जे सेयू बेस्‍से कूम क्‍यूस्‍स्‍य, मेस्‍ये सोरो ज्‍य थर्‌-थर्‌जे कामयूजे लागि नमयूदे बेस्‍से कूम पीन खूस्‍य।

फिलिप्पी 3:8

अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

हिब्रू 10:34

नमयूदे कैदने ख्यब मीयूने दया तन्दे, मेस्‍ये रङ्सेजे सम्पत्ति लूर्‌तीकीली सूगे-सूगे सैदीनूदे, चेनेयलो झन् थेप् येतार्‌ने क्‍यून्‍नब केन् सम्पत्ति रङ्सेप्रे ख्यङ् यब पो नमयूदे स्‍ये ख्‍य।